1 Jon 4:20 - Anutuning midi totangka ingaʼni

²⁰ Ka aming ka ni kuyane famga' kaba kadagang guk naknga irota' ka adi o na Anutuga' siamo' nakitik ning touta' wa adining midi wa beng guk mokngang, naga' tanga indi Anutu wa sareng guk mo' katam, a sareng wa kuyane fam wari iking wara' adi kuyane fam waraga' naknga kafakafa guk mo' tiamota' wa adi midi ka o na Anutuga' siamo' naknga kafakafa tangamarik ning wa nasi'ga' tora'. Mokngang, wa mandaga' giknara'.

1 Jon 4:20 ပူးပေါင်းရင်းမြစ်များ

JON Anutuning midi kareng Jon wari yoku' 13:35

Sidi kadapmang ka u tanga ikanting wa aming fam wari sapkedanga o adi adining arantagim beng sini' iking ning tonting ning yanggu'.

1 Pita 1:8

Beng sini' sidining naktangkasi' wa napa' kigineng beng guk sini'. Tim sidi Jisas wa kabi'guk mo' kaging a inga'ganang undu' kaga guk mo' ningsa' ko ting de, ka sidi adita' siamo' naknga naktangka tanga mesisiringa girii sini' ka aming wari wara'ning kiga' tutugu ning guk mokngang u titing.

1 Jon 1:6

Ka indi iik didimeng mo' ka kama kangkam da'ning wara'ganang ko ira o indi Anutu guk kubap kuma' ikem ning u sige tontam wa indi adining iik kareng wara'ganang sini' mo' ira toyam wara' indi mandaga' giknem, beng guk mokngang.

1 Jon 1:8

Ka indi kafakafa guk mo' sura midi ka a na kadagang guk mokngang ning u tontam wa indining sasuk ka wa beng guk mokngang. Abanga Anutuning kadapmang didimeng ka midi beng guk ning wari undu' indining kabakni'ganang guk mo' ita'.

1 Jon 2:11

A aming ka kuyane famga' kadagang guk naknga ikita' adi adining kaba kadagang wari tanga kama kangkam sini' ganang ningda'ning ira deyoyangak sa' tanga Anutuning kadapmang kareng wara'guk mo' kanga irota'.

1 Jon 2:4

A aming ka Anutuning sasuk kareng wa kuma'sa' kanga itik ning touta', ka adi Anutuning midi kadapmang wara'guk mo' yarota', aming ka wara'ning kabaganang wa midi beng guk wara'guk mo' ikita' wara' adi mandaga' sini' giknara'.

1 Jon 2:9

Ka aming ka ni a na iik sangang wara'ganang kuma' itik ning touta', ka adi kuyangni ga' kaba kadagang guk naknga irota' wa adi mandaga' giknara', gaa' kangkam ganang ko ita'.

1 Jon 3:17

Ka aming nua'ni ka mambong kamaganangni kangasi tanga ira ka adi kuyangni nua'ni wari napa'ga' nafek tanga mamareng guk irota' u kanga kabubure tanga yotangkangam guk mo' tota' wa adi midi ka na Anutuga' siamo' nakitik ning tuguta' wa beng guk mokngang, mandaga' gikneta'.

1 Jon 4:12

Ka beng sini' indi Anutuning nonda guk mo' katam, ka indi kabakni' ka kuyane famga' siamo' ninak wara'guk ikantam wa Anutu warisa' indining kabakni'ganang ira tangkunang niminga indi kadapmang ka kuyane famga' siamo' ninak ka Anutu ana tita' ningsa' tantam.