Ap 18:23 - Anutuning midi totangka ingaʼni

²³ Anga kadofinga unggung itarugu'. Iya' ning tanga Antiok yong u kabinga yong ka kama tubo Galesia a Frisia tara' ka tim kuma' agu' u nua'bu anga naktangka aming u yapma ifitangka tanga midi ina ina agu'.

Ap 18:23 ပူးပေါင်းရင်းမြစ်များ

LUK Anutuning midi kareng Luk wari yoku' 1:3

Ka na midi wara'ning ki u nakdidima sini' titi waraga' kane kama paramu' sini' ira tanga ababanga naksasu'na sini' kuma' tanga wa kami nandu' guta' sura umpang ganang i yokamirik yang.

LUK Anutuning midi kareng Luk wari yoku' 22:32

Ka na waraga' sura Anutu wari Saimon gu gifitangkainga mangfu guk mo' titi waraga' wa na ibang undu' kuma' togamarik. Ka inga' gu kabaka faranga nagata' tubobu sura naktangka tanga kuyage fam yara'sining yotangkayap aming ning ire'ga'.

LUK Anutuning midi kareng Luk wari yoku' 22:43

(Ning tinga Anutuning kunim aming nua'ni wari urapsa' afanga yotangkangam tugu'.

Ap 15:32

Ka aming fama' ka Judas ya Sailas ya adi naktangka aming ning bining ganang ira tangkunang ka profet kane tanga Anutuning midi ki mang u tokadofi ning wara'guk tiagumu' wara' adi ifitangka titi wara'ning midi karesi kabi'mo' undu' yanggumu'.

Ap 15:41

Anga yong ka kama tubo Siria a Silisia tara' wara'ning bining ira yariaging u anga naktangka aming arantagim bak u ifitangka wara'ning kane tanga tanga agumu'.

Ap 16:40

Ning tanga Pol ya adi kalabus yak u kabinga naktangka taming ka Lidia adining yak ganangga' mugogumu'. Anga kadofinga yong wara'ni naktangka aming fam wari abanga yabinga ifitangka titi waraga' midi fam ima ima ning tanga ibinga yong nua'ni ga' mugo tugumu'.

Ap 16:6

Ka Anutuning mini unggo wari Pol u Anutuning midi kama tubo Esia tara' wara'guk mo' anga itua waraga' anisefi tanga kadapmang ka Frisia a Galesia tara' u au waraga' anatintingneinga marara aging.

Ap 19:1

Ka Apolos wari Efesas yong u kuma' iya' kabinga anga Korin yong do ikinga ganang ka Pol adi kadapmang ka yong fam ka karang ganang ira yariaging u ko dera dera agu'. Anganga Efesas yong do wa inga' kadofigu'. Kadofinga ning tanga yong wara'ganang undu' naktangka aming fam yaptuagu'.

Ap 2:10

Abanga Frisia a Pamfilia a Isip a Libia ka kama tubo Sairini tara' abanga aming ka Juda aming fam indigok ka aming arantagim nua'ni ka Juda indining kadapmang ubu yaranga tanga iking ka yong girii Rom do abanga ikem wara'guk

1 Kor 16:1

Ka kuyane na midi nua'ni ka kadapmang ka naktangka aming kuyane ka Jerusalem yong iking u yotangkayap waraga' uningkim kuguk ga' urang tonga nakum waraga' wa nua'bu ning sanotik, kadapmang ka wara'ning wa naktangka aming arantagim bak ka yong ka kama tubo Galesia tara' u ira yareting wari titiga' kuma' yangtintingneguk ka sidindu' ningsa' tinting.

GALESIA Midi umpang Pol wari Galesia amingga' yokiamgu' 1:2

Nagok ka kuyane fam ka nagok ikem adisigok indi naktangka aming arantagim bak ka kama tubo Galesia tara' u ifa yaring sidita' kabakni' kareng naknga mesisiringa tanga midi kamisamem.

GALESIA Midi umpang Pol wari Galesia amingga' yokiamgu' 1:9

Ka midi ka kuma' torik ningsa' ka kigineng sini' nua'bu ning toutik, aming ka ni inga' sidiganang u anga midi nua'ni ituanga midi ka i sanotik ya midi kareng ning sanota', ka midi ka wa tim indi saninga naknga naktangkaging wara'guk dabiksa' mo', wa mandaga' siramata'. Wara' ning torik, adi kadagang sini' tara' wara' kudip ganangsa' mawa'ga'.

GALESIA Midi umpang Pol wari Galesia amingga' yokiamgu' 4:14

Ka na mamareng guk u yaguk wa sidi yotangkanap tanga kane girii fatiaging de, ka sidi waraga' bibi' naknga napkadaga guk mo' tiging, mokngang, sidi kafakafasa' ka Anutuning kunung aming nua'ni wa ma Kasira Aming Jisas ana sini' kanga tangam ning ningda'ning tanamging.

1 TESALONAIKA 3:2

A Timoti gusa' aya'. Ning tonga indi kuyani' Timoti ka Anutuning kane ka Kasira Aming Jisas ning midi kareng tokadofi wara'ning titam u anigaregumuk. Ning tonga anigaregumuk, indi urap anga sasuksi' mo' ina ifitangkantam wa adi mamareng ka naktangka aming indiganang kadofira' yara'ganang ma kadani'. Ning tonga sidining naktangka u anga sifitangka waraga' tanga anigareinga agu'. Ka kuyane sidindu' kuma'sa' naking, mamareng ka u bemitam wa sige anasa' mo' kadofinimita', mokngang, Anutu adi kuma'sa' sura kabiinga kadofinimita'.

1 TESALONAIKA 4:18

Ka kuyane sidi midi ka i sanem i naknga kuyase fam undu' ina ning tanga sidasa' kabaksi' kura' tiptangkangam tanga mesisiringa sa' tanga ikanting.

1 TESALONAIKA 5:14

Abanga midi nua'ni ka ning sangtam, naktangka aming kuyase fam ka kane titiga' baratarak da' titing wa adisining kadapmang u tipdidima waraga' midi fam ina ifididima tinting. A aming ka sasuksi' tangkunang guk mokngang mutu titisi wa midi kareng ina ifitangka tinga mutu u kabinting. A aming ka naktangkasi' tangkunang guk mokngang undu' adisining kabaksi' ifitangkanga yotangkayap tinting. Ning tanga kuyasi' ka ni wari kadapmang didimeng ning bang fam u fe' kabi' tinga wa sidi kusubang gi'sa' ira yanggekanting.