1 Jon 2:26 - Anutuning midi totangka ingaʼni

²⁶ Ka midi ka i yoksamarik wa aming ka mandaga' saramikonga titi wara'sining kadapmang nakeda waraga' yoksamarik.

1 Jon 2:26 ပူးပေါင်းရင်းမြစ်များ

MAK Anutuning midi kareng Mak wari yoku' 13:22

Beng sini' kama ka wara'ganang wa mandaga' aming kabi'mo' wari kadofinga abani'ga'. Abanga ning toni', na Anutuning Kasira Aming a fam ka na midi togadofi aming profet girii ning tonga napa'napa' tangkunasi' fam u beng sini' da'ning tanga yarani'ga'. Ning tinga aming arantagim ka Anutu wari ifakasirineinga adita' naktangka kuma' tanga ikni' adindu' bengsa' ba ning tonga manga iwak sa' titiga' da'ning tini'ga'.

KOLOSI Midi umpang Pol wari Kolosi amingga' yokiamgu' 2:18

Ka Juda aming fam ka Jisas ga' naktangka guk mo' titing wari anga aramak ning midi ka o amine indi kunim aming arantagim fam unggungsa' yapma indining fukni' bema afanga adisining wap bema aranga adisita' mesisiringa tiamitam wara' indi aming ka ning guk mo' titing sidi sirafikem, ning saninga wa sidi mo' sini' nakiamting, mandaga' siramiking. Aming ka midi ka ningwara' tuguting adi anasining fuksi' beng bema afu guk mo' sukiting, mokngang, adi kamaganangning sasuk kadagang guksa' ira ana wap girii bimbem waraga'sa' sura tuguting.

KOLOSI Midi umpang Pol wari Kolosi amingga' yokiamgu' 2:8

Ka kuyane sidi midi ka i torik i naknga kafakafa suktangkanga ikanting, aming fam wari midi kugurang sana sanggagareinga midi beng guk u kabinga adi sige ma yawakni'. Aming ka ningwara' wara'sining sasuk wa beng guk mokngang, adi kadapmang kareng yangtintingnem ning tonga kadapmang ka aming ning tapni kuni' kuni' a murak kamaganangni ka beng guk mokngang wara'ning unggungsa' tonga fiareting. Ka ning torik, adi Kasira Aming ning wap ga' kabi'guk mo' sura tuguting wara' sidi midi ka wa mo' sini' nakiamting.

1 Timoti 4:1

Ka midi ka tim Anutuning mini unggo wari sareng kuma' togadofigu' wa ning, inga' aming fam ka midi kareng kuma' naking wari masi' unggo kadagasi ning midi mandaga' u naknga midi kareng u kabinga Setan ning midi mandaga'ga' ubu nakni'ga'.

2 Timoti 3:13

Ning tanga aming ka kadagang titisi a aming ka aming karesi ning sige tuguting adi kanesi' kadagang wa mo' kabini', mokngang, adisining kadagang wa girii giranga ning tanga aming u mandaga' iiramik ning kane tinga Setan wari ana undu' mandaga' iramikinga kadaga tini'ga'.

1 Jon 3:7

O naktangka aming sabane sidi aming fam wari kadapmang nua'ni ubu ma sanggekni' wara' na sareng ning sanotik, Kasira Aming ning iik wa didimeng sini' wara' aming ka kadapmang didimeng sini' tinting unggungsa' wa Anutu wari aming didimesi ning yabita'.

2 Jon 1:7

Ka beng sini' aming kabi'mo' adi midi ka Kasira Aming Jisas wari aming fugu guk afanga yagu' waraga' naktangka guk mo' tanga kama kama u yangara midi mandaga' sige tipfaranga yanggera fiaring. Aming arantagim ka wa mandaga' giknanga fiareting wara' adi Kasira Aming ning digirap ning ikiting.