Yohana 7:3 - Mɑ‑to̱ Shir Taku̱rda-o swo̱r o-nu pu̱-o̱

³ Hen-ne̱ ye̱ u̱n wu̱ ne̱ ze̱e̱ru̱ wu̱, “Ine̱ me, o neke̱ dak-o̱ o-Judiya be-de u̱n Biki-o̱ u̱t-De̱pi remen ka rem-se u̱t-hyat se se wo̱ m-no̱m à, ka ye̱ ro̱ wo̱ m-do̱re̱ ka co̱-se à, ye̱ hyenet se!

Yohana 7:3 ပူးပေါင်းရင်းမြစ်များ

Matiyos 12:46

Ye̱so ro̱ u̱t-ma u̱n hun-ne̱ ne̱ ye̱ ro̱ be-de u̱n wu̱ à, inu-o Ye̱so u̱n hen-ne̱ ye̱ u̱n wu̱ ne̱ wo̱o̱nu̱ru̱. Ye̱ ro eso n-do̱. Ye̱ co̱no̱g u̱t-ma u̱n wu̱ ne̱.

Markus 3:21

Da-o̱ o̱r u̱n wu̱ ne̱ ho̱ge̱ kaane̱ à, ye̱ ruuru̱ ye̱ bu̱pt wu̱. Ye̱ u̱n no̱m kaane̱ remen ye̱ ken hun-ne̱ ye̱ ro̱ m-ze̱e̱, “Wu̱ ro̱ ku̱s ku̱s.”

Markus 3:31

Hun-ne̱ u̱t-mo̱o̱r ne̱ ro tara tara. Ye̱so ro n-te̱te̱ o̱ u̱n ye̱. Wu̱ ro ye̱ u̱t-ma, inu u̱n wu̱ wo̱o̱nu̱ru̱ u̱n hen-ne̱ ye̱ u̱n wu̱ ne̱. Ye̱ e̱su̱ru̱ n-do̱. Ye̱ to̱mu̱ru̱ wu̱ rwu̱u̱n wu̱ nom u̱t-ma u̱n ye̱ ne̱. Wu̱ ken wu̱ ze̱e̱ru̱ wu̱, “Inu ru wu̱ ka u̱n hen-ne̱ ru ne̱ n-do̱. Ye̱ ro̱ u̱n hoob-o ru.”

Ruka 8:19

Inu Ye̱so u̱n hen-ne̱ ye̱ u̱n wu̱ ne̱ haante̱ be-de u̱n wu̱, amba ye̱ hoks wu̱ m-do̱re̱ á remen hun-ne̱ no̱mo̱g de̱e̱n.

Ruka 8:20

Wu̱ ken wu̱ ze̱e̱ru̱ Ye̱so, “Inu ru u̱n hen-ne̱ ru ne̱ ro̱ eso n-do̱ komo ye̱ co̱no̱g wo̱ m-hyan.”

Yohana 2:2

A bandte̱ Ye̱so u̱n yan-neke̱-mo̱ u̱n wu̱ ne̱ u̱n ká ge-de.

Yohana 6:60

Bo̱ m-ho̱ge̱ kááne̱, de̱e̱n be-de u̱n yan-neke̱-mo̱ u̱n wu̱ ze̱e̱ru̱, “Ka yoos-de ro̱ u̱n rem ne̱. ¿Wa he de hoks m-go̱ks?”

Yohana 6:66

Remen kááne̱, yan-neke̱-m Ye̱so u̱t-mo̱o̱r ne̱, ye̱ yagu̱ru̱ wu̱. Ye̱ do m-neke̱ u̱n Ye̱so ne̱ komo á.

Yohana 7:10

Bo̱ hen u̱n wu̱ ne̱ neke̱sse̱ be-de u̱n ka Biki-o̱ u̱t-De̱pi o̱ à, ka da-o̱ wu̱ argu̱ru̱ ye̱ m-do̱re̱ u̱s-ajima ne̱. Amba, wukusse̱.

Yohana 7:4

Ai, yatt-wu̱ ro̱ u̱n no̱m u̱n rem-se u̱r-bon wukusse̱ á, u̱rege̱ u̱nze o co̱no̱g jin u̱n du ru be-de u̱n hun-ne̱ kap. To̱, depete̱, bo̱ wo̱ m-no̱m u̱n ka rem-se u̱t-hyat se à, o rwu̱nte̱ hi u̱n du be-de u̱n hun-ne̱.”

Yohana 7:5

Hen-ne̱ ye̱ u̱n wu̱, ye̱ u̱n ze̱e̱ kááne̱ remen u̱n ka da-o̱, ye̱ ro she̱re̱g hur-de u̱n ye̱ be-de wu̱ á.

Se̱nge̱-mo̱ 2:14

Bitrus inu̱ eso u̱n ka o̱p u̱n wan-gaan ye̱ ne̱, wu̱ 'yonsu̱ u̱s-co̱r. Wu̱ ze̱e̱ru̱ ka bu̱u̱g-de u̱n hun-ne̱ de, “No̱ o̱r re ne̱, Yahuda-ne̱ u̱n kap o̱ u̱n ya-u̱r-she'et o-Urusharima ne̱, ho̱gu̱ no̱ m-so̱k ne̱. Komo no̱ was u̱n rii-yo u̱m he no̱ m-ru̱re̱ ne̱ à.