2 Timoti 2:8 - Anutuning midi totangka ingaʼni

⁸ Ka gu midi kareng ka naga u ituatik wara'ning ki waraga' surotang. Wa ning, Kasira Aming Jisas ka kungkumak tanga tubobu maragu' wa aming sini' ka Devit ning arantagim ganang kadofigu' wari maragu'.

2 Timoti 2:8 ပူးပေါင်းရင်းမြစ်များ

MATYU Anutuning midi kareng Matyu wari yoku' 1:1

Midi ka ya Kasira Aming Jisas ning papane arantagim wara'sining wap u tonga yarara' wara'ning. Ka Jisas ning papangni ki sini' wa Ebraham ka timinggi' sini' itarugu'. Ka Ebraham ning arantagim wari ira ababanga adining papangni nua'ni ka Devit wari ubu kadofigu'. Ka u kadofinga ira ababanga inga' sini' wa Devit ning arantagim wara'ganangsa' wa Kasira Aming Jisas wari kadofigu'.

LUK Anutuning midi kareng Luk wari yoku' 24:46

Ning tinga Jisas wari ning yanggu', beng sini' midi nua'ni ka timinggi' Anutuning midi umpang tang ganang yoking wa ning fideta', Kasira Aming adi kagaya bema kungkumak tanga kama famineng ning ibiinga wa Anutu wari tubobu tipmararo'ga'.

Ap 13:23

Ka Anutu adi Devit ning arantagim wara'ganang napa' ni tipkadofi ga' kuma' totangkagu' wara' adi Devit ning arantagim ganang Isrel arantagim indi yotangkanip waraga' wa aming nua'ni ka Jisas ubu tipkadofigu'.

Ap 2:24

Adi wadigi' kuma' kumogu' de, ka mokngang aming ka ningwara' wa kungkumak ning kigining wari kadapmang isefingam ning guk mokngang. Wara' adi Anutu wari napa' kigineng ka u udanga kayongaminga tubobu seranga maragu'.

Ap 2:30

Ka Devit adi Anutuning midi tokadofi aming profet tanga ira midi tangkunang kareng nua'ni ka Anutu wari inga' na guning papaga nua'ni girii kamiinga gu yaptatoretang ningsa' beng sini' ira yaptatoro' ning anigu' waraga' undu' kuma'sa' sura yagu'.

ROM Midi umpang Pol wari Rom aming ga' yokiamgu' 16:25

Ka indi Anutuga' mesisiringa tanga adining wap bema arantam. Anutu warisa' tangkunang guk ikita' wara' adisa' yotangkasaminga sidi kadapmang ka naga midi kareng ning ituatik a Kasira Aming Jisas ning midi tokadofitik u nakdidima sini' tanga ikanting. Kasira Aming Jisas ning ki ka wa timinggi'sini' Anutu anasa' kapmo' sebinga fiderugu',

ROM Midi umpang Pol wari Rom aming ga' yokiamgu' 2:16

Ka beng sini' kama girii nua'ni ka Anutu wari kuma' sura kabigu' wara'ganang wa Anutu wari mindingni Kasira Aming Jisas u kamiinga kane kigineng ka aming aming ning iik a sasuksi' kapmo' u beng guksa' yapdidimanga tagagareyabo'ga'. Ka ki ka waraga'sa' tanga wa naga midi kareng u ituaima fiaretik wang.

1 Kor 15:1

O kuyane na midi kareng ka tim anga sangguk ka sidi u naknga naktangka tanga tangkunang ningsa' ko ira abing wara' na kami midi wara'ning ki girii waraga' kabaksi' nua'bu sifimarakotik.

1 Kor 15:4

Ka Jisas wari kungkumak tinga wa bema tonga kama ginang ganang dasiging. Ning tanga kama famineng ibinga tubobu maragu' undu' midi ka tim umpang ganang kuma' yoking wara'ganangsa' yaranga tanga maragu'.

2 TESALONAIKA 2:14

Beng sini' Anutu adi girini' Kasira Aming Jisas ning iik kigineng ka kunimganangni u dibing udasam waraga' sura midi kareng ka indi anga ituasamgum wara'ganang kuma' katisanggu'.

1 Timoti 1:11

Ka Anutuning midi kadapmang kareng ka wa Anutu wari naga itua ga' nipmigu' wara'ganang undu' ita'. Midi kareng ka wa midi fam ningwara' mo', mokngang sini', wa midi ka Anutu girii kareng sini' wara'ning kigineng u ningtintingna wara'ning.

1 Timoti 2:7

Ka beng sini' kane ka u tugu' wara'ning midi kareng ka aming wari naknga naktangka tanga kadapmang didimeng ning sasuk kareng guk iik waraga'sa' tanga wa Anutu wari nipmiinga na aming arantagim nua'ni ka Juda mo' wara'sining aposel a yanggek aming ning itik. Ka na adisining aposel ning torik wa a mandaga' giknara' ning mo' sukanting, mokngang, wa beng sini' torik.

2 Timoti 1:8

Ka gu Anutuning tangkunang guk ira midi ka indining girini' ning iik a midi kareng u itua waraga' wa a aming adi midi sige ningda'ning naknga bibi' ba nakanting ning sura mutu mo' totang. Abanga gu naga girii ning kane waraga' tanga kalabus iyung dasinabinga itik yaraga' wa ning mo' surotang, o aming adi Pol wari iyung kane tara' waraga' midi ningkige ba tinting ning tonga megang naknga Anutuning kane u mo' kabotang, mokngang. Gu Anutuning tang guk kuma' itang wara' gu tang sa' adenga mamareng ka naga girii ning midi kareng ga' tanga bemarik ningyara' wari kadofigaminga undu' bimbem sa' totang.

2 Timoti 2:7

Ka midi kadapmang ka u tonga yararik wa gu Anutuning kane tarang wara'ning kamaga u ganarik. Ka kamaga midi famineng ka u ganarik wa yotangkayap tinga kane ning kadapmang didimeng yara wara'ning napa' beng guk. Ka gu waraga' sukinga girii wari guning sasuka u kuma' tipsangandagaminga nakedasasu'notang.

REVELESEN Anutu wari Jon ga' Girii Jisas ning ki anatintingneinga kagu' 5:5

Ka aming girisi arantagim ka tare 24 ning wara'ganang mareking wara'ning nua'ni wari naga mak koguk u napma ning nanggu', a gu mak mo' karotang, Juda arantagim ning aming kigineng nua'ni ka wapni Juda ning laion ning aniting wa ingging ita' i kaya'. Ka adi king Devit ning iri. Adi tangkunangsa' adenga kadapmang kadagang ning kigineng u kuma' udasasu'negu' wara' adi buk yara'ning so ka tapni tiging i tanga kayonga buk u tananga nasi' midi ka umpang yara'ganang iking wa girisa' indangik ning, ning togu'.