Ap 18:5 - Anutuning midi totangka ingaʼni

⁵ Ka inga' Sailas ya Timoti ya wari kama tubo Masedonia tara' do kabinga abugumu'. Ning tinga Pol adindu' kane kabi' ka fugu yotangka ning guk tanga yagu' u kabinga kane ka midi itua ning unggungsa' ubu tanga Juda aming u midi tangkunang sini' ka ning fainarugu', midi ka tim Kasira Aming wari kagadofi ga' urang toging wa Jisas wari kuma' kadofigu' waraga'sa' toging.

Ap 18:5 ပူးပေါင်းရင်းမြစ်များ

LUK Anutuning midi kareng Luk wari yoku' 12:50

Ka na inga' mamareng girii nua'ni wari mungkupnanabinga ama mang amanga putip titining ningda'ning tok ga'. Wara' na fikifiki mamareng ka waraga' sura kabakna mamareng naknga sasuk mimeng tanga gi' guk mo' itik. Ka ning torik, ningwara' mamareng ka wa urap kadofinga biwa'.

LUK Anutuning midi kareng Luk wari yoku' 16:28

Ning tinga adi kabaksi' faranga kadagang u kabinga karengsa' ikanting wara' adi inga' kagaya girii yara'guk mo' bemni' ning touta'.

JON Anutuning midi kareng Jon wari yoku' 1:41

Ka Andru adi inga' tubobu anga kuyangni Saimon u ning urapsa' anigu, ai Saimon gam indi kami aming girii Mesaia urang u kayamuk. Ka wap ka Mesaia wara'ning kini wa Anutuning Kasira Aming.

JON Anutuning midi kareng Jon wari yoku' 10:24

Ka Juda aming girisi wari u kanga anga Jisas u karamaknga adenga ning aniging, ai indi fikifiki guning midi waraga' tanga sasuk fama' guk fatem. Ka gu Kasira Aming sini' udep wa kami sarengsa' nine'. Ning tinga nakdidima sini' tanam ning aniging.

JON Anutuning midi kareng Jon wari yoku' 15:27

Ka naning arantagim sidi nagok kama paramu' sini' ira midi a nasi' kane ka naga tanga abutik wa kuma'sa' napsasu'nanga iking wara' sidindu' naning midi u ituani' ning yanggu'.

JON Anutuning midi kareng Jon wari yoku' 3:28

Ka sidi midi ka naga tim sangguk undu' kuma'sa' nakeding. Na sareng ning kuma' sangguk, na Kasira Aming mo'. Mokngang na Anutu wari Kasira Aming wari abubu wara'ning kadapmang u tipdidimangam waraga'sa' nangkaregu'.

Ap 10:42

Ning tanga indi Jisas wari ami taming ga' adining midi u ituaima yara waraga' indipmigu'. Ning nina indipmigu', sidi i anga midi kigineng ka Anutu wari naga aming ka ka' ko iking a aming ka kuma' kumakiting wara'guk dabiksa' wara'sining iiksi' u yapkedanga tagagareyap wara'ning girii kubaniksa' beng sini' nipmugu' wara' ning u ituayama yaranting, ning ninggu'.

Ap 15:22

Ka aposel arantagim a aming girisi abanga naktangka aming arantagim bak sige dabik wari Jems ning midi u naknga o beng guk torang ning toging. Ning tanga aming arantagim nua'ni ga' kudi umpang yokiam u bema Pol ya Banabas ya guk Antiok yongga' tubobu kubap amoinga aming wari u yapma o beng guk ning tutugu waraga' yong anasining naktangka aming fama' u ifakasireging. Aming fama' ka wa Judas ka wapni nua'ni Basabas, a Sailas ka adi naktangka ning kadapmang kareng wara'ning wap kareng guk ikiagumu' u ifakasireging.

Ap 16:1

Ka Pol ya Sailas ya adi kane ka naktangka aming ifitangka wara'ning u tanga anganga Debi yong u anga kadofigumu'. Kadofinga ning tanga yong ka u kabinga Listra yongga' ubu agumu'. Ka yong ka wara'ganang wa naktangka aming uyamang nua'ni ka wapni Timoti u katuagumu'. Adining mengni wa Juda taming ka adi Jisas ga' naktangka kuma' tugu', a beni wa aming arantagim nua'ni Grik unggung wara'ni.

Ap 16:12

Kadofinga sip u kabinga bemkura anga Filipai yongga' agum. Yong ka Filipai wa Rom aming warisa' nua'bu tipmarara Rom aming kabi'mo' udi u ikiaging. Ka wa kama tubo Masedonia tara' wara'ning yong girii tim iyak, u anga kadofinga ning tanga unggung kama fam ning dekum.

Ap 16:9

Ka tiim ganang Pol wari dama deramak tanga kagu' ka aming nua'ni ka kama tubo Masedonia tara' wara'ni wari adenga ku tangkunang ning katinganggu', o gu Masedonia indu' abanga yotangkanibe' ning togu'.

Ap 17:3

Ning tanga ning yangdidimanga yaregu', midi ka u yora yareging wara'ning ki sini' wa Mesaia ka aming indi yotangkanipma kagaya bema kungkumak tanga tubobu mamarak waraga' Anutu wari tipkasiregu'. Ka Mesaia ka u tipkasiregu' wa aming ka Jisas urang sanirik wang unggungsa' wa Kasira Aming, ning yanggu'.

Ap 18:28

Ning tanga adi yong yong u yangara ananing amine Juda ning midi ararok u utapaim waraga' tangkunang sini' ina ning tanga midi ka Anutuning midi umpang wari Jisas wa Kasira Aming ning tuguta' wa beng guk sini' ning u sareng sini' tokadofaima fiararugu'.

Ap 2:36

Ka Isrel aming dabiksa' sidi midi ka waraga' sura kafakafa nakedanting, Jisas ka Devit wari naganing girina ning togu' ka sidi bema ugariging unggungsa' wa Anutu wari bema wap girisi fama' ka tim iyak aming girii a Kasira Aming u amiinga tanga ita', Pita wari ning tokadofiamgu'.

Ap 20:21

Na fikifiki midi kigineng ka Juda aming guk ka Grik aming guk dabiksa' indi Anutuga' kabakni' faranga kadagang u kabinga girini' Jisas ga' naktangka titi waraga' fatoruguk.

Ap 20:23

Ka napa' kubaniksa' ka naga kama yong yong u yangatik ganang ka Anutuning mini unggo wari mamareng ka kalabus a mamareng fam wari kadofinam waraga' nanita' unggungsa' wa giri nakedarik.

Ap 20:24

Ka naning iikna ka ka' iik ka kami yara'ganang i tirik ya napa' girii ningsa' iikning ning mo' katik mokngang wara' na kafakafa gi' iikga' sasuk mimeng mo' totik. Na kane girii ka girii Jisas wari adining midi kareng ka Anutu wari kafakafa tinibita' wara'ning u namgu' u ituanga yaranga tasasu'na waraga'sa' wa giri kigineng sini' suktangkanga titik.

Ap 4:20

Ka indi napa' napa' karesi ka Jisas wari ifakadofigu' a midi karesi ka adi togu' u naknga a kaga tanga ning tugumuk u itua waraga' wa indi kagabi guk mo' tantamuk. Mokngang indi tokadofi sa' tantamuk ning togumu'.

Ap 9:22

Ka Anutu wari Sol u yotangka sini' tinga Sol ning tangkunang wari girii giranga giranga agu'. Ning tinga adi midi ka Jisas wa Anutuning Kasira Aming girii beng guk sini' ning u kigineng sini' ituanga yareinga Juda aming ka Damaskas yong ikiaging wari adining midi u udangam ga' ning tonga suking ka mokngang, adi Sol ning midi kigineng ki guk u naknga midi tutugu ning kadapmang kareng ga' nafek tanga kagabisa' tiging.

2 Kor 1:19

Ka Kasira Aming Jisas Anutuning mindinini ka nagok ka Silas ya Timoti ya guk indi u sangnataminga naking wa adi midi fama' guk mo' tuguta', mokngang, adi midi kubanik ka beng guk ningsa' tuguta'.

2 Kor 11:9

Ning tanga na sidigok u anga yaguk ganang wa napa'niga' nafek tanga undu' na sidi yotangkanap ga' guk mo' sangguk, mokngang na mambong fam ka nafek tuguk wa kuyane fam ka Masedonia tara' do abiging warisa' yotangkanapking. Na fikifiki sidita' mamareng kabi' ni ma samok ning tonga kafakafa sura titik, ka inga' undu' kadapmang ka u titik ningsa' ko tanga irotik.

2 Kor 5:14

Ka indi sasuk ka Kasira Aming Jisas wari indita' siamo' nakita' warisa' indining kabakni' u indefiinga indi kane u kagabi ning kadapmang guk mokngang. Indi ning katam ka Jisas wari indita' siamo' naknga aming dabik indi yotangkanip ga' wa aming kubanik anapmo'sa' kumogu' wa indi dabiksa' kungkumak ning ningda'ning kuma' tugu'.

FILIPAI Midi umpang Pol wari Filipai amingga' yokiamgu' 1:23

A nua'ni ka ning torik, na kungkumak totik wa Kasira Aming Jisas anagok anga ira napa' kareng sini' ning katuatik.

1 TESALONAIKA 3:2

A Timoti gusa' aya'. Ning tonga indi kuyani' Timoti ka Anutuning kane ka Kasira Aming Jisas ning midi kareng tokadofi wara'ning titam u anigaregumuk. Ning tonga anigaregumuk, indi urap anga sasuksi' mo' ina ifitangkantam wa adi mamareng ka naktangka aming indiganang kadofira' yara'ganang ma kadani'. Ning tonga sidining naktangka u anga sifitangka waraga' tanga anigareinga agu'. Ka kuyane sidindu' kuma'sa' naking, mamareng ka u bemitam wa sige anasa' mo' kadofinimita', mokngang, Anutu adi kuma'sa' sura kabiinga kadofinimita'.

1 TESALONAIKA 3:6

Ka na Timoti u anigareguk wa adi sidigok u kuma' anga iya' sidining kadapmang kareng u kasasu'nanga sara sa' tubobu abugu'. Abanga kadofinga ning ninggu', girisa' iking. Adi kadapmang ka naktangka tang tanga amise fam ga' siamo' naknga yotangkayap titi wara'ning u fikifiki ningsa' ko tanga iking. Abanga ning ninggu', adi sidita' kabaksi' karengsa' naknga fikifiki sidining nondaksi' nua'bu sasp ga'sa' sasuk ka sidi adisining nondaksi' iyap ga'sa' naknga ikiamu' ningsa' tanga iking.

1 Pita 5:12

Ka na midi ka umpangganang u tonga abarik wa Sailas wari yotangkanama adining kafong warisa' yoknamara'. Sailas wa na ning fakarik ka indining kuyani' kareng sini'. Na sidining kabaksi' sifimarakinga sidi tangkunangsa' ira midi beng guk ka Anutu wari aming indita' ai'dap tinim wara'ning ka naga faituasamarik wara'ganangsa' iik waraga' sura umpang i yoksamarik.