1 Jon 2:6 - Anutuning midi totangka ingaʼni

⁶ Beng sini' aming ka midi ka na Anutu guk ikiamuk ning touta' wa adi kadapmang kareng sini' ka tim Kasira Aming Jisas wari afanga tugu' ungungsa' yaranga tanga irota'. Indi kadapmang kareng ka ning u tantam wa indi indining kabakni'ganang wa Anutugananag beng sini' ikem, ning u nakedantam.

1 Jon 2:6 ပူးပေါင်းရင်းမြစ်များ

MATYU Anutuning midi kareng Matyu wari yoku' 11:29

Ka sidi nagaganang abanga naning kane i bemting. Kane ka wa mamareng guk mokngang ka aming fam wari kuyang tatagim dabiksa' urang barungnanga nakiting ningda'ning ararangeng sa' kuma' nakanting. Beng sini' na kadapmang ka fuksi' bema afu a kugurang gi' yanggek wara'ning tuang sini'. Ka sidi nagaganang abuinga naga sanggekinga sidindu' naning kadapmang kareng u bemting. Ning tinga sidining kabaksi' wa kugurang karengsa' beng sini' naknga ikanting.

JON Anutuning midi kareng Jon wari yoku' 13:15

Kadapmang ka naga u tirik wa sidi kanga titi waraga' sangtinting tirik.

JON Anutuning midi kareng Jon wari yoku' 15:10

Ka sidi midi kadapmang kareng ka naga fasanitik u ninaksa' tinting wa kadapmang ka naga sibeng ning midi ninaksa' tinga sibeng wari nagata' siamo' nakita' wara'ning kapmik ikitik ningsa' ka sidindu' naga sidita' siamo' nakitik wara'ning kapmik ganang beng sini' ikanting.

1 Kor 11:1

Ka Pol na kadapmang didimeng kareng ka Kasira Aming Jisas wari tarugu' unggungsa' yaranga titik wara' sidindu' naganing kadapmang ka u titik ningsa' nawara tinting.

EFESAS Midi umpang Pol wari Efesas amingga' yokiamgu' 5:2

Ning tanga sidi kadapmang ka sidi kuyase fam ga' naknga tim girini' Kasira Aming Jisas wari indita' siamo' naknga yotangkayap titi wara'ning u tinting. Tim Kasira Aming Jisas wari aming dabik indita' siamo' naknga yotangkanip ga' aigaim sa' tinga uking wa kadapmang ka aming wari Anutuga' sura nana sauripmam kafakafa sini' tinga Anutu wari adisita'sa' urang nakarugu' ningda'ning tinimgu' wara' sidindu' kuyase fam ga' siamo' naknga kafakafa tiap ka ningsa' tinting.

1 Pita 2:21

Beng sini' Anutu adi kadapmang kareng ka ning u titiga'sa' nakita' wara' adi sidi adining arantagim ira kadapmang ka mamareng ka ning u bema iik wara'ga manggaksapku'. Ka sidi kadapmang ka Kasira Aming Jisas wari tugu' waraga' sukanting, adi indi yotangkanip ga' sura aming wari nasi' kagaya a mamareng amiging wa adi bibi' ninak a kura' tubobu tiam ning guk mo' tugu', mokngang. Adi bimbem sa' tugu' wara' sidi kadapmang ka u tugu' u kanga sidindu' ningsa' tinting.

1 Jon 2:28

Beng sini' naktangka aming sabane sidi Kasira Aming Jisas ganang sini' ningsa' ira anting. Wara' adi tubobu afuinga kanam ganang wa sidi kabaksi'ganang wa mamareng guk mo' naknga tangkunangsa' adeni'.

1 Jon 2:4

A aming ka Anutuning sasuk kareng wa kuma'sa' kanga itik ning touta', ka adi Anutuning midi kadapmang wara'guk mo' yarota', aming ka wara'ning kabaganang wa midi beng guk wara'guk mo' ikita' wara' adi mandaga' sini' giknara'.

1 Jon 3:24

Ka indi Anutuning midi kadapmang unggungsa' yaranga tantam wa indi Anutuganang sini' ikinga adindu' indiganang sini' irota'. Beng sini' Anutu wari adining mini unggo wa indining kabakni'ganang kuma' kaminimgu' wara' indi o warisa' tanga wa adiganang beng sini' ikem ning sura nakedatam.

1 Jon 3:6

Wara' aming ka Kasira Aming Jisas ganang sini' irota' adi kaba ka kadagang titiga' tipmarak ning wara'guk mo' ita'. A aming ka kaba ka kadapmang kadagang titining wari adining kaba ganang irota' wa adi Kasira Aming Jisas ning ki a adining iik kabi'sini' guk mo' kata', mokngang sini'.

1 Jon 4:17

Ka Jisas wari amingga' siamo' nakita', ka naktangka aming indi kamaganang i ira kuyane famga' siamo' ninak ning kadapmang kareng sini' ka Kasira Aming Jisas wari aming indita' nakita' ningsa' tantam. Indi ning tantam wa inga' kama girii ka Anutu wari aming midiganang kukyapma tagagareyap wara'ning wari kadofo'ganang wa indi mutu guk mo' tanga tangkunangsa' adenam.