Ka sidi kadapmang ka naga titik u kanga ning nakedanting, indi aming wari yotangkanip titi waraga' mimeng mo' sukantam. Mokngang indi nana sa' kane tangkunang ning tanga aming ka anasining fuksi' yotangka ning tang guk mo' iking u yotangkayapmantam. Ka wara'ning wa midi ka girii Jisas wari togu' waraga' sukantam. Adi ning togu', kadapmang kareng ka aming nua'ni yotangka ga' sura amimi ning wari kadapmang ka gata'sa' sura manggakna wara'ning u tarafita'.
2 Kor 9:7 - Anutuning midi totangka ingaʼni7 Ka sidi kuyase fam yotangkayap ga' mambong u kuronga wa midi ka waraga' sura ning tanga sidi kubanik kubanik sidining kabaksi'ganang kafakafa sura wara'ganang didimengsa' kaminting. Ning tanga a na aming wari nangdide ting waraga'sa' tanga kubuse' sige kamarik ning tonga usingsa' mo' tinting, mokngang. Beng sini' Anutu adi kadapmang ka aming wari kaba guk sini' kufara mesisiringa kareng guk naknga amimi ningwaraga'sa' nakita', wara' sidindu' sidasa' sura tanga mesisiringa kareng guk naknga kaminting. အခန်းကိုကြည့်ပါ။ |
2 Kor 9:7
17 ပူးပေါင်းရင်းမြစ်များ
A aming ka tangkunang ka aming fam ning kabaksi' ifamarakinga wari kane kareng ni titi wara'ning guk irota' undu' kane ka u didimengsa' tota'. A aming ka tangkunang ka kuyane fam wari napa'ga' nafek tinga u yotangkaima napa' ni imonga undu' adi bengsa' tanga imota'. A aming ka aming arantagim yaptatora ning tim iyak irota' adindu' kane ka wa kafakafa sini' katatorota'. A aming ka ni kuyane fam wari mamareng guk ikanting u yapma yotangkaim tonga wa adi kubuse' yotangkayap ning kadapmang mo' tota'. Mokngang adi kaba ararangeng kareng naknga mesisiringa sa' tanga tangamota'.
Ka aming ka mambongsai' mimeng guk mokngang adi ning ma sukni', a na mambonga mimeng guk mokngang wara' kabi'sa' kamarik wa Anutu wari bibi' naknga naning mambong u mo' ma bemo'. Mokngang, Anutu adi aming kangasi a tatafak wari mambong didimeng dabiksa' kangkami waraga' guk mo' tuguta', adi aming wari kaba guk sini' kufara ananing mambong didimeng ganang anasa' kanga udanga kamota' wa adi karengsa' kanga aming ka waraga' nakita'.
Ning tanga naktangka aming kuyase fam ga' kabaksi' kadagang naknga arokiam titining undu' mo' titing. Kama ka Anutu kigineng guk wari aming tagagarenip ning undu' kabi'sini' kuma' dudurera', ka kama wara'ning mamareng girii wari sidiganang ma kadofisamo' wara' sidi kuyase fam guk wa kafakafasa' tanga ikanting.
ကြော်ငြာတွေ