Yohana 4:48 - Mɑ‑to̱ Shir Taku̱rda-o swo̱r o-nu pu̱-o̱

⁴⁸ Ye̱so ze̱e̱ru̱ wu̱, “No̱tt m-she̱r u̱n hur-u̱r no̱ á ko̱ wan-gaan, se̱ no̱ hyanag rem-se u̱t-hyat.”

Yohana 4:48 ပူးပေါင်းရင်းမြစ်များ

Matiyos 16:1

Parisa-ne̱ u̱n Saduki-ne̱ haaru̱ be-u̱r Ye̱so remen ye̱ megerté̱ wu̱, ye̱ ko̱nu̱ru̱ wu̱ kutu̱ ye̱ yo ken rii-yo u̱t-hyat yo n-To̱n shir, yo he m-wakte̱ o-napa à u̱nze Shir wu̱ to̱mne̱ wu̱.

Matiyos 24:24

Me̱n ze̱e̱ kaane̱ remen yan Kiristi ye̱ u̱t-bo̱, u̱n yan-Rwo̱r u̱n Ma-to̱ Shir ne̱ ye̱ u̱t-bo̱ ye̱a rusune̱. Ye̱ nom caari-o̱ o-napa u̱n rem-se u̱n hyan u̱t-hyat ne̱, remen ye̱ rukt hun-ne̱, har u̱n ye̱ Shir daage̱ ne̱ à u̱rege̱ a nome̱.

Matiyos 27:42

“Wu̱ guug ye̱ ken ye̱, amba wu̱ hoks hi u̱n de u̱n wu̱ m-gu á! ¿Wu̱ ro̱ ko-Gwo̱mo-wu̱ u̱n Isra-ne̱, wu̱ wu̱? Yage̱ wu̱ kergu̱nte̱ n-to̱n u̱n ká kan-o̱, ká da-o̱ te̱ he m-she̱r u̱n ma-to̱ u̱n wu̱ o-nip.

Markus 13:22

Yan-rwo̱r u̱n ma-to̱ Shir ye̱ u̱t-bo̱ ye̱a ine̱, wu̱ ken a zee, ‘Me̱ ro̱ Kiristi,’ har ye̱a kute̱ no̱ caari-to̱ u̱t-hyat u̱n se ken rem-se u̱s-myot se ne̱ se no̱ ce̱te̱ m-hyan á. Ye̱ ro̱ m-no̱m u̱n ka rem-se remen ye̱ e̱e̱ste̱ ye̱ Shir daage̱ à, o̱ rwo'e̱ ye̱ hokste̱.

Ruka 10:18

Ye̱so shasu̱ru̱ ye̱, “U̱m hyanag ko-Gwo̱mo-wu̱ u̱n ya-u̱t-ko̱t he̱'e̱nte̱ n-dak u̱ntu̱n u̱s-myakt.

Ruka 16:31

Amba Ibrahi ze̱e̱ru̱ wu̱, ‘U̱rege̱ ye̱ ho̱ge̱ Mosa u̱n yan-Rwo̱r u̱n Ma-to̱ Shir ne̱ á, ye̱a ho̱ge̱ á ko̱ wu̱ ken wu̱ ine̱ be-de u̱n margan-ne̱.’ ”

Yohana 12:37

Ko̱ de ro̱tte̱ wu̱ swo̱o̱g ye̱ kute̱ u̱n rem-se u̱t-hyat u̱t-mo̱o̱r ne̱ u̱n yish-ye̱ u̱n ye̱ à, kap u̱n kaane̱ ne̱, ye̱ she̱r u̱nze wu̱ wu̱ ro̱ Kiristi á.

Yohana 15:24

A ro ze̱e̱ge̱ me̱ nom ka rem-se u̱t-hyat se, se ne̱t take̱ m-hyan á, ba'as-u̱r ro̱ roa bu̱p ye̱ á. Amba m-mo̱ka ye̱ hyeneste̱ rem-se u̱m nome̱ à, amba myet u̱n kááne̱ ne̱, ye̱ yagu̱tu̱ me̱ ye̱ yage̱ komo Tato re.

Yohana 2:18

Se̱k-ye̱ be-de u̱n Yahuda-ne̱ shasu̱ru̱ wu̱, ye̱ zee, “To̱, ¿to̱ ke hyat-to̱ to̱ o he te̱ m-kute̱, te̱ nept u̱nze Shir-ye̱ ze̱e̱ wo̱ o nom ka rem-se?”

Yohana 20:29

Ka da-de ne̱, Ye̱so ze̱e̱ru̱ wu̱, “¿Remen o hyanag me̱ o̱ hante̱ o she̱rte̱? Ya-o-kwu̱m-ye̱, ye̱ hyane̱ me̱ á, amba ye̱ she̱re̱g.”

Yohana 4:49

Ka Gajem-wu̱ ze̱e̱ru̱, “Go̱s-wu̱, hakku̱re̱ haan rii-yo wà re meret.”

Se̱nge̱-mo̱ 14:3

Myet u̱n kaane̱ ne̱, Burus u̱n Barnabas ye̱ she'etu̱ kane̱ de̱e̱n, ye̱ ro u̱n ko̱'o̱t u̱n Ma-to̱ Shir ba o-gye̱r bo̱ Wan-Ko̱yan ze̱e̱ ye̱ à. Wan-Ko̱yan komo wu̱ su̱u̱te̱ ma-to̱ u̱n wu̱ m-yar, a nomot u̱s-napa u̱n saw-to̱ o-made̱ ne̱ u̱n kom-to̱ u̱n ye̱.

Se̱nge̱-mo̱ 15:12

Myet o̱ u̱n mo̱ro̱g-de u̱n hun-ne̱ re̱e̱su̱ ceen, ye̱ raksu̱ru̱ Barnabas ne̱ u̱n Burus. Ka da-de, Barnabas ne̱ u̱n Burus rwo̱re̱ ma-to̱ u̱s-napa, u̱n rem-se o-made̱ ne̱ se Shir nome̱ be-de u̱n ye̱ à, n-me̱ u̱n ye̱ ro̱ Yahuda-ne̱ á.

Se̱nge̱-mo̱ 2:19

Man rwu̱nte̱ saw-to̱ u̱t-hyat u̱n ku̱s-o̱ n-to̱n, u̱n saw-to̱ o-made̱ ne̱ kane̱ n-dak, to̱ ro̱ m-hyó, o-ra ne̱, u̱n hye-u̱r rim-de ne̱.

Se̱nge̱-mo̱ 2:22

“No̱ o̱r re ne̱ Isra-ne̱, ho̱gu̱ no̱ to̱ ka ma-to̱. Ye̱so ko-ya-o-Nazaret ne̱t-wu̱, wu̱ Shir ru̱ru̱ no̱ o-nip u̱nze wu̱ go̱kste̱ wu̱ à. Shir rwu̱ntu̱te̱ to̱ ka be-de u̱n rem-se o-made̱, u̱n rem-se u̱t-hyat ne̱, u̱s-napa ne̱ se wu̱ kutu̱ na be-u̱r Ye̱so à, u̱ntu̱n bo̱, kap no̱ nepste̱ u̱n to̱ ka ne̱.

Se̱nge̱-mo̱ 2:43

Ko̱ wu̱ ke bo̱pu̱ru̱ o-nu, remen Shir ro̱ u̱n no̱m u̱n rem-se o-made̱ u̱s-napa ne̱ de̱e̱n be-de u̱n yan-To̱m Ye̱so.

Se̱nge̱-mo̱ 4:30

Se̱nge̱ tapan u̱n kom-o ru o̱ u̱n taas u̱s-go̱m, no̱m komo rem-se o-made̱, u̱n rem-se u̱t-hyat ne̱ u̱n jin-u̱r ko-gu̱w ru Ye̱so wu̱ ro̱ ba m-ku̱ko̱p à.”

Se̱nge̱-mo̱ 5:12

Yan-To̱m Ye̱so no̱mo̱g u̱s-napa u̱n rem-se o-made̱ ne̱ u̱t-mo̱o̱r ne̱ be-de u̱n hun-ne̱. Myet-mo̱ yan-dor Ye̱so ro we̱tse̱ m-mo̱rge̱ u̱n sak-o Suremanu u̱n be-de u̱n Pyo-o̱ Shir.

Se̱nge̱-mo̱ 6:8

To̱, Istipanus, wu̱ ne̱t-wu̱ shiishe̱ u̱n yar-mo̱ Shir ne̱ u̱r-be̱e̱b ne̱. Wu̱ ro m-no̱m u̱n rem-se o-made̱ u̱t-hyat ne̱ n-me̱ u̱n hun-ne̱.

Se̱nge̱-mo̱ 7:36

Da-o̱ wu̱ komse̱ no̱m u̱n rem-se o-made̱ u̱n dak-o̱ o-Masar à, wu̱ rwu̱ntu̱ ye̱. Komo u̱n saw-to̱ u̱t-hyat ne̱ u̱n dak-o̱ o-Masar, u̱n Ro̱o̱g-o Jaas-o̱ ne̱ komo n-me̱ o-ko̱t ne̱ har u̱s-hak kwo̱o̱z-u̱t yoor [40].

Roma-ne̱ 15:19

Shir u̱n no̱m ka se̱nge̱-mo̱, u̱n be̱e̱b-de u̱n no̱m u̱t-hyat, o-made̱ ne̱, u̱n be̱e̱b-de u̱n Ku̱kt-o̱ Shir ne̱. Cir-mo̱ u̱n bo̱-o̱ o-Urusharima u̱m rigu̱ru̱ ha-mo̱ u̱n raag-o̱ o-Iririkum, u̱m ko̱'o̱te̱ Ma-to̱ m-Re̱re̱m to̱ mo̱ u̱n Kiristi, har u̱m ko̱mo̱g ka se̱nge̱-mo̱ kap.

1 Korinti-ne̱ 1:22

Yahuda-ne̱ co̱no̱g ye̱ hyen rem-se u̱t-hyat to̱ kutu ye̱ u̱nze ka ma-to̱ be-de Shir to̱ rwu̱u̱ne̱ à. Ye̱ ro̱ Yahuda-ne̱ á komo ye̱ u̱n hoob-o̱ u̱s-nap.

2 Korinti-ne̱ 12:12

Shir no̱mo̱g rem-se o-made̱ u̱t-hyat ne̱ u̱n me̱ be u̱n no̱. Ka rem-se kutu̱ no̱ u̱nze wan-To̱m Ye̱so u̱m ro̱.

2 Tasaronika-ne̱ 2:9

A nep haan-mo̱ u̱n ko-Gwo̱mo-wu̱ o-zang be-de u̱n se̱nge̱-mo̱ u̱n ko-Gwo̱mo-wu̱ u̱n ya-u̱t-ko̱t. Wu̱a nom rem-se o-made̱, u̱t-napa ne̱, u̱t-hyat ne̱ to̱ u̱t-bo̱ go̱-u̱s-go̱.

Yahuda-ne̱ 2:4

Ye̱ ro̱ m-rwo̱r u̱t-ma, Ku̱kt-o̱ Shir o̱ ro̱ ye̱ m-'ya m-yar u̱n ho̱n n-ho̱n, ko̱ wu̱ ke u̱n go̱ u̱n mo̱ ma u̱n wu̱ yar-mo̱ ne̱, bo̱ Shir co̱ne̱ à. Komo Shir tosu̱tu̱ ye̱ u̱n bu̱-se u̱n no̱m u̱n rem-se o-napa, u̱t-hyat, u̱n rem-se mo̱o̱r-to̱ u̱t-made̱ ne̱.