Ap 11:12 - Anutuning midi totangka ingaʼni

¹² Ka Anutuning mini unggo wari ning nanggu', Pita gu aming ka wa arantagim nua'nining yapma adisigok mugo ga' bibi' mo' nakiamotang mokngang, gu mugosa' tini'. Ning tinga kuyane 6 ning ka i adeyam adindu' nagok kubap agum. Anga Sisaria yong do kadofinga aming ka wapni Konilias ka nagata' midi kamigu' wara'ning yak ganang amogum.

Ap 11:12 ပူးပေါင်းရင်းမြစ်များ

MATYU Anutuning midi kareng Matyu wari yoku' 1:20

Ka Josep adi sasuk ka taming u kagabi ga' kuma' tanga arengagu' ganang ka dama deramak tugu' ka Anutuning kunung aming ensel nua'ni wari afanga ning anigu', ai Josep ka Devit ning arangni gu taming Maria wari kaba guk ita' u karang wa Anutuning mini unggo warisa' tipkadofira' wara' gu u kanga kaba mamareng naknga kagabi mo' totang, mokngang sangam sa' te'.

JON Anutuning midi kareng Jon wari yoku' 16:13

Ka inga' mini unggo ka midi beng guk tuang wari abanga sangtintingneinga wa midi beng guk ki ki u naksasu'na sini' tini'. Midi kareng ka wa mini unggo anasa' mo' tipkadofo', mokngang wa naga kuma' aniinga nakita' unggungsa' sano'. Ning tanga napa' napa' ka inga' ko kagadofi wara'ning undu' kanga saninga nakni'.

Ap 1:15

Ka kama ka wara'ganang naktangka aming arantagim dabik ka nambani 120 ning wari bak dabiksa' kura mareiaging. Ka Pita wari adisining bining ganang u marara adenga ning togu',

Ap 10:23

Ning tinga Pita wari inagira fonga kukyapma adigok unggung deking. Deia' marara Pita wari adisigok maunga tinga yong wara'ni naktangka aming fam adindu' Pita u yaranga adisigok kubap dabik mugoging.

Ap 10:45

Ning tinga midi kuni' kuni' tonga Anutuning wap bema aranga mesisiringam tiging. Ka Juda ning naktangka aming fam ka Pita guk kubap aging wari u kanga base tanga ning toging, ai, Anutu adi adining mini unggo wa aming arantagim nua'ni ning wara'siga' undu' ba dasiama yarara'.

Ap 11:13

Ning tinga aming ka wari marara midi ka girii ning ensel wari adiganang kadofinga anigu' wara'ning u nina yaregu'. Adi ning togu', ensel wari naganing yak ganang i kadofinga ning nanggu', gu aming fam yangkareinga Jopa yong do anga aming nua'ni Saimon ka wapni nua'ni Pita ning aniting u anga kanting.

Ap 13:2

Ka naktangka aming adi Anutu wari kadapmang fam yangtinting waraga' sura bak kura Anutuga' mesisiringa tangama ibang tounga wa nana tapni tanga toging. Ka wara'ganang Anutuning mini unggo wari ning yanggu', sidi Banabas guk ka Sol guk wa kane ka naga kuma' sura katiangguk u titi waraga' ifakasiranga yangkaranting.

Ap 13:4

Ka Anutuning mini unggo wari Banabas ya Sol ya u Anutuning midi kane titiga' yangkareinga adi marara Antiok yong u kabinga Salusia yongga' amogumu'. Anga kadofinga sip ganang aranga mera kama dibing gwang bining ganang ka wapni Saipras waraga' agumu'.

Ap 15:7

Midi u tonga anganga ning tanga Pita wari marara ning togu', o kuyane sidi kuma'sa' naking, tim Anutu wari aming fam indita' kane ka adining midi yangara itua waraga' u nimgu' ganang wa adi adining midi kareng aming arantagim nua'ni ga' anga ituaiminga naknga naktangka titi waraga' wa naga nipmigu'.

Ap 15:9

Adi Anutuga' naktangka ting wara'ganangsa' wa Anutu wari adisining kadagang kabaksi' ganang u tanga igukiama ifigidabara'. Ka Anutu wari u tara' wa adi kadapmang nua'ni mo' yaranga tiamara'. Mokngang adi kadapmang kubaniksa' ka Juda indita' kuma' tinimita' ningsa' adisita' undu' tiamara' wara' naktangka aming indi ning sura nakantam, Anutu adi Juda indigok ka aming arantagim nua'ni guk wa dabiksa' ning ubu kuma' nibara'.

Ap 28:15

Ka Rom ning naktangka aming fam wari midi ka indi agum wara'ning u naknga marara abanga Rom yong girii bibik ka kama wap Apias maket a Narum Yak Famineng ganang ning aniaging u abanga niptuaging. Ning tinga Pol adi u yapma kaba karengsa' naknga Anutu ga' mesisiringa tanga ning tanga kaba tangkunang naknga mugogu'.

Ap 8:29

Ka Anutuning mini unggo wari Filip u ning anigu', gu aming do anga kanga adining karis u yaranga aya'.

ROM Midi umpang Pol wari Rom aming ga' yokiamgu' 3:22

Ka kadapmang ka Anutu wari wap ka aming didimeng ning u nipma nining wara'ning ka u tugu' wa ning, aming ka Kasira Aming Jisas ga' kaba guk kufara naktangka tanga irota' unggungsa' wa aming didimeng ning anota'. Abanga aming arantagim ka Juda a arantagim nua'ni ka Juda mo' dabiksa' wari yara wara'ning kadapmang wa nua'ni guk mokngang, kubanik unggunsa' tanimgu'.

2 TESALONAIKA 2:2

naktangka aming sidi midi ka aming fam wari girii Jisas wari abara' ning tonga sige fatoing wa mo' sini' nakanting. Adi ning fatoing fanakem, aming nua'ni wari aramak ganang kuma' kara'. A fam ka ning fatoing, adi abubu wara'ning midi ne wa kuma' abara' nakem. A fam ka Pol anasa' waraga' umpang ganang kuma' yoknimgu', ning sige fatoing. Ka sidi midi ka ningwara' u naknga base tanga kabaksi' mamareng urapsa' ninak ning guk mo' tinting.

REVELESEN Anutu wari Jon ga' Girii Jisas ning ki anatintingneinga kagu' 22:17

Ka Anutuning mini unggo wari Jisas u ning anira', abubu te'. Ning tinga taming ka sipsip nano ana sangam ga' kapmefakita' adindu' abubu te' ning anira'. Ka aming ka midi ka i yotik i indangikanting sidindu' adi urapsa' abubu ga' sura wa o urap mabanime' ningsa' tonting. Aming ka ama ga' mini pamparanganga kumaronga tanga wa abubu sa' tota'. Abanga ama ka aming wari topnanga ka' fikifiki ningsa' ikiting u topnota'. Ama kareng ka u topnotang wa to titi ning guk mokngang, Anutu wari ai'dap kareng tanga sigesa' imota'.