Ap 18:21 - Anutuning midi totangka ingaʼni

²¹ Ka inga' tubobu guk udep abanga sabok wara'ning wa Anutu anasa' nakara'. Ning ina iibi tanga anga sip nua'ni ganang aranga mera Efesas yong u kabinga mugo tiging.

Ap 18:21 ပူးပေါင်းရင်းမြစ်များ

MATYU Anutuning midi kareng Matyu wari yoku' 26:39

Ning ina ning tanga ibinga kabi'ning anga kamaganang manga mungkupnanga Anutuga' ibang ning togu', o sibeng gu napa' yari nagaganang mo' kadofinamning ning udep karang wa usefinam te'. Ka naganing sasuk mo', ganing sasuksa' yaranga totang ning togu'.

MAK Anutuning midi kareng Mak wari yoku' 6:46

Ning tanga Jisas adi aming u yangkaranga adi mugosasu'neinga anapmo'sa' adenga kama bubo ganang ubu aregu'. Aranga mera beni Anutuga' ibang fatogu'.

LUK Anutuning midi kareng Luk wari yoku' 9:61

Ning tanga kabi'ning anga aming nua'ni nua'bu katuaging. Ka aming ka wari Jisas u kanga ning anigu', o girii nandu' gu gigiwak ga' nakarik de ka na tim ka tubobu anga naganing amine do yapma midi kafakafa yangdidimanga ning tanga inga' kuma' giwara awak.

Ap 15:29

Midi ka wa ning, sidi keng ka aming wari murak mandaga' ga' kuma' dipminga tiamiting, abanga keng amaa beng a keng ka aming wari amaa kafakafa guk mo' tanga igukiting ning u mo' nana, abanga kadapmang ka taming a ami nua'ni guk kadagang sansaramik titining u mo' sini' tanga tapni sini' tanga iik waraga' tongam u yoksamem. Ka sidi kadapmang didimengsa' yaranga napa' tapni ka i yoksamem i wadigi' sini' kabisasu'nanting wa karengsa'. Indining midi ka kuyane sidita' yoksamem wa ningsa' ning yoking.

Ap 18:19

Aranga mera ababanga Efesas yong u kadofinga bemkura amoging. Ka Pol adi Prisila imaraming u ibinga ning tanga anga Juda aming ka Efesas yong u ikiaging wara'sining siring yak ganang amanga midi kareng ituaima ning tanga Jisas ning midi kadapmang waraga' tonga nak tiging.

Ap 18:20

Ka Juda aming adi Pol wari unggung ira midi u nua'bu ininga ninak waraga'sa' naknga unggung iikga' anisefiging. Ka Pol wari ning yanggu', o kuyane kama paramu' guk mokngang wara' na sibinga mugo totik.

Ap 18:24

Ka kama ka wara'ganang Judani aming nua'ni wapni Apolos ka adi yoring Aleksandria yong u kabinga Efesas yong u anga yagu'. Aming ka wa Anutuning midi umpang udi fafongsa', adi aming midi itua kareng titiing.

Ap 19:1

Ka Apolos wari Efesas yong u kuma' iya' kabinga anga Korin yong do ikinga ganang ka Pol adi kadapmang ka yong fam ka karang ganang ira yariaging u ko dera dera agu'. Anganga Efesas yong do wa inga' kadofigu'. Kadofinga ning tanga yong wara'ganang undu' naktangka aming fam yaptuagu'.

Ap 19:17

Ka Juda aming a Grik aming dabik ka Efesas yong u yaging wari wara'ning midi ne u naknga napa' girii ning kanga base tanga tonga yareging wari girii Jisas ning wap wari girii giragagu'.

Ap 19:21

Ka Anutuning midi kane wari Efesas yong wara'ganang girii giragagu'. Ka Pol adi Anutuning mini unggo wari sasuk amiinga kama tubo Masedonia a Grik tara' u anga Jerusalem ga' tubobu mugo waraga' sura ning togu', ka na Rom yong girii do undu' nua'bu au ga' autik. Ka wa tim ka Jerusalem yong do anga iya' inga' kuma' abanga awak ning togu'.

Ap 20:16

Ka Pol adi tim sasuk ka sande girii Pentikos wa Jerusalem yong donggung anga kadofinga kaga waraga' suku'. Wara' adi ning ninggu', indi kama tubo Esia tara' i mimeng sini' mo' ikantam, urap da'ning antam wara' Efesas yong wa tatarafik sa' tanga antam. Ning nina indi Efesas yong wa tatarafik sa' tanga anga Mailitas yong u kadofigum.

Ap 21:14

Ka indi Pol ning sasukni kigineng ka u utapangam titining guk mokngang u kanga midi nua'bu guk mo' togum. Indi ningsa' togum, o ningwara' girii ananing sasuk ganangsa' girisa' kadofagamota'.

Ap 21:29

Adi Pol wari Efesas yongni aming Trofimas wara'guk Jerusalem yong bining u yangagumu' u tim kuma' kaging waraga' tanga tempel ganang undu' ning unda' nagira afanga' ning tonga wa ku ka u katiging wang.

ROM Midi umpang Pol wari Rom aming ga' yokiamgu' 1:10

Abanga na ibang tugutik ganang wa na Anutu wari ananing sasuk kareng ganangsa' kadapmang tanaminga inga' u anga sap titi waraga' undu' sura fatugutik.

ROM Midi umpang Pol wari Rom aming ga' yokiamgu' 15:32

Ning tanga na kane ka u kuma' tipmirotik ganang wa Anutu wari kadapmang tanaminga u awak ganang wa na waraga' kabakna kareng guk naknga awak. Ning tanga indi nondakni' kura' kang tanga kabakni' kura' tiptangkang tanam.

1 Kor 15:32

Abanga naga Efesas yong i tanga itik undu' ningsa', na mamareng ka aming wari midi kareng naga faituarik waraga' bibi' naknga nifikadaga tonga fating wa na mamareng girii ka aming wari kugwang kagaya baseni ka laion guk ami' urang titing ningda'ning tanga itik. Ka na kane ka mamareng guk u titik wa na napa' kareng ni ka kamaganang inggingni u bemna ga' mo' sura titik, mokngang, na ki girii kubaniksa' ka iik kareng ka aming kungkumosi wari tubobu marara bema iikning waraga'sa' sura titik. Ka beng sini' aming sasuksi' didimeng guk mokngang adi iiksi' waraga' sasuk mimeng guk mo' tanga midi nua'ni ka ning tuguting, indi mo' nakem kamindap wa indi kungkumak tanga wadigi' u bintam. Wara' indi napa' fam ga' sasuk mimeng mo' tantam, mokngang, indi nana karesi a ama ning unggungsa' tanga nanga mesisiringa sa' tanga ira antam, wara' kungkumak wari urapsa' kadofanimota' undu' girisa' kungkumak sa' tantam. Ka midi ka aming kungkumosi wari tubobu mamarak ning guk mokngang ning wa beng guk itaro'ganang wa nandu' adisining midi unggungsa' yaranga tanga iikning.

1 Kor 16:7

Ka na sidi u anga sapma wa na urapsa' sibinga mugo'ga' mo' nakarik. Ka girii ning sasuksa', nasi' kadapmang ka girii wari tanamota' wa na unggungsa' yaranga sidigok unggung paramu'ging iya' sibinga mawak.

1 Kor 16:8

Ka na Efesas yong i itik ya urap mo' kabinga autik. Tim ka ingging iya' Pentikos ning sande girii u kanga inga' wara'ganangsa' wa giri awak.

1 Kor 4:19

Ka wa ning torik, kuma'sa' autik, girii wari u au ga' aiga tota' wa kabi'sini' ungging kuma' auinga napminting. Ka na u anga wa aming ka fuksi' bema ara ning kadapmang ting wara'sining midisi' unggungsa' mo' nakok, mokngang, na kanesi' undu' kanga wa giri, adi tang guk beng ba ning wa wara'ganang towak.

2 Kor 13:11

O kuyane na sidita' sura midi pumpurum kabi' ari' ka ning torik, sidi sasuk ka iiksi' ning kadapmang u tipdidimanga naktangka aming karesi beng sini' iik waraga' kane tangkunang sa' tinting. Ning tanga midi kigineng ka naga yoksamirik ya ninaksa' titi a sidi dabik kabaksi' kubaniksa' kufara iik ning tinting. Ning tinga Anutu ka aming fam ga' siamo' ninak a kabaksi' kugurang iik wara'ning ki sini' wari sidigok ira yotangkasap tota'.

EFESAS Midi umpang Pol wari Efesas amingga' yokiamgu' 1:1

Ka Pol na Anutu ana tuguinga Kasira Aming Jisas wari nipmiinga adining aposel kane u tanga itik, wara' na Efesas yongni aming arantagim ka Kasira Aming Jisas ga' naktangka tanga adining kadapmang didimeng yaranga iking sidita' umpang i yoksamarik.

HIBRU Midi umpang aming nua'ni wari Juda amingga' yokiamgu' 6:3

Wara' indi midi ka wa kagabi da' tanga midi wara'ning girisi fam ka mang sini' adeing ubu undu' sangtam. Ka wa Anutu wari kadapmang tanimota' wa giri sangsasu'na sini' tantam.

Jems 4:15

Wara' sidi waraga' sura kadapmang kareng tanga Anutuning sasuk yaranga ning tanga napa'niga' sura wa ning tonting, Anutu gasa' nakarang indi ko ira kane ka u toyam uba titi, ma kane nua'ni titi undu' ganing sasuksa' yaranga tantam.

1 Pita 3:17

Beng sini' indi kadagang tinga aming fam wari waraga' tanga kagaya nimting wa indining kadagang ning to. A indi kadapmang didimengsa' tanga ikinga Anutu wari kuma' sura ibiinga indita' kagaya u nimting wa karengsa'.

REVELESEN Anutu wari Jon ga' Girii Jisas ning ki anatintingneinga kagu' 1:11

Ka midi ka togu' wa ning, gu napa' ka i gangtintingneinga yabarang a ganirik ya umpang ganang dabiksa' yoksasu'nanga manggara naktangka aming bak ka yong seven ning wara'ganang iking wara'siga' ima yarotang. Yong seven ning ka wara'sining wapsi' wa ning, Efesas a Samena a Pegamam a Taiataira a Sadis a Filadelfia a Leodisia ning waraga' ima yarotang ning nanggu'.

REVELESEN Anutu wari Jon ga' Girii Jisas ning ki anatintingneinga kagu' 2:1

Ka aming ka wari Jon naga ning nanggu', midi ka i ganotik ya gu umpang ganang yore', ensel seven wara'ning kubanik ka naktangka aming arantagim ka Efesas yong ganang ikiting u yaptatoreta' waraga' amotang. Wa ning, na kafana kareng ganang wa bam seven ning u suronga ning tanga lam gol seven ning bining ganang u ingatik naga midi i kamigamirik.