Yohana 6:63 - Mɑ‑to̱ Shir Taku̱rda-o swo̱r o-nu pu̱-o̱

⁶³ Ai, Ku̱kt-o̱ Shir o̱ ro̱ u̱n 'ya u̱n ho̱o̱g. Be̱e̱b-de ma-hun yo ken rii-yo yo á. Ma-to̱ u̱m ru̱ru̱ no̱ à to̱a hoks m-'ya u̱n ku̱kt-o no̱ ho̱o̱g-o̱ ba m-ta.

Yohana 6:63 ပူးပေါင်းရင်းမြစ်များ

Yohana 5:21

Remen bo̱ Tato-o ro̱ m-'yons u̱n margan-ne̱ u̱n ho̱o̱g ne̱ à, ka bo̱-se ne̱ o̱ komo Wà ro̱ m-'yons be-de u̱n ye̱ wu̱ daage̱ à.

Yohana 6:68

Simo̱n Bitrus shasu̱ru̱ wu̱, “Go̱s-wu̱, ¿be-u̱r wan o̱ te̱ he m-warag? Ma-u̱t ru to̱ ro̱ u̱n 'ya u̱n ho̱o̱g-o̱ ba m-ta!

Se̱nge̱-mo̱ 5:20

“Neke̱ no̱, no̱ es n-me̱ u̱n Pyo-o̱ Shir no̱ ru̱re̱ hun-ne̱ ma-to̱ u̱n kà ho̱o̱g-m pu̱-mo̱ mo̱.”

Roma-ne̱ 10:17

Remen kaane̱, she̱r-m ro̱ m-haan be u̱n na u̱n bu̱-yo u̱n ho̱ge̱ u̱n Ma-to̱ Shir, komo a m-ho̱ge̱ u̱n Ma-to̱ Shir u̱n bu̱-yo u̱n yan-ko̱'o̱t u̱n ma-u̱t Kiristi.

Roma-ne̱ 2:25

U̱rege̱ o do̱ru̱te̱ o-karamsa, ko̱-u̱r a gu wo̱, amba u̱rege̱ wo̱ m-do̱re̱ yo karamsa-o ze̱e̱ á, ko̱ de a ko̱ wo̱ à, Shir a hyen wo̱ ba u̱r-ko̱.

Roma-ne̱ 8:2

Remen be-u̱r Kiristi Ye̱so, karamsa-o̱ o-Ku̱kt ka o̱ ro̱ u̱n 'ya u̱n ho̱o̱g à, o̱ rwo̱'o̱g me̱ m-posse̱ be-de u̱n be̱e̱b-de u̱r-ba'as m-mar ne̱.

1 Korinti-ne̱ 15:45

Kaane̱ to̱ ro̱ gense̱, “Ne̱t-wu̱ u̱r-takan, Adamu, wu̱ waragte̱ ne̱t-wu̱ u̱n ho̱o̱g.” Amba Adamu wu̱ u̱r-ko̱m Ye̱so Kiristi, Ku̱kt-o̱ o̱ u̱n 'ya u̱n ho̱o̱g o̱.

Garatiya-ne̱ 5:25

Yage̱ Ku̱kt-o̱ Shir do̱ru̱ttu̱ na n-me̱ u̱n ko̱ yo ke rii-yo u̱n she'et-u̱r na, remen Ku̱kt-o̱ ya'u̱ na m-ho̱o̱g à.

Garatiya-ne̱ 5:6

Remen a ro n-me̱ u̱n Kiristi Ye̱so, ko̱ u̱r-ko̱ ko̱ ba u̱r-ko̱ yo ken rii-yo yo á be-u̱r na. Amba rii-yo Shir co̱ne̱ cot à yo ro̱ ne̱t she̱r be-u̱r Kiristi, komo ho̱o̱g-mo̱ u̱n wu̱ ro̱ m-kute̱ wu̱ co̱no̱g Shir u̱n hun-ne̱ ne̱.

Garatiya-ne̱ 6:15

U̱r-ko̱ ne̱, u̱n ba u̱r-ko̱ ne̱ kap hwaa-o̱. Rii-yo jiishe̱ à yo ro̱ Shir muut na u̱ntu̱n ne̱t pu̱-wu̱.

1 Tasaronika-ne̱ 2:13

Remen kaane̱ o̱ te̱tte̱ u̱n bo̱m u̱n Shir ko̱yanda, remen, da-o̱ no̱ go̱kse̱ Ma-to̱ Shir, to̱ no̱ ho̱ge̱ be u̱n te̱ à, no̱ go̱ks to̱ u̱ntu̱n ma-to̱ u̱n ne̱t á. U̱n su̱ge̱-de u̱n kaane̱ ma, no̱ go̱kstu̱ to̱ bo̱ to̱ ro̱ à, Ma-to̱ Shir. Ká Ma-to̱ Shir to̱, to̱ ro̱ m-se̱nge̱ n-me̱ u̱n hur-u̱r no̱, no̱ ye̱ she̱re̱ à.

1 Timoti 4:8

No̱m kaane̱ o nak hun-ne̱ ro̱ m-ze̱e̱, “Ro̱ u̱r-bon ne̱ ne̱t se̱nge̱ nukt u̱n wu̱r-o̱ u̱n wu̱ bo̱ o̱ he no̱m m-'wo̱ns à.” Remen wu̱r-o̱ ro̱ m-'wo̱ns ne̱ à, ro̱ u̱n gu u̱n ne̱t da-o̱ u̱n ho̱o̱g-mo̱ u̱n wu̱. Amba jiishte̱ u̱r-bon ne̱t she'et go̱n she'et-de Shir co̱ne̱ wu̱ she'et à. Remen she'et-de Shir co̱ne̱ hun-ne̱ she'et à, ro̱ u̱n gu u̱n ne̱t da-o̱ u̱n ho̱o̱g-mo̱ u̱n wu̱ u̱n ka ho̱no o-dak o̱ ko̱ ne̱ da-o̱ ne̱t mare̱ à.

Yahuda-ne̱ 13:9

No̱ yage̱ a rakstu̱ no̱ u̱n to̱ ken yoos-u̱t pu̱-to̱ ne̱, to̱ ro̱ u̱t-tu̱w m-mo̱ka ho̱no o-dak. No̱ ho'os co̱w-yo u̱r-yoos de o-nip á. Jiishte̱ ne̱t kum u̱r-be̱e̱b be-de u̱n yar-mo̱ Shir, ba be-de u̱n jind-o̱ u̱n re̱n rii-yo m-re̱ á. O̱ ka ro̱tt gwu̱ be-de u̱n ye̱ ro̱ o̱ m-nome̱ o-do̱ro̱tte̱ á.

Yahuda-ne̱ 4:12

Remen Ma-to̱ Shir to̱ ro̱ u̱n ho̱o̱g ne̱. To̱ ro̱ m-'wo̱ns ne̱. To̱ ro̱ m-se̱nge̱ u̱ntu̱n o-magay o̱ m-rye jit-u̱r-jit. U̱ntu̱n magay-o̱ ro̱ m-caat u̱r-ap u̱t-caar ne̱, o̱ kutu̱ na rii-yo ro̱ n-me̱ na à, ka bo̱-o̱ Ma-to̱ Shir ro̱ m-co̱w u̱n hur-de u̱n ne̱t, to̱ kutu̱ na barag-u̱s na se u̱r-bon u̱n se u̱n ba u̱r-bon ne̱.

Yakubu 1:18

U̱n co̱n-mo̱ u̱n wu̱ o̱, wu̱ hantu̱tu̱ na n-me̱ u̱n gom-de o-nip, wu̱ ye'et na ho̱o̱g pu̱-o̱ remen wu̱ kumutú̱ na be-de jiishe̱ u̱r-bon à. Shir u̱n no̱m kaane̱ remen be-de u̱n rii-yo wu̱ no̱me̱ à, a warag u̱ntu̱n mat-de o-co u̱n kap rii-yo wu̱ no̱me̱ à.

1 Bitrus 1:23

Remen Shir ja'astu̱ no̱ mat-o pu̱-o̱ komo, ba u̱n go̱-ye̱ ro̱ m-sabre̱ á, amba ye̱ ro̱ m-she'et har ko̱yan nomot be-de u̱n Ma-to̱ Shir o̱ u̱n ho̱o̱g à.

1 Bitrus 3:18

Kiristi marag o-gaan cot remen ba'as-u̱t na. Wan-ba-u̱r-ba'as marag remen ya-u̱t-ba'as. Kiristi no̱mo̱g yo ka remen wu̱ he no̱ m-heet be-de Shir. A ho̱o̱g wu̱r-o̱ u̱n wu̱, amba a muutu̱ru̱ Ku̱kt-o̱ u̱n wu̱ u̱n ho̱o̱g ne̱.

1 Bitrus 3:21

Ka ho̱-mo̱ napa-o̱ u̱n bo̱ a yo'osu̱ no̱ m-ho̱ mo̱ gu no̱ m-mo̱ka à. Komo ba dos u̱t-ri'in to̱ o-wu̱r cot á, amba u̱n waktu̱ne̱ ne̱ mo̱ Shir u̱n hur-u̱r gaan. Shir guug no̱ u̱n bu̱-yo u̱n ine̱-m Ye̱so Kiristi.