2 Timoti 3:5 - Anutuning midi totangka ingaʼni

⁵ Abanga adi fikifiki Anutuning wap masi' wari udi giri futugu ka adi Anutuning kigineng beng guk waraga' wa bibi' ninak ning u tanga yarani'ga'. Ka Timoti gu aming ka kadapmang kadagang ka ningwara' titisi wara'sining du'ganang kabi'sini' guk mo' autang.

2 Timoti 3:5 ပူးပေါင်းရင်းမြစ်များ

TAITAS 1:16

Ka aming kadagasi ka wa adi ning fatuguting, a indi Anutuning arantagim sini'. Ka adi kadapmang nua'ni titing warisa' wa adi Anutuning arantagim sini' mo' ning tipkadofita'. Ka Anutu adi aming ka wara'siga' bibi' sini' nakita', aming ka wa midi tarakayo tuang wara' adi kadapmang kareng ka ni titining guk mokngang sini'.

1 Timoti 5:8

Ka beng sini' naktangka aming adi adining amine arantagim guk yotangkayabota'. Ka adining kane girii sini' wa ana kurene sini' u yotangkayap wara'ning. A ning guk mo' tota' wa adi Anutuning kadapmang kareng ka Anutu wari titiga' tuguta' waraga' manda ukngamara'. Ning tinga adining kadagang wari aming ka Anutuga' naktangka guk mo' titing adisining kadagang u irafirota'.

MATYU Anutuning midi kareng Matyu wari yoku' 7:15

Ka sidi kafakafa suktangkanga ikanting, profet mandaga' fam undu' iking. Ka wari kadapmang mandaga' fam sanggekinga kadaga ma tini'. Adi mandaga' ning fatuguting, o indi Anutuning midi kareng itua ning aming beng sini'. Ning tuguinga sidi adisining iiksi' undu' keng ka kagaya guk mo' titing, kugurasi sa' ka sipsip ningda'ning yabiting. Ka mokngang adisining kabaksi' mang ganang wa sasuk kadagang wari tanga kugwang kagaya guk ningda'ning ikiting.

TAITAS 3:10

A aming ka naktangka aming arantagim ning bak kuguk kareng u tipkadaunga tinga wa gu tipdidima titi wara'ning midi fam anotang. Ka adi ninak guk mo' tinga wa nua'bu anotang. Ka adi ninak guk mo' tanga nua'bu tinga wa gu wadigi' kabotang.

2 Timoti 2:16

Ning tanga gu midi kamaganangni using sige ning ka ki guk mokngang u manda sini' ukngamotang. Aming ka midi ka ningwara' tuguting wa sasuksi' ifikadagainga kadapmang ka Anutuga' manda ukngam ning u yaranga tanga auting.

2 Timoti 2:23

Ning tanga gu midi ka aming fam wari napa'napa' ning ki u sura nakeda waraga' wena tanga midi sigening ka anasining sasuksi'ganangsa' ifikadofinga fatoingating wara'siguk midi kabi'guk mo' tonting. Gundu' kuma'sa' nakarang midi ka ki guk mokngang ningwara' u tuguting wa arok tipkadofi wara'ningsa'.

1 Timoti 6:5

Ning tinga adisining kadapmang kadagang ka u titing warisa' sasuksi' u wadigi' ifakadagainga midi beng guk kabi'guk mo' ikiting. Ning tanga aming ka ningwara' adi Anutuning kane wa mambong siamo' manggaknanga kangasi iikning kadapmang ning kating.

2 TESALONAIKA 3:6

Ka kuyane indi girii Kasira Aming Jisas ning wap ganang midi kigineng ning sangtam, naktangka aming kuyase fam ka didirima tanga kane guk mo' tanga midi ka indi anga ituasamgum u yara waraga' bibi' nakanting u yapma wa sidi adisigok bak mo' kukanting.

2 TESALONAIKA 3:14

A aming ka midi umpang ka i yoksamem i ninak ga' bibi' nakanting wa sidi kafakafa yapkedanga naro'sa' ikanting. Ning tinga adi u sapma adisining kadagang waraga' sura megang naknga kadagang u kagabi tinting.

1 Timoti 4:7

Ka gu midi timini sigening ka Anutuga' sasukning kabi'guk mokngang ka aming fam wari yanggekiting waraga' wa manda sini' ukngama kabi'sini' guk mo' nakotang. Gu kadapmang kareng ka aming wari fuksi' yaptatora ning u tangkunang ningsa' tanga ira au waraga' fikifiki urang titing ningda'ning ka gu Anutuning kadapmang didimeng u yara wara'ning kigineng guk iik waraga' kabaka a sasuka u kafakafa katatoranga tanga ira autang.

1 Timoti 4:8

Beng sini' kadapmang ka fukni' wari kadapmang kareng yara waraga' ifigaba ga' titam undu' napa' kareng, ka wa pumpurumsa' iikning waraga' sura titam. A kadapmang kareng ka urani' yaptatora wara'ning u titi wa bibi' titining guk mokngang, wa kami a inga' undu' fikifiki kareng ningsa' iik wara'ning wara' wa napa' girii sini'.