Yohana 7:23 - Mɑ‑to̱ Shir Taku̱rda-o swo̱r o-nu pu̱-o̱

²³ To̱, u̱rege̱ ho̱-de m-ko̱ u̱n yakar no̱ regete̱ u̱n Ho̱-de u̱r-Wu̱we̱ de, no̱ m-ko̱ u̱n yakar no̱ remen u̱ntaase no̱ jet karamsa-o Mosa o̱ u̱r-ko̱ de u̱n yan-campo̱-ne̱ ho̱-u̱r aeere̱-de. ¿Remen yan no̱tte̱ u̱s-ryaab u̱n me̱ ne̱ remen u̱m dossu̱te̱ ne̱t go̱m Ho̱-de u̱r-Wu̱we̱?

Yohana 7:23 ပူးပေါင်းရင်းမြစ်များ

Matiyos 12:10

Wu̱ ken ne̱t-wu̱ ro kon kane̱ ko-yan-kom-o margan. Wu̱ ro̱ m-hoks m-nukt u̱n ka kom-o̱ á. Parisa-ne̱ ro u̱n hoob-o̱ u̱n bo̱ ye̱ he Ye̱so m-ce̱e̱b à. Ye̱ citu̱ru̱ wu̱ ka cot-o̱, “¿Karamsa-o̱ u̱n Yahuda-ne̱ ya'ag a taase ne̱t go̱m u̱n Ho̱-de u̱r-Wu̱we̱?” Ye̱ u̱n cit ká cot-o̱ remen ye̱ bu̱pt wu̱ u̱r-ba'as.

Matiyos 12:2

Bo̱ Parisa-ne̱ hyente̱ ye̱ m-no̱m kaane̱ à, ye̱ ze̱e̱ru̱ Ye̱so, “Gwo̱t, yan-neke̱-m ru ye̱ ro̱ m-no̱m u̱n rii-yo karamsa-o we̱ne̱ a no̱m u̱n Ho̱-de u̱r-Wu̱we̱ à!”

Matiyos 12:5

Komo baks no̱ yo no̱ karante̱ n-me̱ u̱n karamsa-o Mosa à, yo yan-Co̱w u̱n ko̱n-se Shir ro̱ m-no̱m u̱n Ho̱-de u̱r-Wu̱we̱ u̱n Pyo-o̱ Shir à. Be-de u̱n seke̱ u̱t-seke̱ u̱n De̱pi-o̱ u̱n Shir, ye̱ ro̱ m-jet o-karamsa o̱ u̱n Ho̱-de u̱r-Wu̱we̱, o̱ we̱ne̱ hun-ne̱ m-se̱nge̱ u̱n Ho̱-de u̱r-Wu̱we̱ à. Amba Shir zee ye̱ no̱mo̱g u̱r-ba'as á.

Yohana 5:10

Remen kááne̱, se̱k-ye̱ ye̱ u̱n Yahuda-ne̱ ze̱e̱ru̱ wu̱ a taase̱ go̱m à, “Ho̱-de u̱r-Wu̱we̱ de. U̱depe̱ o mos rii-o̱ u̱r-ru̱t o̱ ru á.”

Yohana 7:21

Ye̱so ze̱e̱ru̱ ye̱, “U̱m no̱mo̱g saw-to̱ u̱t-hyat o-gaan, no̱ kap, no̱ hyanag u̱t-hyat.

Yohana 9:16

Remen kááne̱, ye̱ ken Parisa-ne̱ ye̱ ze̱e̱ru̱, “Ka ne̱t-wu̱, be-de Shir o̱ wu̱ ro̱ á, remen wu̱ ku ho̱-de Shir zette̱ a wu̱we̱ u̱n de á.” Ye̱ ken ye̱ ze̱e̱ru̱, “¿Re ne̱ o̱ ko-wa-u̱r-ba'as he nap u̱n no̱m u̱n rem-se u̱t-hyat kááne̱?” Ma-u̱t su̱nu̱tu̱ ye̱ o̱ ka.