1 Pita 2:24 - Anutuning midi totangka ingaʼni

²⁴ Ning tanga Kasira Aming Jisas adi aming dabiksa' indining kadagang u manggaksasu'nanga fonga adining fugu ganang u bak kubaniksa' tanga firi ugari ganang kumogu'. Ning tanga kadagang girii ka tim niptatoreinga yagum wa wadigi' kuma' tipmirinimsasu'neinga indi ka' iik kareng bema kadapmang kareng titining kadapmang guk ubu ikem. Tim adi kadagang ning kanga kagaya aminga ugumak titing. Ka u uking warisa' ka kami yara'ganang wa naktangka aming indi yotangkanipma indifikarenda wara'ning napa' kareng sini' ning ubu iknimara'.

1 Pita 2:24 ပူးပေါင်းရင်းမြစ်များ

MATYU Anutuning midi kareng Matyu wari yoku' 27:26

Ning tanga Pailat wari aming kadagang Barabas ka kalabus tarugu' u fadara kamiamgu'. Ning tanga Jisas wa arantagimni ga' iminga bema fifefi tiging. Fefang fefang kabinga aming arantagim u ning yanggu', giri bema tonga ugari tini'.

MATYU Anutuning midi kareng Matyu wari yoku' 5:20

Ka kadapmang tang wara'ning sasuk aming girisi a Farisi arantagim adi ning fatuguting, o indi Anutuning kadapmang yaranga didimengsa' beng sini' tanga ikem. Ka na ning torik, mokngang kadapmang ka adi u titing wa Anutu adi kareng sini' mo' kata'. Ka sidi adi u titing ning mo' tinting, sidi kadapmang kareng nua'ni sini' ka Anutuning bining ganang iikning unggungsa' tinting.>>

MATYU Anutuning midi kareng Matyu wari yoku' 8:17

Ka kane ka Jisas wari u tugu' waraga' midi nua'ni ka timinggi' profet Aisaia wari togu' wari beng guk kadofigu'. Midi ka u tuguinga yoking wa ning, <>

MAK Anutuning midi kareng Mak wari yoku' 15:15

Ning tinga Pailat adi u yapma mutu tanga adisining kabaksi' u ifikura waraga' Barabas u kabiamgu'. Ning tanga Jisas wa ananing ami'ning aming fam ga' ima ning yanggu', i fifefi tanga nagira tonga firi ganang ugarini'.

LUK Anutuning midi kareng Luk wari yoku' 4:18

<

JON Anutuning midi kareng Jon wari yoku' 1:29

Ning tanga deking. Ka kamindapking marara Jon wari Jisas wari kadofinga aramugogu' u tabang kanga aming u ning yanggu', do kani' Anutuning sipsip nano ka aming kamaganangni dabiksa' indining kadagang tanga kayonim wara'ning wa kuma' do abara' wang.

JON Anutuning midi kareng Jon wari yoku' 19:1

Ning tanga kiap Pailat wari adining soldia u ininga Jisas u bema tonga fifefi tiging.

Ap 10:35

Mokngang, Anutu adi aming ka arantagim nua'ni ning wari adita' naknga kadapmang kareng tota' wa adi aming ka undu' bimbem sa' tota' ning tita'. Wara' adi aming ka Juda indi wa ma aming arantagim nua'ni sidi wa napa' kubaniksa' ning nibita'.

Ap 10:39

Ka nasi' nasi' kane ka Juda indining kama a Jerusalem yong girii ganang tugu' wa aming fam indi kuma' kanga napa' u kagum wara'ning midi tokadofi kane titi wara'ning aming ikem. Ka Jisas ka wa aming wari bema firi ganang ugariinga kungkumak tugu'.

Ap 13:29

Adi napa' napa' ka tim profet wari kama ka wara'ganang kagadofi ga' kuma' yoking u tasasu'nanga ning tanga fugu kungkumong ka firi ugari ganang u tataranga bema tonga kama ginang ganang ubu dasiging.

Ap 5:30

Ka wara'ning wa ning, sidi Jisas u bema firi ganang kuma' ugariging. Ka Anutu ka tim indining papane yotangkaimarugu' warisa' tubobu tipmaragu'.

ROM Midi umpang Pol wari Rom aming ga' yokiamgu' 6:11

Ka indi waraga' sura ning suktangkantam, o beng sini' tim Jisas wari kumogu' wa indigok dabik kumogum. Wara' inga' yara'ganang wa kadagang ning kigineng wari nua'bu mo' niptatoreinga Jisas wari yotangkaniminga indi adiganang sini' ira nasi' midi Anutu wari ninota' waraga'sa' aiga wara'ning aming ning ubu ikem.

ROM Midi umpang Pol wari Rom aming ga' yokiamgu' 6:13

Ning tanga indi fukni' ning dibing ka kani' a kafani' a dani' wa iibisa' tinga kadagang ning kane aming ningda'ning nua'bu mo' kadofinting. Mokngang indi sasuk ka aming ka tim kadagang wari tanga kuma' kungkumak wari tubobu mamarakning ning ikem waraga' sura indining sasukni' a kabakni' a fukni' ning dibing fam wa Anutuga' sa' aiganga ibingama Anutuning kane kareng unggungsa' tantam.

ROM Midi umpang Pol wari Rom aming ga' yokiamgu' 6:16

Indi kadapmang ka aming wari napa' nua'ni ning kapmik iikning undu' kuma'sa' nakem. Wa ning, aming wari aming girii nua'ni wari katatora ga' aigauta' wa adi aming girii ka wara'ning kapmik ganang ira adining kane aming sige slev ka adining midi sa' nakngam ning ning kuma' kadofinga ita'. Ka kadapmang wa fama' guk, nua'ni ka kadagang ning kapmik ganang iikning a nua'ni wa Anutuning midi kapmik ganang iikning. Wara' aming ka kadapmang kadagang wari katatora ga' aigauta' wara'ning ari'ni wa adi kudip kadagang sa' katauta'. A aming ka Anutuning midi ninaksa' tota' adi wap ka aming didimeng u bema ka' ningsa' iik u katauta'.

ROM Midi umpang Pol wari Rom aming ga' yokiamgu' 6:2

Mokngang sini', indi ning sukantam, tim indi kadagang wara'ganang sini' yagum. Ka inga' indi Kasira Aming Jisas ga' naktangka tem wa kadagang wari nua'bu mo' niptatora wara'ning aming ka kuma' kumara udaga ning ningda'ning ikem. Ka indining tanga indi kadapmang kadagang ka tim tanga yagum wa nua'bu tipmarara tanga antam. Mokngang.

ROM Midi umpang Pol wari Rom aming ga' yokiamgu' 6:22

Ka inga' Anutu wari kadagang ning tangkunang ka u saptatoregu' u udasama manggara ararangeng ganang gi' kuksabinga adining kane aming sige slev ning ubu iking. Ning tinga iik ka wara'ganang iking wari napa' kareng ka kadapmang didimengsa' tanga ira ka' fikifiki ningsa' iik u tipkadofasamota'.

ROM Midi umpang Pol wari Rom aming ga' yokiamgu' 6:7

Ka wa indi kuma'sa' nakem, aming ka kuma' kumarota' adi kadagang nua'bu titining guk mokngang. Wara' indindu' ningsa', sasuk kadagang timini ka kadagang titining wari nua'bu mo' niptatorota'.

ROM Midi umpang Pol wari Rom aming ga' yokiamgu' 7:6

Ka inga' indi kungkumak ningda'ning kuma' tanga Moses ning kadapmang tapni ning kagaya ka tim niptatoreinga yagum wara'ning kapmik ganang nua'bu mo' ikem. Wara' indi Moses ning midi tapni timinggi'ni ka umpang ganang usingsa' yoking wari nua'bu mo' niptatorota'. Mokngang indi Anutuning mini unggo wari indining kabakni' ganang mang sini' ubu ira niptatoreinga indi iik inga'ni kareng ka kuni nua'ni sini' ubu tanga ikem.

1 Kor 15:3

Ka midi ka u anga ituasamguk wa Anutuning midi ki girii tim iyak sini' ka tim aposel arantagim fam wari ituanamging unggungsa' anga ituasamguk. Ka midi ka wa ning, aming indining kadagang wara'ning kagaya kura' tubobu ka indi bimbem ning wa Kasira Aming Jisas wari kuma' bema kumogu'. Ka u tugu' wa Anutuning midi ka timinggi' umpang ganang kuma' yoking wara'ganang didimengsa' tugu'.

2 Kor 6:17

Ka Anutu adi midi nua'ni ka undu' ning togu', <

GALESIA Midi umpang Pol wari Galesia amingga' yokiamgu' 3:13

Beng sini' indi Anutuning kadapmang tangkunang u tarakayonga Anutu wari kagaya ninim wara'ning bingi sa' kuma' yagum. Ka Kasira Aming warisa' yotangkanip tanga indining gapmam beminga aming wari firi ganang bema tapking. Ning tinga kagaya girii ka indi bimbem ning wa adisa' kuma' bemgu'. Kadapmang ka Jisas u firi ganang bema tapking ning waraga' wa midi nua'ni ka timinggi' ning kuma' yoking, aming ka firi ganang bema tapmanting wa aming kadagang sini' Anutuning kagaya girii u bimbem wara'ning, ning yoking. Ka Jisas wari indining kama bema kumogu' wa indi kagaya wara'guk mo' bimbem wara'ning kadapmang tinimgu'.

EFESAS Midi umpang Pol wari Efesas amingga' yokiamgu' 5:9

Beng sini' aming ka diok sangang ganang kuma' kadofinga ikiting adi kadapmang kadagang u kabisasu'nanga ning tanga kadapmang didimengsa' ubu tanga ira midi beng guksa' tonga ikiting.

FILIPAI Midi umpang Pol wari Filipai amingga' yokiamgu' 1:11

Abanga sidi tangkunang ka wara'guk ikinga tangkunang kuni' kuni' ka kadapmang karesi sini' fam wara'ning ka Kasira Aming Jisas warisa' ifakadofaimita' wari sidining kabaksi'ganang u siamo kadofota'. Ning tinga aming wari sidining kadapmang kareng u kanga waraga' siamo' tonga yaranting wari Anutuning wap girii bema arota'.

KOLOSI Midi umpang Pol wari Kolosi amingga' yokiamgu' 2:20

Ka sidi Kasira Aming Jisas ga' naktangka tanga adiganang kuma' yorafanga iking wara' adi kungkumak tugu' wa kamaganang ning kadapmang tapni ka tim saptatoreinga tanga yaging u wadigi' kuma' udanga kayosamgu', ka nasi'ga' tanga kadapmang ka wari ko tofisabinga aming kamaganangni sini' ningda'ning ko iking.

HIBRU Midi umpang aming nua'ni wari Juda amingga' yokiamgu' 10:10

Ka beng sini', Kasira Aming Jisas adi beni Anutuning sasuk sa' yaranga tanga ofa wa ananing fugu wari' kama kubaniksa' ganang tugu'. Ning tinga warisa' indifigadibainga Anutuning arantagim didimeng kareng ning ubu kuma' kadofinga ikem.

HIBRU Midi umpang aming nua'ni wari Juda amingga' yokiamgu' 10:5

Wara' Kasira Aming wari ofa inga'ni u tonga afufu ga' dudure tugu' ganang wa adi midi nua'ni ka beni Anutu u anigu' wara'ning ka ning yoking, <

HIBRU Midi umpang aming nua'ni wari Juda amingga' yokiamgu' 7:26

Ka Jisas adi indining pris girii kareng beng guk sini' wara' adi indi mamareng guk a napa'ga' nafek tantam u nipma wa adi bengsa' kuma' yotangkanimota'. Adi kadagang kabi'guk mo' tita', mokngang sini', adi kadapmang didimeng sini' sa' tita'. Ka aming indi kadagang guk, wara' Anutu wari aming fafandangeng kareng kubaniksa' unggungsa' bema kunimganang kuta naro' kamiinga adi napa'napa' dabiksa' u ikem wara'ning tim iyak aming girii kuni' nua'ni sini' ikita'.

HIBRU Midi umpang aming nua'ni wari Juda amingga' yokiamgu' 9:28

Wara' Kasira adi mamareng ka aming ka kadagang guk wari kagaya bimben ning u tipmiri waraga' sura kama kubaniksa' ganang kumogu' wa ofa kigineng sini' tugu'. Ning tinga u togu' wari aming kabi'mo' indining kadagang u tipmirisasu'negu'. Ka adi inga' tubobu abo'ga'. Ka u abo' wa kane ka kadagang tipmiri ning ka tim kuma' tugu' u nua'bu mo' to', mokngang, adi aming ka adita'sa' naknga naktangka titing u inagira fonga kukyabinga gi' iik waraga'sa' abo'.

Jems 5:16

Ka ibang wa napa' kigineng sini', wara' bagana aming ga' ibang toimonga wa sidi tim ka sidining kadagang u kuyase fam guk kura' ifadakngam tanga ibang kura' tongam tinting, ning tanga inga' wara'ganang toimting. Ning tinga Anutu adi wara'ganang sifikarendota'. Beng sini' aming ka kadapmang didimengsa' tanga ikiting wari ibang tuguting wa kigineng guk, wara' adisining ibang wa napa'napa' girisa' ifakadofi ning.

1 Jon 2:29

Sidi kuma'sa' naking Anutu wa didimeng sini' wara' sidi aming ka kadapmang didimeng tota' u kanga wa ning sura nakedanting, o beng sini' adi Anutu warisa' tipmarakinga tara' wara' adi adining mindingni sini' ka Kasira Aming Jisas ningwara' ita', ning tonting.

1 Jon 3:7

O naktangka aming sabane sidi aming fam wari kadapmang nua'ni ubu ma sanggekni' wara' na sareng ning sanotik, Kasira Aming ning iik wa didimeng sini' wara' aming ka kadapmang didimeng sini' tinting unggungsa' wa Anutu wari aming didimesi ning yabita'.

REVELESEN Anutu wari Jon ga' Girii Jisas ning ki anatintingneinga kagu' 22:2

Kadofinga yong girii ning kadapmang meng girii ganang biningsa' unara famugogu'. Ka ama wara'ning gaga fugung fugung ganang wa firi ki fama' guk, firi ka wa aming wari ka' iyak wara'ning. Firi fama' ka wari mindip titamu' wa kama kubanik ganangsa' mo' titamu', mokngang adi mayap kubanik kubanik fikifiki gurak kubanik ganang wa tadadenga ausa' titamu'. Ka firi fama' wara'sining sasa'si' undu' karesi. Sasa' ka wa ami taming yong yong kabi'mo' wara'ni u yotangkayabinga bagana guk mo' titi wara'ning.