Ap 1:14 - Anutuning midi totangka ingaʼni

¹⁴ Ka aming arantagim ka wara'guk ka taming ka Jisas ning mengni Maria anagok ka taming fam guk abanga Jisas ning kuyane arantagim wara'guk dabik adi fikifiki kabaksi' kubaniksa' kufara Jisas ga' sura bak kura ira ibang fatoyaging.

Ap 1:14 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:46

Ka Jisas wari ami taming midi u ko fianggu' ganang ka adining mengni a kuyane wari adita' wenanga abanga fugang do adenga toging.

MATYU Anutuning midi kareng Matyu wari yoku' 21:22

Beng sini' urang sanirik sidi nagata' naktangka tanga naga napa' ni tasam ga' nangting wa na tasam sa' tinga bemnanting ning yanggu'.

MATYU Anutuning midi kareng Matyu wari yoku' 27:55

Ka taming arantagim kabi'mo' ka Jisas u yotangkangama tanga kama tubo Galili u kubap kabinga aging adindu' dokning unggung ko fidenga tabanga fakatatoreging.

MAK Anutuning midi kareng Mak wari yoku' 15:40

Ka taming fam undu' dokning kura fidenga tabanga fakafaging. Ka taming u fideging wara'sining fam ning wapsi' wa ning, Maria ka yong Magdalani a Maria ka Jems nua'ni ya Joses ya adisining mamangsi' a Salomi abanga taming fam ning wari fideging.

MAK Anutuning midi kareng Mak wari yoku' 16:1

Ka Juda ning sande girii Pasova wari kadofigu'. U kanga defafa' ka kibiri ganang taming famineng ka Maria Magdalani a Maria ka Jems ning mengni a Salomi ning wari Jisas ning fugu ganang sufurangam waraga' sura napa' mupmu guk karesi anga yapma toging.

LUK Anutuning midi kareng Luk wari yoku' 11:13

Ka aming kamaganangni sansaramik adi' sidi sabase ga' kadapmang kareng ka ning u tiamiting. A babangsi' girii ka kunimganang ikita' adi ai'dap ning ki sini' wara' adi aming ka adita' ibang tonting waraga' napa' kigineng sini' ka adining mini unggo u imota' ning tita' ning yanggu'.

LUK Anutuning midi kareng Luk wari yoku' 18:1

Ka Jisas wari kadapmang ka Anutuga' ibang tutugu baritarak guk mo' naknga fikifiki ningsa' tonga ira au waraga' arantagimni u yangdidimonga midi tipfara tanga ning yanggu',

LUK Anutuning midi kareng Luk wari yoku' 23:49

Ka Jisas ning amine a taming fam ka tim Jisas yaranga Galili yong u kabinga Jerusalem yongga' kubap areging dabiksa' adindu' aming wari Jisas u uronga nagira aging wa mandang iwara anga dokning adenga napa'napa' ka Jisas u ura ganang tiging wa adi kuma'sa' fonga fiapking.

LUK Anutuning midi kareng Luk wari yoku' 23:55

Ka taming fam ka tim Jisas guk kama tubo Galili do kabinga Jerusalem yongga' kubap dabik areging adindu' Josep u yaranga anga Josep wari Jisas ning fugu kama ginang ganang dasonga tugu' u adenga kadidimaging.

LUK Anutuning midi kareng Luk wari yoku' 24:10

Ka taming ka Jisas ning kama ginang u kanga anga aposel arantagim yangging wara'sining fam ning wapsi' wa Maria ka yong Makdalani a Joana a Maria ka Jems ning mengni abanga taming fam ka Jisas se' guk fengakiaging undu' dabik aging.

LUK Anutuning midi kareng Luk wari yoku' 24:33

Ning tong tonga marara Jisas ning arantagim u inonga Jerusalem yong girii ga' tiim kaga'sa' tubobu agumu'. Anga kadofinga Jisas ning arantagim 11 guk ka naktangka aming fam guk u anga yapma nasi' midi ka adi tanga agumu' wara'ning u ko inonga tugumu' ka adi aming fama' u ning urapsa' yangging,

LUK Anutuning midi kareng Luk wari yoku' 24:53

Anga kadofinga Jerusalem yongganang unggung ira fikifiki siring yak girii tempel ganang u amanga Anutuning wap bema aranga mesisiringa sa' tanga ikiaging.

LUK Anutuning midi kareng Luk wari yoku' 8:20

Ka aming fam wari yapma Jisas u ning aniging, guning mamangge kuyage gu gabonga abanga fideing dong.

Ap 2:1

Ka Jisas ning arantagimni adi Jerusalem yong unggung ko ningsa' ira anganga kama girii ka Juda aming wari tangsana wap ka Pentikos ning tonga tiaging u katuaging. Ka wara'ganang didimeng ka Jisas ning arantagim guk ka naktangka aming fam guk adi yak nua'ni ganang bak kuma' tanga faging.

Ap 2:42

Ka fikifiki naktangka aming adi kadapmang kareng ka bak kura mera aposel wari midi yanggekinga wa kafa kafasa' ninak a kura' yotangkangam titi, abanga nana baksa' kura nana a ibang bak kura tugu ning ubu tiging.

Ap 2:46

Ning tanga dabiksa' adi siring yak girii tempel ga' fikifiki famayaging. Abanga adi nana naunga undu' bak sa' kura nanga yaranga ning tanga kabaksi' ararangeng karengsa' naknga Anutuga' mesisiringa sa' tanga yaging. Ning tinga aming ka naktangka guk mo' tiging wari adisining kadapmang kareng u kanga adisita' kabaksi' karengsa' nakyamging. Ning tanga sidii kubanik fikifiki wa Anutu wari aming fam ka kadaga titi ning u tubobu inagira fabanga gi' kukyabinga naktangka aming guk ikinga naktangka aming arantagim ning bak wari girii giranga giranga agu'.

Ap 6:4

Ning tinga aposel indi kane didimeng kubanik ka ibang a midi kareng itua wara'ning unggungsa' tantam ning yangging.

ROM Midi umpang Pol wari Rom aming ga' yokiamgu' 12:12

Sidi sasuk ka Anutu wari inga' sidita' kafakafa tasam waraga' suktangkanga iking wa sidi kabaksi' ararangeng kareng guk naknga ikanting. Ka mamareng wari sidiganang kadofisaminga wa sidi kabaksi' kugurang guk ira bimbem sa' tinting. Abanga sidi kadapmang ka ibang fikifiki tutugu ning undu' kagabi guk mo' tinting, tang ningsa' tanga ira anting.

1 Kor 14:13

Ka waraga' wa ning toutik, aming ka tangkunang ka mini unggo ning midi kuni' nua'niganang tutugu ning guk irota' adi midi ka ningwara' u tounga wa tangkunang ka midi u tipfaranga tugu wara'ning undu' bimbem waraga' ibang touta'.

EFESAS Midi umpang Pol wari Efesas amingga' yokiamgu' 6:18

Ka sidi Anutuning mini unggo wari yotangkasaminga ira fikifiki Anutuga' ibang tangkunang tonting. Ning tanga sidi Anutuga' ibang ka kadapmang kuni' kuni' wara'ganang tongama katingangting. Ning tanga sidi digirapsi' wari kadofisam waraga' wa suknakube da'ning guk mo' tinting, mokngang, sidi fikifiki sasuk guk ningsa' ira ibang sa' tonga ira anting. Abanga sidi Anutu wari naktangka aming ka kama yong fam dabik ka indeng ira yaring u yotangkayap waraga' undu' ibang fikifiki toimting.

KOLOSI Midi umpang Pol wari Kolosi amingga' yokiamgu' 4:2

Sidi kadapmang ka fikifiki ibang u tangkunang ningsa' tanga ira au wara'ning wa tangkunang surotangkanga tinting. Ka sidi ibang tounga wa sidi kafakafa sura yaranga ki guk tonting. Ning tanga Anutu wari napa' kareng tasamita' waraga' undu' kabaksi' kareng naknga asekni' ning aninting.