Yohana 6:27 - Mɑ‑to̱ Shir Taku̱rda-o swo̱r o-nu pu̱-o̱

²⁷ Yagu̱ no̱ hoob-o̱ u̱n rii-yo m-re̱ yo o-wu̱r u̱n ho̱n-de u̱n yo. Yo ro̱ m-tees à. Se̱ de̱ no̱ hoob rii-yo m-re̱ yo ba m-ta, yo he 'ya u̱n hun-ne̱ ho̱o̱g à, yo Wà-wu̱ u̱n ne̱t he no̱ m-'ya à. Remen kááne̱ o̱ Shir o-Tato to̱mo̱nte̱ me̱.”

Yohana 6:27 ပူးပေါင်းရင်းမြစ်များ

Matiyos 17:5

Wu̱ ro̱ m-rwo̱r u̱t-ma káane̱ ke'ente̱-o̱ m-cu̱cas ho̱kku̱ru̱ ye̱. Ye̱ ho̱gu̱ru̱ co̱r n-me̱ u̱n ká ke'ente̱-o̱ o̱ m-ze̱e̱, “Wu̱ ka wu̱ ro̱ Wà re, wu̱ me̱ m-co̱n à, me̱ m-ho̱ge̱ re̱re̱m-mo̱ u̱n wu̱ de̱e̱n. Raks no̱ ma-to̱ u̱n wu̱!”

Matiyos 25:46

“Ye̱ ká ye̱a cu̱w re̱ u̱r-ko̱o̱b de u̱n ba m-ta. Amba kashi u̱n hun-ne̱ ne̱ ye̱a cu̱w ho̱o̱g-o̱ ba m-ta.”

Matiyos 3:17

Ka da-de Shir te̱pru̱nu̱ru̱ zee-mo̱ n-To̱n o-shir, “Wu̱ ka wu̱ ro̱ Wà re, wu̱ me̱ m-co̱n à. Wu̱ me̱ m-ho̱ge̱ re̱re̱m-mo̱ u̱n wu̱ de̱e̱n à.”

Matiyos 6:19

Ye̱so ze̱e̱ru̱ komo, “Taase no̱ karakse̱ hi u̱n no̱ o-kwu̱m u̱n ho̱no o-dak á. Be-de ye̱ge̱-re̱n m-shebe̱ ne̱ he o̱ m-naas à kàne̱ n-dak. Be-de komo hyow-ne̱ he m-co̱w ye̱ hiw yo no̱ e̱sse̱ à.

Matiyos 8:20

Ye̱so ze̱e̱ru̱ wu̱, “E̱ge̱-ru̱u̱g ro̱ u̱n wu-to̱ u̱n ye̱ ne̱, ye̱ge̱-no komo u̱n be-to̱ u̱n rew-mo̱ u̱n ye̱ ne̱. Amba me̱ Wà-wu̱ u̱n ne̱t me̱tt be-de m-rew á.”

Markus 1:11

A ho̱gu̱ru̱ co̱r n-To̱n o̱ Shir. O̱ ro̱ m-ze̱e̱, “Wo̱ ro̱ Wà re, wu̱ me̱ m-co̱n à. Me̱ o-zak u̱n wo̱ ne̱ de̱e̱n.”

Markus 9:7

Ye̱ ro kane̱, o̱ ken ke'ente̱-o̱ kawnu̱ru̱, o̱ ho̱kku̱ru̱ u̱r-ho̱. Ye̱ ho̱gu̱ru̱ co̱r n-To̱n shir. O̱ zee, “Wà re wu̱ ka wu̱ u̱m co̱ne̱ à. Raks no̱ u̱t-to̱, no̱ ho̱ge̱ wu̱.”

Ruka 3:22

Ku̱kt-o̱ Shir haanu̱ru̱ be-u̱r Ye̱so u̱ntu̱n o-tantabara. A ho̱gu̱ru̱ o-co̱r n-To̱n shir, “Wo̱ ro̱ wà re. Me̱ gwu̱gwu̱ u̱n wo̱ ne̱ u̱m co̱no̱g wo̱.”

Ruka 9:35

Co̱r-o rwu̱u̱nu̱ru̱ u̱n ka ke'ente̱-de o̱ ro̱ m-ze̱e̱, “Wu̱ ka, wu̱ ro̱ wà re, wu̱ u̱m daage̱ à, ho̱gu̱ no̱ ma-to̱ u̱n wu̱!”

Yohana 10:28

Me̱ ye̱ m-'ya u̱n ho̱o̱g-o̱ ba m-ta. Ye̱a sabre̱ á, har da-o̱ ba m-ta. Wan-rumus-mo̱ u̱n ye̱ ro̱ ko̱n u̱n kom-u̱t re á.

Yohana 11:42

U̱m nepste̱ ko̱ da u̱n ke o ro̱ me̱ u̱n ke'e̱ u̱t-to̱. Amba me̱ u̱n rwo̱r remen hun-ne̱ ye̱ ro̱ kàne̱ eso eso à, remen ye̱ she̱re̱t hur-de u̱n ye̱ u̱nze wo̱ wu̱ to̱mnu̱ me̱.”

Yohana 14:6

Ye̱so ze̱e̱ru̱ wu̱, “Me̱ wu̱ ro̱ o-co̱w, me̱ wu̱ ro̱ o-nip, me̱ wu̱ ro̱ ho̱o̱g. Wa m-ha be-u̱r Tato re ro̱ ko̱n á, se̱ wu̱ do̱nte̱ be u̱n de remen me̱ wu̱ ro̱ o-co̱w yo m-ha be-u̱r Tato re.

Yohana 15:24

A ro ze̱e̱ge̱ me̱ nom ka rem-se u̱t-hyat se, se ne̱t take̱ m-hyan á, ba'as-u̱r ro̱ roa bu̱p ye̱ á. Amba m-mo̱ka ye̱ hyeneste̱ rem-se u̱m nome̱ à, amba myet u̱n kááne̱ ne̱, ye̱ yagu̱tu̱ me̱ ye̱ yage̱ komo Tato re.

Yohana 17:2

O ya'ag me̱ u̱t-gwo̱mo u̱n hi-de u̱n ko̱wan, remen u̱m ye'et ho̱o̱g-o̱ ba m-ta be-de u̱n yan-dor-ye̱ o ya'asu̱ me̱ à.

Yohana 3:15

Ye̱a jaks me̱ n-to̱n o-kan, remen kap wu̱ she̱re̱ hur-de u̱n wu̱ be u̱n de à, wu̱ kumut ho̱o̱g-mo̱ ba m-ta.

Yohana 3:33

Wu̱ go̱kse̱ ne̱ ma-to̱ u̱n wu̱ à, wu̱ ka e̱ste̱ Shir nip-o̱.

Yohana 6:40

Remen barag-u̱s Tato re se ro̱, kap bo̱ u̱n ne̱t-wu̱ gwo̱te̱ Wà komo wu̱ she̱r u̱n wu̱ à, wu̱a kum ho̱o̱g-o̱ ba m-ta. Komo man 'yons wu̱ ho̱-de u̱r-ko̱m u̱n ho̱o̱g ne̱.”

Yohana 6:47

Me̱ no̱ m-ru̱re̱ o-nip, ko̱ wu̱ ke ne̱t-wu̱, wu̱ she̱re̱ hur-de u̱n wu̱ be u̱n de à, wu̱ ro̱ u̱n ho̱o̱g ne̱ o̱ u̱n ba m-ta.

Yohana 6:51

Me̱ wu̱ ro̱ ka buro̱di-to̱ u̱n ho̱o̱g-to̱ to̱ rwu̱u̱ne̱ n-To̱n u̱n shir à. Bo̱n ne̱t-wu̱ re̱ ka buro̱di-to̱ à, wu̱a nom ho̱o̱g-mo̱ ba m-ta. Ka buro̱di-to̱ komo wu̱r-o re o̱, o̱ u̱m he m-ya'as à, remen ho̱no o-dak o̱ nomot ho̱o̱g.”

Yohana 6:53

Ye̱so ze̱e̱ru̱, “Me̱ no̱ m-ru̱re̱ o-nip, u̱n ba no̱ ti'ig ap-m re, no̱ su̱ hyó-mo̱ u̱n wu̱r-o re á, me̱ Wà-wu̱ u̱n ne̱t, no̱a kum ho̱o̱g á.

Yohana 6:54

Kap bo̱ u̱n wu̱ ti'e̱ ap-mo̱ u̱n wu̱r-o re à, wu̱ su̱ hyó-mo̱ u̱n wu̱r-o re, wu̱ ro̱ u̱n ho̱o̱g ne̱ o̱ u̱n ba m-ta. Me̱ komo, man 'yons wu̱ u̱n ho̱-de u̱r-ko̱m u̱n ho̱o̱g ne̱.

Yohana 6:58

Buro̱di-to̱ rwu̱u̱ne̱ n-To̱n à to̱ ka. Yanze go̱n buro̱di-to̱ tat no̱ ne̱ re̱ á. Remen bo̱ ye̱ reete̱ to̱ à, ye̱ maru̱ru̱. Amba wu̱ re̱ ga-u̱t re à, wu̱a nom ho̱o̱g-o̱ u̱n ba m-ta.”

Yohana 6:62

¿Ka da-de ne̱, ya no̱ he u̱s-barag u̱rege̱ no̱ hyanag me̱ Wà-wu̱ u̱n ne̱t, m-warag n-To̱n u̱n shir komo?

Yohana 6:68

Simo̱n Bitrus shasu̱ru̱ wu̱, “Go̱s-wu̱, ¿be-u̱r wan o̱ te̱ he m-warag? Ma-u̱t ru to̱ ro̱ u̱n 'ya u̱n ho̱o̱g-o̱ ba m-ta!

Yohana 8:18

Me̱ wu̱ ro̱ u̱n su̱'e̱ u̱n hi u̱n de. Tato re komo ne̱ wu̱ to̱mne̱ me̱ à, wu̱ ro̱ me̱ m-su̱'e̱.”

Se̱nge̱-mo̱ 10:38

No̱ nepste̱ Shir daage̱ Ye̱so wu̱ o-Nazaret, bo̱ Shir ya'ase̱ wu̱ Ku̱kt-o̱ Shir à, komo u̱r-be̱e̱b ne̱. Remen Shir ro mo̱sse̱ u̱n wu̱ ne̱, wu̱ se̱ngu̱ m-pa wu̱ ro u̱n no̱m u̱n se̱nge̱-mo̱ m-so̱k, wu̱ ro u̱n taase̱ u̱n kap ye̱ ko-Gwo̱mo-wu̱ u̱n ya-u̱t-ko̱t shipe̱ à, go̱m-se u̱n ye̱.

Se̱nge̱-mo̱ 2:22

“No̱ o̱r re ne̱ Isra-ne̱, ho̱gu̱ no̱ to̱ ka ma-to̱. Ye̱so ko-ya-o-Nazaret ne̱t-wu̱, wu̱ Shir ru̱ru̱ no̱ o-nip u̱nze wu̱ go̱kste̱ wu̱ à. Shir rwu̱ntu̱te̱ to̱ ka be-de u̱n rem-se o-made̱, u̱n rem-se u̱t-hyat ne̱, u̱s-napa ne̱ se wu̱ kutu̱ na be-u̱r Ye̱so à, u̱ntu̱n bo̱, kap no̱ nepste̱ u̱n to̱ ka ne̱.

Roma-ne̱ 4:11

Cin ba a ro ko̱o̱g wu̱, Shir go̱ste̱ wu̱ kashi u̱n ne̱t remen Ibrahi she̱re̱g u̱n wu̱. Ka ko̱-de ro m-sha, o-napa ne̱ sa o zee she̱r-mo̱ u̱n wu̱. Remen kaane̱, Ibrahi waragte̱ tato-o̱ ya-m-she̱r be-de Shir, ye̱ a e̱sse̱ u̱ntu̱n kashi u̱n hun-ne̱ à, ko̱ de nomte̱ à a ko̱ ye̱ á.

Roma-ne̱ 6:23

'Yons-de u̱r-ba'as mar-mo̱, amba yar-mo̱ Shir ho̱o̱g-mo̱ ba m-ta mo̱ ro̱ be-u̱r Kiristi Ye̱so Wan-Ko̱yan na.

1 Korinti-ne̱ 6:13

Wu̱ ken a hoks m-ze̱e̱, “A u̱n no̱m rii-yo m-re̱ remen u̱t-me̱n, u̱t-me̱n komo remen rii-yo m-re̱,” Nip-o̱, amba kane̱ u̱n co Shir a sabu̱rse̱ rii-yo m-re̱ u̱t-me̱n ne̱. Amba rii-yo u̱r-bon yo a naas wu̱r-u̱t na be-de u̱n hoob-o̱ u̱n ne'a-ne̱ á. Wu̱r-u̱t na to̱ u̱n Wan-Ko̱yan to̱ Wan-Ko̱yan komo wu̱ u̱n wu̱r-u̱t na wu̱.

1 Korinti-ne̱ 9:2

U̱rege̱ me̱ ko-yan-To̱m Ye̱so wu̱ be-de u̱n ye̱ ken hun-ne̱ á, ko-yan-To̱m Ye̱so u̱m ro̱ be u̱n no̱ remen no̱ u̱n do̱re̱ Wan-Ko̱yan u̱n bu̱-yo ma-u̱t re. Remen kaane̱, depete̱ ko̱wan wu̱ nep cas ko-yan-To̱m Ye̱so wu̱ u̱m ro̱.

2 Korinti-ne̱ 4:18

Remen ba rem-se yish ro̱ m-hoks m-hyan à, te̱ tuwe̱ yish á, se̱ de̱ u̱n rem-se a m-hoks m-hyan á. Remen rem-se a m-hyan à, se ro̱ m-arag ba u̱n rem, amba rem-se a m-hoks m-hyan á, se ro̱ m-arag á.

Garatiya-ne̱ 5:6

Remen a ro n-me̱ u̱n Kiristi Ye̱so, ko̱ u̱r-ko̱ ko̱ ba u̱r-ko̱ yo ken rii-yo yo á be-u̱r na. Amba rii-yo Shir co̱ne̱ cot à yo ro̱ ne̱t she̱r be-u̱r Kiristi, komo ho̱o̱g-mo̱ u̱n wu̱ ro̱ m-kute̱ wu̱ co̱no̱g Shir u̱n hun-ne̱ ne̱.

Piripi-ne̱ 2:13

Remen Shir ro̱ u̱n se̱nge̱-m u̱n no̱ ne̱, no̱ cu̱n m-no̱m ne̱, komo no̱a hoks m-no̱m rii-yo wu̱ co̱ne̱ no̱ no̱m à.

Korosiya-ne̱ 1:29

O̱ rwo̱'e̱ me̱tte̱ m-se̱nge̱ mar-m-mar. Komo u̱m no̱mo̱g bo̱ u̱n no̱m-m re u̱m nomot ka se̱nge̱-mo̱ be-de u̱n rwo̱ u̱n 'wo̱ns-mo̱ Kiristi ya'u̱ me̱ à.

Korosiya-ne̱ 2:22

Go̱n ka karamsa-to̱ ro̱ u̱ntu̱n rem-se ro̱ m-go̱s á. A komse̱ u̱n to̱ ne̱ a argu̱ to̱ m-jore̱. No̱m mo̱ u̱n ne̱t-mo̱, mo̱ u̱n rwu̱u̱n u̱n yoos-de u̱n ne̱t. No̱ nome̱ go̱n ka rem-se o-do̱ro̱tte̱ á.

Korosiya-ne̱ 3:2

Remen kaane̱, se̱ngu̱ no̱ barag-se u̱n rem-se ro̱ n-To̱n shir à. No̱ no̱m barag-se u̱n ka rem-u̱s yo̱-se se u̱n kàne̱ u̱n o-dak á.

1 Tasaronika-ne̱ 1:3

Te̱ m-baks u̱n se̱nge̱-m no̱ ne̱ mo̱ m-she̱r u̱n co-o̱ Shir Tato na u̱n se̱nge̱-mo̱ no̱tte̱ à remen no̱ was hun-ne̱. Da-o̱ hun-ne̱ ya'u̱ no̱ u̱r-ko̱o̱b à, no̱ u̱n 'mo̱ u̱r-hur ne̱ remen no̱ ro̱ o-sakto̱ ne̱ n-me̱ u̱n Wan-Ko̱yan na Ye̱so Kiristi.

2 Timoti 2:19

Amba hun-ne̱ ye̱ Shir sa o zee shi'it-de ro̱ m-nukte̱ á ye̱ ro̱. Be-de u̱n ka shi'it-de Shir ge̱ne̱g: “Yawe nak hun-ne̱ ye̱ ro̱ ye̱ ma u̱n wu̱ à.” Komo Ma-to̱ Shir ze̱e̱g, “Da-o̱ wu̱ ken, wu̱ zee ye̱, ‘Yawe wu̱ ro̱ Wan-hur re.’ Ka ne̱t-wu̱, se̱ wu̱ yage̱ no̱m u̱r-ba'as.”

Yahuda-ne̱ 12:16

War no̱, taase wu̱ ken wu̱ be-u̱r no̱ warag go̱ u̱n ka hun-ne̱ ye̱ ro̱ u̱r-she'et sa o zee ye̱ge̱-wo̱ à, u̱ntu̱n Iso wan-ko̱o̱b-de gye̱r-o Shir. Wu̱ babe̱ cim-yo u̱n wu̱ yo u̱n mat-de co remen rii-yo m-re̱ à.

Yahuda-ne̱ 4:11

A se̱ngu̱ no̱ a tu̱wu̱t no̱ u̱n ká wu̱we̱-de. Taase wu̱ ken wu̱ taage̱ m-co̱w remen ko̱o̱b-de u̱n do̱ro̱tte̱-o̱ u̱n wu̱, bo̱ ye̱ ka taage̱ m-co̱w à.

Yakubu 1:11

Remen ho̱-u̱r ro̱ rwu̱u̱n ne̱ n-to̱n, komo reeten-mo̱ u̱n de ro̱ m-bu u̱t-gwo̱ to̱ kek, mo̱k-to̱ u̱n to̱ ro̱ m-zoose̱, komo bon-de u̱n to̱ naase̱. Kaane̱ o̱ ya-o-kwu̱m ro̱ m-ta, da-o̱ ye̱ ro̱ m-se̱nge̱ u̱n kwu̱m-o̱ u̱n ye̱ à.

1 Bitrus 1:24

Ma-to̱ Shir ze̱e̱g, “Hun-ne̱ ro̱ m-'hwo̱ u̱ntu̱ u̱t-gwo̱, komo se̱ps-mo̱ u̱n ye̱ ro̱ m-ta u̱ntu̱n mo̱k-to̱ o-ko̱t. Gwo̱-u̱t ro̱ m-'hwo̱ kaw, komo mo̱k-u̱t ro̱ m-zoose̱.

2 Bitrus 1:17

Remen Shir o-Tato ya'astu̱ wu̱ m-se̱k m-se̱ps ne̱, da-o̱ ká co̱r-o̱ rwu̱u̱ne̱ be-de u̱n se̱ps-mo̱ u̱t-gwo̱mo o̱ zet wu̱, “Wu̱ ka wu̱ ro̱ Wà re, wu̱ me̱ m-co̱n o-zak m-so̱k ne̱ à.”