Ap 2:23 - Anutuning midi totangka ingaʼni

²³ Ka Jisas ka sidi bema kadagang taramiking wa sidasa' mo' tiging. Mokngang wa Anutu wari kadapmang ka ana timinggi' kuma' tanga kabigu' wara'ganangsa' yaranga kabisaminga bemging. Bema aming arantagim nua'ni ka Anutuning kadapmang tang ganang mo' ikiting wara'sining kafasi'ganang iminga firi ugari ganang uking undu' sidisa' uking.

Ap 2:23 ပူးပေါင်းရင်းမြစ်များ

MATYU Anutuning midi kareng Matyu wari yoku' 20:19

Ning tanga bema tonga aming arantagim nua'nining kafasi'ganang nipmiinga wari midi kadagasi kuni' kuni' nangkigenga fefinap tanga bema firi ganang ugarinapni'ga'. Ning tinga kama fama' ibinga famineng wara'ganang wa tubobu marakok ga' ning yanggu' Jisas wari.

MATYU Anutuning midi kareng Matyu wari yoku' 26:24

Ka midi ka Amingning Tim Iyak wari kungkumak wara'ning wa tim umpang ganang kuma' yoking fideta' wara' na u tatarafik ning guk mokngang, kungkumaksa' totik. Ka aming ka nifikadofi tara' waraga' wa ning torik, bibiri' sini' adi mengni wari mo' ibeunga tugu' wa adi kadagang girii ka naga nifikadofi ning u tara' wari mo' tipkadaro'. Wara' ning torik, adi kadapmang ka naga nifikadofi ning u tara' wa napa' kadagang sini' tara'.

MATYU Anutuning midi kareng Matyu wari yoku' 27:35

Ning tanga aming wari Jisas u bema firi ganang ugariging. Jisas u firi ganang kuma' ugaringa kabinga ning tanga adining kwi' kangkamani kifang kamiging u tanga bemna waraga' kat mera aratiging.

MAK Anutuning midi kareng Mak wari yoku' 15:24

Ning tanga Jisas u bema firi ugari ganang ugariging. Ugaringa kabinga ning tanga Jisas ning kwi' kangkamani kifang kufaging u tanga bemna waraga' kat tiging.

LUK Anutuning midi kareng Luk wari yoku' 22:22

Beng sini' Amingning Tim Iyak naga inga' mamareng u bimbem waraga' wa kadapmang ka na sibeng Anutu ana timinggi' kuma' kanga tanga kabigu' wara'ganangsa' yaranga totik de. Ka aming ka naganing digirapna ganang nifikadofota' waraga' wa ning torik, bibiri' sini' adi ana kadaga wara'ning kadapmang tota' ning togu'.

LUK Anutuning midi kareng Luk wari yoku' 22:37

Ka kama mamareng u kadofota' waraga' wa adi midi nua'ni ka tim Anutuning midi umpang ganang ning kuma' yoking, adi aming wari aming kadagang ka kubu a aming dipming sep titiing wara'guk dabiksa' kaing. Ka beng sini' midi ka u yoking a midi fam dabiksa' ka nagata' sura yoking wa kami yara'ganang wari nagaganang beng guk kadofota'.

LUK Anutuning midi kareng Luk wari yoku' 23:33

Inagira ning tanga anganga kama wap ka Golgota ka ki kati ganang ning aniaging u kadofinga aming famineng u manggara firi ugari ganang ugariapking, Jisas ana ka bining a aming fama' wa nua'ni ka Jisas ning gagaa ka kafong kareng ganang tara' a nua'ni ka kafong kesini ganang tara' ning ugariabinga adeging.

LUK Anutuning midi kareng Luk wari yoku' 24:20

Ka indining pris girisi guk ka aming girisi fam guk wari bema Romni gavman ning kiap Pailat ga' amiinga kiap wari kungkumak titiga' tuguinga bema tonga firi ganang ugariging.

JON Anutuning midi kareng Jon wari yoku' 19:18

U anga kadofinga ning tanga Jisas u bema firi ganang ugariging. Ning tanga aming kadagasi fama' undu' Jisas ning gagaa ganang Ugariapking, nua'ni ka kafong kareng ganang a nua'ni ka kafong kesini ganang tara' ning tinga Jisas wa bining adegu'.

JON Anutuning midi kareng Jon wari yoku' 19:24

Ning tanga ning toging, ningwara' kat tanam. Tanga aming kubanik warasa' bemnota'. Ning tonga kat tanga aming nua'ni wari irafira wara'ganang bemnagu'. Ka kat u tiging waraga' wa timinggi' Devit wari midi nua'ni ka ning kuma' yoku', <> Ning yoku' wara'ganang didimengsa' tinga midi wari beng guk kadofigu'.

Ap 13:27

Ka Jisas wa Jerusalem yong do ikinga Jerusalemni ami taming guk ka aming girisi guk dabiksa' adi kuma' kasasu'neging de, ka adi adining ki ka aming indi yotangkanipning wara'guk mo' kigedaging. Abanga adi aming ka wari kagadofi wara'ning midi ka tim profet wari yoking ka ana sabat ganang fikifiki kuma' faindangikiting waraga' kafakafa guk mo' sura nakedaging. Mokngang adibu marara midi animbe tanga kadapmang didimeng mo' taramikinga midi ka tim profet arantagim wari napa' ka ningwari kagadofi ga' tuguinga yoking wari bengsa' kadofigu'.

Ap 15:18

Girii ka timinggi' sini' kuma' togu' warisa' nua'bu tuguinga nakem ning yoking.>>

Ap 2:36

Ka Isrel aming dabiksa' sidi midi ka waraga' sura kafakafa nakedanting, Jisas ka Devit wari naganing girina ning togu' ka sidi bema ugariging unggungsa' wa Anutu wari bema wap girisi fama' ka tim iyak aming girii a Kasira Aming u amiinga tanga ita', Pita wari ning tokadofiamgu'.

Ap 3:18

Ka sidi u tiging waraga' wa tim Anutu ana undu' profet kabi'mo' u ininga midi ka adining Kasira Aming kareng wari kagaya bema kungkumak waraga' wa kuma'sa' toging. Ka sidi u taramiking wa Anutu wari midi wara'ning bengni u tipkadofigu'.

Ap 4:28

Ka adi u tiging wa anasining sasuk ganangsa' mo' tiging. Mokngang adi napa' napa' ifakadofi ning kigineng tuang guning sasuk ka timinggi' napa' wari ning kagadofi ga' kuma' tanga kabigung wara'ganangsa' yaranga tiging.

Ap 5:28

ai indi aming wara'ning wap a adining midi u nua'bu guk mo' itua waraga' wa tapni tang tasama midi kigineng kuma' sanggum. Ka indining tanga sidi naknim guk mo' tanga Jerusalem yong girii i kuma' yangara yangsasu'ning. Abanga sidi aming ka u kumogu' wara'ning ki wa indisa' tinga kumogu' ningsa' suknim waraga' ba ina fiaring ning yanggu'.

Ap 5:30

Ka wara'ning wa ning, sidi Jisas u bema firi ganang kuma' ugariging. Ka Anutu ka tim indining papane yotangkaimarugu' warisa' tubobu tipmaragu'.

Ap 7:52

Ka sidining papase adi Anutuning profet timini ka ni kagabi sa' guk mo' tiging. Mokngang adi kadagang sa' iramiksasu'neging. Profet adi midi kareng ka aming girii didimeng kareng wari abubu wara'ning u ituayaging de ka papase adi dipmisasu'na sa' tiging. Ka sara inga' sini' yara'ganang wa aming didimeng ka wari kadofiinga undu' sidasa' tipkadofinga ugumoging.

ROM Midi umpang Pol wari Rom aming ga' yokiamgu' 2:12

Ka wa ning, aming ka Juda mo' arantagim nua'ni adi kadagang wa Anutuning kadapmang tang lo ka Moses ga' amigu' wara'guk mo' ira titing wara' inga' Anutu wari tagagareyap to' ganang wa lo wara'ganang mo' tagagareyabo'. Mokngang adi anasining kadagang wara'ganangsa' yapma tagagarenga tarayabo'ga'. A aming arantagim ka Juda wa Moses ning kadapmang tang guk kuma' ikiting wara' adi kadagang titing wa kadapmang tapni tang lo u tipkadagating wara' inga' Anutu wari tagagareyap to' ganang wa kadapmang tang ka u tipkadagating unggungsa' yora ina ina kagaya bimbem ga' tarayabo'ga'.

ROM Midi umpang Pol wari Rom aming ga' yokiamgu' 4:17

Ka midi ka wara'ning ka tim Anutu wari Ebraham anigu' wa umpang ganang ning kuma' yoking, Ebraham gu kami aming arantagim kuni' kuni' wara'sining papasi' ning gipmirik ning yoking. Wara' indi ning nakantam, midi ka Ebraham wari indining papani' ning iik waraga' wa Anutu ka Ebraham wari naktangkangamgu' anasa' kuma' kigedanga midi ka u togu'. Beng sini' Anutu adi kigineng tuang, adi aming ka ni kuma' kumurota' u tubobu tipmarakinga ka' nua'bu girisa' iik ning tangkunang guk. Abanga adi napa' ka inga' kagadofi wara'ning kadapmang u timsa' kuma' kigedanga tuguinga napa' wari mandang inga' kagadofi wara'ning tangkunang guk beng sini' ikita'.

1 TESALONAIKA 2:15

Ka Juda arantagim kadagasi ka wa tim girii Jisas ugomoging. Abanga profet arantagim undu' fidipmiaging. Ning tanga aposel arantagim indindu' indifikadaga tanga indibusura yara fatiting. Beng sini' aming arantagim ka wa Anutuning kadapmang kareng ka Anutu wari aming titiga' nakita' u tarakayonga ning tanga aming aming ning digirap sini' ikiting.

1 Pita 1:2

Beng sini' sidi timinggi' sibeng Anutu wari adining arantagim ganang iikga' kuma' sifikasirinanga manggara kuksabinga iking. Ka Anutu wari u manggaksapku' wa adi sidita' ananing mini unggo u saminga mini unggo wari inga'ni ning sifaigikinga aming arantagim ka Anutuning naro'sa' ira Kasira Aming Jisas ning midisa' yaranga ikinga Jisas ning kunkumak ning kigineng wari sidining kadagang u tanga kayosaminga kareng iik waraga' sura manggaksapku'. Anutu wari sidita' ai'dap tasama kaba kugurang u saminga adining kaba kugurang a bibiri' wari sidiganang undu' siamo' kadofota'.

1 Pita 1:20

Ka Kasira Aming ka indi yotangkanip ga' kane u tugu' wa timinggi'sini' kama kunim ko mo'tugu'ganang wa Anutu wari kane ka u titi waraga' kuma' kasiranga kabigu'. Ka inga' sini' i ikem yara'ganangsa' wa indi yotangkanim, ga' tanga sareng kadofiinga kagum.

1 Pita 2:8

Abanga uningkim ka waraga' undu' profet Aisaia wari ning kuma' yoku', <> Ka wara'ning ki wa aming wari Anutuning midi kareng u ninak ga' bibi' nakinga midi ka wara'ning kigineng wari aming ka u ifikadaga waraga' togu'. Beng sini' aming ka wa Anutu ana kadaga titiga' kuma' ifikasiranga ibita' warisa' kadagating.

JUT Midi umpang Jut wari yoku' 1:4

Beng sini' aming fam ka Anutuning arantagim sini' mo' wari aming ka Anutuning arantagim indining bining kapmo' kuma' abanga amanga iking. Aming arantagim ka wa kadapmang sansaramik fatiangating, adi kadapmang kadagang u kagabi guk mo' tanga ko ningsa' tanga ira a Anutu adi ai'dap tuang ning wa usingsa' sige fatoing. Ning tanga adi indining tim iyak aming a girini' kubaniksa' ka Kasira Aming Jisas waraga' manda sini' ukngama ikiting. Ka kadapmang kadagang ka u titing wara'ning kagaya bimbem waraga' wa Anutu wari tuguinga timinggi' umpang ganang kuma' yora kabiging.

REVELESEN Anutu wari Jon ga' Girii Jisas ning ki anatintingneinga kagu' 13:8

Ka sipsip nano ka tim kuma' ugumoging adi buk girii nua'ni guk suronga ikita'. Buk ka wara'ganang wa adi timinggi' kama kunim ko mo' tipkadofigu' ganang ka aming ka adita' naktangka titing wara'sining wapsi' u yora faibita'. Ka aming arantagim ka wapsi' u yora faibita' wa adi ka' fikifiki ningsa' iik wara'ning. A aming ka wapsi' ka adining buk wara'ganang guk mo' ikiting wa aming ka ningwara' dabiksa' adi keng kadagang ka kusip girii lepat da'ning wara'ning wapsa' bema aranga adita' mesisiringam sa' fatini'ga'.