Ap 16:6 - Anutuning midi totangka ingaʼni

⁶ Ka Anutuning mini unggo wari Pol u Anutuning midi kama tubo Esia tara' wara'guk mo' anga itua waraga' anisefi tanga kadapmang ka Frisia a Galesia tara' u au waraga' anatintingneinga marara aging.

Ap 16:6 ပူးပေါင်းရင်းမြစ်များ

Ap 10:19

Ka Pita adi napa' u kagu' waraga' ko mera fasuku' ka Anutuning mini unggo wari ning anigu', u nake' aming famineng guta' wenanga toing.

Ap 11:12

Ka Anutuning mini unggo wari ning nanggu', Pita gu aming ka wa arantagim nua'nining yapma adisigok mugo ga' bibi' mo' nakiamotang mokngang, gu mugosa' tini'. Ning tinga kuyane 6 ning ka i adeyam adindu' nagok kubap agum. Anga Sisaria yong do kadofinga aming ka wapni Konilias ka nagata' midi kamigu' wara'ning yak ganang amogum.

Ap 16:7

Anganga kama tubo Misia tara' ubu aging. Anganga wara'ning ari' u kadofinga ning tanga kama tubo Bitinia tara' u au ga' ning tonga tiging, Ka mokngang girii Jisas ning mini unggo wari yangsefi tugu'.

Ap 18:23

Anga kadofinga unggung itarugu'. Iya' ning tanga Antiok yong u kabinga yong ka kama tubo Galesia a Frisia tara' ka tim kuma' agu' u nua'bu anga naktangka aming u yapma ifitangka tanga midi ina ina agu'.

Ap 19:10

Ka Pol adi girii Jisas ning midi yanggek kane ka Efesas yong u tugu' wa kama paramu' gurak fama' ning sini' tanga yagu'. Ning tinga kama tubo Esia tara' wara'ning aming ka Juda a Grik dabiksa' wari girii ning midi u naksasu'nanga yareging.

Ap 20:16

Ka Pol adi tim sasuk ka sande girii Pentikos wa Jerusalem yong donggung anga kadofinga kaga waraga' suku'. Wara' adi ning ninggu', indi kama tubo Esia tara' i mimeng sini' mo' ikantam, urap da'ning antam wara' Efesas yong wa tatarafik sa' tanga antam. Ning nina indi Efesas yong wa tatarafik sa' tanga anga Mailitas yong u kadofigum.

Ap 20:28

Ka sidi Anutuning mini unggo wari naktangka aming arantagim u yaptatora wara'ning girisi sipminga iking wara' sidi sidining iikning kadapmangsi' u kafakafa katatoranga ning tanga naktangka aming arantagim undu' kafakafa yaptatoranting. Beng sini' naktangka aming arantagim bak ka wa Anutu wari ananing mindingni ning amaa wari kuma' tonga manggakniapku' wara' sidi napa' kigineng sini' ning kanga kafakafa sini' yaptatoranting.

Ap 20:4

Ka aming fam ka Pol guk kubap aging wara'sining wapsi' wa ning, Sopata ka Piras ning mindingni ka Beria yongni a Aristakas ya Sekandas ya ka Tesalonaika yongni a Gaias ka Debi yongni a Timoti abanga kama tubo Esia tara' wara'ni aming fama' ka Tikikas ya Trofimas ya ning wari Pol guk kubap mugoging.

Ap 21:27

Ka kane ka Pol wari aming fama'gong fama'gong guk u anga tiging wa kama seven ning tanga anganga kama ka wari kabi'sini' bibi' ga' yagu'. Ka Juda aming ka kama tubo Esia tara' wara'ni ka Jerusalem yongga' aging wari Pol wari tempel iyung bane anga amogu' u wara'ganang katuaging. Kataunga kigeda tanga ning tanga Jerusalem yong ki unggungni aming kabi'mo' u yangbiberanga ning tanga marara Pol u bemging.

Ap 6:9

Ka Juda aming fam adi midi a kane ka Stiven wari tugu' waraga' bibi' naking. Aming ka wa yaksing ki ka yong Sairini a Aleksandria a kama tubo ka Silisia guk ka Esia tara' u abiging ka adi siring yak nua'ni ka wapni Friman ning anigaging wara'ganang bak tiaging wari Stiven ga' bibi' nakngama midi ning aniging, a Jisas ning kadapmang ka u yararang wa didimeng mo' nakem ning tonga Stiven guk arok tiging.

Ap 8:29

Ka Anutuning mini unggo wari Filip u ning anigu', gu aming do anga kanga adining karis u yaranga aya'.

ROM Midi umpang Pol wari Rom aming ga' yokiamgu' 16:5

Abanga naktangka aming arantagim ka imaraming wara'sining yak ganang bak kukiting adisita' undu' kabakna karengsa' naknga torik. Abanga naning kuyana karengsa' nua'ni ka Epinitas ka kama tubo Esia tara' wara'ning naktangka aming munumung sini' wari kadofigu' adita' undu' kabakna karengsa' nakngamarik.

1 Kor 12:11

Ka kane kuni' kuni' ka aming indi u titam wara'ning tangkunang ning ki wa mini unggo kubanik ka warisa' ira yotangkanimita'. Wara' indi kane kuni' kuni' titam wa mini unggo warisa' ai'dap tanga ananing sasuk ganangsa' tangkunang ka u sabaranima yareta'.

1 Kor 16:1

Ka kuyane na midi nua'ni ka kadapmang ka naktangka aming kuyane ka Jerusalem yong iking u yotangkayap waraga' uningkim kuguk ga' urang tonga nakum waraga' wa nua'bu ning sanotik, kadapmang ka wara'ning wa naktangka aming arantagim bak ka yong ka kama tubo Galesia tara' u ira yareting wari titiga' kuma' yangtintingneguk ka sidindu' ningsa' tinting.

1 Kor 16:19

Ka sidita' kabakna kareng wa nagasa' mo' nakarik, mokngang, wa naktangka aming arantagim ka kama tubo Esia Provins tara' i ira yaring adindu' sidita' kabaksi' karengsa' naknga toing. Abanga kuyase ka Akwila ya Prisila imaraming guk ka naktangka aming ka adisining yakganang bak kubap titing adindu' sidigok girii Jisas ning arantagim kubaniksa' iking waraga' sura sidita' kabaksi' karengsa' naknga toing.

2 Kor 1:8

Ka kuyane indi midi ka tim kama tubo Esia provins tara' do anga ira mamareng girii bemgum wara'ning u sangnataminga ninak waraga' toutik. Ka mamareng ka wa kabasi' mo', girii sini' aming guk ugumak ning wara' indi o ya wadigi'sa' ba bisasu'nantam ning sura kabakni' mamareng sini' nakum.

GALESIA Midi umpang Pol wari Galesia amingga' yokiamgu' 1:2

Nagok ka kuyane fam ka nagok ikem adisigok indi naktangka aming arantagim bak ka kama tubo Galesia tara' u ifa yaring sidita' kabakni' kareng naknga mesisiringa tanga midi kamisamem.

GALESIA Midi umpang Pol wari Galesia amingga' yokiamgu' 3:1

Ka Galesia aming, sidining sasuk wa ni' wari sifakangkarangeinga aming sasuk guk mokngang ningda'ning ubu iking. Tim na Kasira Aming Jisas wari kumogu' wara'ning ki u kuma' sangsasu'neguk. Ning tinga sidi tim Kasira Aming Jisas firi ugari ganang uking u dasi' wari sareng sini' kaga ning ningda'ning kuma' naksasu'nanga yaging. Ka sidi inga' nakube tanga kadapmang nua'ni ubu yaronga ting nakarik.

2 Timoti 1:15

Ka Timoti gundu' kuma'sa' nakarang, kama tubo Esiani naktangka aming ka ni naga yotangkanap ga' guk mo' naku', mokngang, dabiksa' adi ninibi sa' tiging. Aming fama' ka Fiselas guk ka Hemosinis guk urang undu' kuma' nibugumu'.

2 Timoti 4:10

Yotangkanap titining aming ka Dimas adi napa' kamaganangni ga' siamo' naknga manda uknama Tesalonaika yongga' kuma' nibinga mugogu'. A Kresens adi kama tubo Galesia ga' kuma' mugogu'. Abanga Taitas wa kama tubo Dalmesia ga' mugogu'.

HIBRU Midi umpang aming nua'ni wari Juda amingga' yokiamgu' 11:8

Ka Juda aming indining papani' Ebraham undu' naktangka aming. Ka inga' Anutu wari midi totangka ka inga' kama nua'ni kabingam waraga' anigu' ganang wa adi kama ka wa kaga sini' guk mo' tugu' de, ka adi Anutuning midi u naknga o beng guksa' kuma' namota' ning tonga naktangka tugu'. Adi kama ka wa indeng tara' ita' ning guk mo' nakedagu', ka adi mamarak sa' tanga yoring ki u kabinga kama inga' waraga' ubu mugogu'.

1 Pita 1:1

Ka Pita na Kasira Aming Jisas ning kane aming aposel, na Juda ning naktangka aming ka sidining kamasi' Juda u kabinga anga aming ka Juda mo' adisining kama provins fam ka Pontas a Galesia a Kapadosia a Esia a Bitinia u ira yaring sidita' sura midi umpang i yoksamarik.

REVELESEN Anutu wari Jon ga' Girii Jisas ning ki anatintingneinga kagu' 1:11

Ka midi ka togu' wa ning, gu napa' ka i gangtintingneinga yabarang a ganirik ya umpang ganang dabiksa' yoksasu'nanga manggara naktangka aming bak ka yong seven ning wara'ganang iking wara'siga' ima yarotang. Yong seven ning ka wara'sining wapsi' wa ning, Efesas a Samena a Pegamam a Taiataira a Sadis a Filadelfia a Leodisia ning waraga' ima yarotang ning nanggu'.

REVELESEN Anutu wari Jon ga' Girii Jisas ning ki anatintingneinga kagu' 1:4

Ka Jon na midi umpang ka ya naktangka aming arantagim ning bak ka seven ning ka kama tubo Esia provins tara' u ira yareting sidita' sura yoksamirik. Anutuning ai' dap ning kigineng wara'ning sibim kareng wari sidigok fikifiki ningsa' irota'. Anutu girii adi fikifiki ningsa' ikita', tim a kami a inga' undu' ningsa' iik wara'ning. Ning tinga Anutuning kunung aming ka seven ning ka Anutuning mini unggo wara'ning kane u yotangkangam wara'ning ka Anutuning de ganang adeing adindu' kafakafa tasaminga kabaksi' kugurang guk ikanting.