Yohana 8:24 - Mɑ‑to̱ Shir Taku̱rda-o swo̱r o-nu pu̱-o̱

²⁴ O̱ hante̱ u̱m zet no̱a merme̱ u̱n ba'as-u̱t no̱ ne̱. U̱n ba de̱ no̱ she̱re̱g hur-u̱r no̱ u̱nze me̱ wu̱ ro̱, wu̱ u̱m ro̱ à, no̱a merme̱ u̱n ba'as-u̱t no̱ ne̱.”

Yohana 8:24 ပူးပေါင်းရင်းမြစ်များ

Matiyos 24:5

Me̱n ze̱e̱ kaane̱ remen hun-ne̱ de̱e̱n ye̱a haan u̱n jin u̱n de. Ye̱a zee, ‘Me̱ wu̱ ro̱ Kiristi.’ Har ye̱a raks hun-ne̱ u̱t-mo̱o̱r ne̱.

Markus 13:6

Hun-ne̱ de̱e̱n ye̱a haan be u̱n no̱, ye̱ dek jin u̱n de. Ko̱ wu̱ ke wu̱ ro̱ m-ze̱e̱ wu̱ ro̱ Kiristi. Ye̱a e̱e̱s hun-ne̱ de̱e̱n.

Markus 16:16

Bo̱ u̱n wu̱ she̱re̱ u̱n ka Ma-to̱ m-Re̱re̱m to̱ à, komo a yo'os wu̱ m-ho̱, Shir a sokse̱ wu̱ ba'as-to̱ u̱n wu̱. Amba wu̱ she̱re̱ u̱n ka Ma-to̱ m-Re̱re̱m to̱ á a piishe̱ wu̱ u̱t-ma u̱ntu̱n wa-u̱r-ba'as a 'ye wu̱ u̱r-ko̱o̱b.

Ruka 21:8

Ye̱so ze̱e̱ru̱, “She'et no̱ zo̱ngse̱, no̱ yage̱ ko̱ wu̱ ke raks no̱ á. Hun-ne̱ de̱e̱n a haan u̱n jin u̱n de. Ye̱a haan, ye̱ zee, ‘Me̱ ro̱ wu̱, wu̱ Shir daagne̱ à!’ Komo, ‘Ka da-o̱ ro̱ yow yow!’ Amba no̱ do̱re̱ ye̱ á.

Yohana 13:19

“Me̱ no̱ m-ru̱re̱ m-mo̱ka cin ba ka rii-yo u̱n no̱m, remen da-o̱ yo nome̱, no̱ she̱re̱t me̱ wu̱ ro̱ Kiristi, Wan-Gwu̱ wu̱ Shir to̱mne̱ ho̱no o-dak à.

Yohana 3:18

Kap bo̱ u̱n ne̱t-wu̱ she̱re̱ hur-de u̱n wu̱ u̱n Wà-wu̱ Shir à, a piishi wu̱ u̱t-ma á. Amba wu̱ she̱re̱ hur-de u̱n wu̱ u̱n Wà-wu̱ Shir á, a regu̱su̱te̱ a komsu̱te̱ wu̱ piishe̱ u̱t-ma o̱ ka, remen wu̱ she̱r hur-de u̱n wu̱ u̱n Wà-wu̱ Shir wan-gaan cot á.

Yohana 3:36

Wu̱ she̱re̱ hur-de u̱n wu̱ u̱n Wà-wu̱ Shir à, wu̱a kum ho̱o̱g-o̱ Shir o̱ ba m-ta. Ye̱ no̱me̱ ne̱ o-do̱ro̱tte̱ u̱n ka Wà-wu̱ ne̱ á, ye̱a hyen ho̱o̱g á, ryaab-se Shir ro̱ be-de u̱n ye̱.”

Yohana 4:26

Ye̱so ze̱e̱ru̱ wu̱, “Me̱ ro̱ wu̱, me̱ wu̱ ro̱ u̱t-ma u̱n wo̱ ne̱ à.”

Yohana 8:21

Ye̱so dooru̱ ye̱ m-ze̱e̱, “Me̱n neke̱ u̱r-hew, amba no̱a hoob me̱ no̱ taage̱ u̱n hyan-o re. Amba no̱a mer u̱n ba'as-u̱t no̱ ne̱. Be-de u̱m he'e̱ ne̱ à, no̱a hoks m-ha á.”

Yohana 8:25

Ye̱ ze̱e̱ru̱ wu̱, “¿Wo̱ ro̱ wan?” Ye̱so ze̱e̱ru̱ ye̱, “Bo̱ u̱m ru̱ru̱ no̱ à, hond hond o̱ bo̱ u̱m ru̱ru̱ no̱ à.

Yohana 8:28

Ye̱so ze̱e̱ru̱ ye̱, “Da-de no̱ jakse̱ Wà-wu̱ u̱n ne̱t, ka da-de ne̱, no̱a nep me̱ ro̱ wu̱ u̱m ze̱e̱ u̱m ro̱ à. Komo no̱a nep me̱n no̱m u̱n rii u̱n ho̱n-de à, amba me̱ m-rwo̱r u̱n yo Tato re yoosu̱ me̱ à.

Yohana 8:58

Ye̱so ze̱e̱ru̱ ye̱, “Me̱ no̱ m-ru̱re̱ o-nip, cin ba a u̱n makt Ibrahi, ‘U̱m ro̱ ko̱n.’ ”

Se̱nge̱-mo̱ 4:12

Yatt komo be-de a he kum u̱n gwu̱ á, be-de u̱n jin-to̱ a ya'e̱ hun-ne̱ ye̱ u̱n ho̱no o-dak kap à. Yatt jin-de a ya'ase̱ de a ze̱e̱ se̱ be-de u̱n de a he kum u̱n gwu̱ á, se̱ be-u̱r Ye̱so.”

Yahuda-ne̱ 12:25

War no̱, no̱ no̱me̱ Shir o-do̱ro̱tte̱, wu̱ ro̱ na m-no̱me̱ u̱t-ma à. U̱rege̱ hun-ne̱ ye̱ o-Isra ye̱ po̱sse̱ á da-o̱ ye̱ yage̱ m-ho̱ge̱ u̱n ma-u̱t Mosa u̱n ho̱no o-dak à. Yagu̱nte̱ na ye̱ ho̱ge̱ Ma-to̱ Shir to̱ rwu̱u̱ne̱ n-To̱n shir à. A po̱sse̱ á.

Yahuda-ne̱ 2:3

A ru á, u̱rege̱ a yagu̱te̱ m-was u̱n ka caari-to̱ u̱t-ma to̱ u̱n gwu̱ to̱ ne̱. To̱ rwu̱u̱ne̱ u̱n nu-o̱ u̱n Wà-wu̱ Shir à. Wà-wu̱ Shir, wu̱ ro̱ na Wan-Ko̱yan à, Ye̱so u̱n hi u̱n de u̱n wu̱, wu̱ ru̱ru̱ na to̱. Ká da-de ne̱, ye̱ ho̱ge̱ to̱ u̱n nu-o̱ u̱n wu̱ à, ye̱ dooru̱ na m-ru̱re̱ u̱n nip-o̱ u̱n to̱.