1 Jon 5:3 - Anutuning midi totangka ingaʼni

³ Beng sini' midi ka aming wari Anutuga' ninak wara'ning ki sini' wa adi Anutuning midi kadapmang u ninaksa' tanga yarota'. Ka Anutuning midi wa mamareng mo' ararangeng karengsa'.

1 Jon 5:3 ပူးပေါင်းရင်းမြစ်များ

MATYU Anutuning midi kareng Matyu wari yoku' 23:4

Ka Farisi arantagim adi kadapmang ka u titing wa adi aming wari napa' mamaresi kabi'mo' ka aming fam ning fuksi'ganang urang gufariaminga manggeting ningda'ning saramira kabi'sini' guk mo' yotangkasabiting.

JON Anutuning midi kareng Jon wari yoku' 14:15

Ka Jisas wari arantagimni u nua'bu yanggu', sidi nagata' sini' naknga wa kadapmang kareng ka midi ka naga sidi titiga' sanitik u yarasa' tinting.

JON Anutuning midi kareng Jon wari yoku' 15:10

Ka sidi midi kadapmang kareng ka naga fasanitik u ninaksa' tinting wa kadapmang ka naga sibeng ning midi ninaksa' tinga sibeng wari nagata' siamo' nakita' wara'ning kapmik ikitik ningsa' ka sidindu' naga sidita' siamo' nakitik wara'ning kapmik ganang beng sini' ikanting.

JON Anutuning midi kareng Jon wari yoku' 15:14

Ka amine ka adisita' siamo' naknga yotangkayap ga' u torik wa naganing arantagim sidisa'. Wara' sidi naning midi ninaksa' tinting wa naganing amane arantagim sini' ning ikanting.

ROM Midi umpang Pol wari Rom aming ga' yokiamgu' 7:12

Wara' indi midi ka a kadapmang tapni warisa' aming kadagang ganang manggara ipmita' ning guk mo' sini' tontam mokngang sini'. Kadapmang tapni wa Anutuning napa' kigineng didimeng sini'. A kadapmang tapni wara'ning midi bang bang u defata' wara'ning dabiksa' undu' didimeng a beng guk a kareng sini'.

ROM Midi umpang Pol wari Rom aming ga' yokiamgu' 7:22

Beng sini' naning kabakna mang ganang wa sasukna wa Anutuning kadapmang tapni kareng waraga'sa' fanakarik.

HIBRU Midi umpang aming nua'ni wari Juda amingga' yokiamgu' 8:10

Ka girii wari midi nua'ni nua'bu ka ning togu', beng sini' kama ka u torik wari kadofiinga wa na Isrel ning arantagim guk midi totangka ka ning tokga', na naganing kadapmang tangkunang wa adisining sasuksi' a kabaksi' mang ganang sini' yokiaminga adi nakeda tanga yara sa' tini'. Ning tanga na adisining Anutu sini' ikinga adindu' naganing arantagim sini' ning kadofinga ikni'ga'.

1 Jon 2:3

Ka indi Anutuning midi u ninaksa' tanga yaranga ikantam wa indining kabakni'ganang wa indi Anutuning sasuk kareng u kigeda sini' kuma' titining ningda'ning nakedanga ikantam.

2 Jon 1:6

Ka kadapmang ka kuyane famga' naknga kafakafa tiap wara'ning wa kadapmang nua'ni yaranga titining mo', mokngang, wa kadapmang kubaniksa' ka Anutuning midi unggungsa' yaranga titi wara'ning. Ka midi tangkunang sini' ka timinggi' ituasaminga naking wa ning, sidining iiksi'ganang wa kadapmang ka kuyase famga' siamo' ninakning unggungsa' yaranga tinting.