1 Kor 7:9 - Anutuning midi totangka ingaʼni

⁹ Ka adi kabaksi' ka ami a taming guk iikga' ninak ning wari kigineng sini' marakyabinga kadaga ma tini' wara' adi taming a ami ubu siamting undu' giri karengsa'.

1 Kor 7:9 ပူးပေါင်းရင်းမြစ်များ

Ap 19:36

Ka adi a murak ka wa beng guk mokngang ning guk mo' tonting. Mokngang wara' sidi kadapmang ka kafakafa guk mo' naknga urapsa' marara bumburang sige tanga yangaking wa kagabi tini'.

1 Kor 7:2

Ka kami yara'ganang wa aming kabi'mo' wari napa' kadagang ka kabaksi' marara tanga kadaga titining wara'guk tanga iking, wara' na mamareng ka waraga' tanga ning sutik, kadaga guk mo' titi wara'ning kadapmang kareng wa ami taming kubanik kubanik dabiksa' adi ufase a tamse guk sa' ikanting.

1 Kor 7:28

Ka na taming saniap ga' tosefi mo' tirik, mokngang, aming ka ni taming sanonga undu' girisa' sanota', wa kadagang mo' tara'. A sababa undu' ningsa' adi ami sana ga' naknga undu' girisa' sangamota', waraga' kadagang guk mokngang. Ka na mamareng girii kuni' kuni' wari naktangka aming imaraming sidiganang mo' kadofisam waraga'sa' tanga wa midi ka u torik.

1 Kor 7:36

Ka saba uyamang ka taming nua'ni kuma' totangkanga kabingamting ka adi Anutuning kane a mamareng fam waraga' sura sangam guk mo' tanga sigesa' ko ira auta'. Ka inga' adi ning ubu surota', a na taming sanaga'sa' nakarik, ka na taming wa kagabi guk wa nasi'ga' tirik, ning surota', ka adi sana titining kadapmang guk kuma' kanga wa girisa' sanota', kadagang mo' tara'.

1 Kor 7:39

Ka taming ka ami kuma' siama iking wara'siga' wa ning toutik, ufase wari ka' ko ikanting ganang wa giri ufase guk unggung tangkunang ningsa' ikanting. Ka inga' ufase wari kumoinga tamkasa' ira aming nua'ni ubu sangam ga' naknga wa girisa' siamting. Ka adi aming sige mo' siamting, naktangka aming sa' yapma saniapmanting.

1 TESALONAIKA 4:4

Ning tanga sidi taming saniap ga' sura wa sidi kadapmang ka aming arantagim ka Anutu u kabi'guk mo' nakedating wari kabaksi' marara titisa' titing ning mo' tinting, mokngang, sidi kadapmang didimeng karengsa' ka Anutu wari titiga' nakita' wara'ganangsa' yaranga titi waraga'sa' sukanting.

1 Timoti 5:11

A tamkasa' ka sababa ging wa iibi totang, adi inga' ami nua'ni sana ga' kabaksi' marara ning tanga midi totangka ka tim Kasira Aming Jisa ning kunung tamingsa' iikga' tonting u udanga kagabi ma tini', ning tanga Anutuga' manda ukngam ning kadapmang ubu ma tanga ikni'.

1 Timoti 5:14

Wara' na ning sutik, tamkasa' ka giang ko ka ningwara' adi ami inga'ni nua'bu siama saba ibenga sababi' a yak u yaptatora wara'ning kane u kafakafasa' tanga ikanting. Ning tinga aming ka naktangka guk mo' tanga indita' bibi' nakiting adi indining kane kareng u tipkadaga waraga' wa naktangka aming arantagim indiganang napa' kadagang ni guk mo' katuanting.