Yohana 4:23 - Mɑ‑to̱ Shir Taku̱rda-o swo̱r o-nu pu̱-o̱

²³ Amba da-o ro̱o̱n, ko̱ m-mo̱ka ma o̱ nomoste̱, da-o̱ a hette̱ nome̱ u̱n Shir m-gu̱w bo̱ Ku̱kt-o̱ Shir do̱ru̱tte̱ à, komo u̱n bu̱-yo u̱n nip-o̱ Shir. Remen go̱n ka hun-ne̱ ye̱, ye̱ he nome̱ u̱n Shir m-gu̱w o-nip ne̱ n-me̱ o-Ku̱kt à, go̱n u̱n ye̱ Shir o-Tato co̱ne̱ ye̱ nome̱ wu̱ m-gu̱w.

Yohana 4:23 ပူးပေါင်းရင်းမြစ်များ

Yohana 1:17

U̱n kom-u̱t Mosa a ya'asu̱nde̱ o-karamsa, amba m-yar o-nip ne̱, be-u̱r Ye̱so Kiristi a ya'asu̱nde̱ na mo̱.

Yohana 12:23

Ye̱so ze̱e̱ru̱ ye̱, “Da-o nomoste̱ o̱ a hette̱ me̱ m-se̱ps à, me̱ Wà-wu̱ u̱n ne̱t.

Yohana 16:2

Ye̱a ruut no̱ u̱n kuke̱-to̱ u̱n yoos u̱n Ma-to̱ Shir. Nip-o̱ da-o ro̱o̱n o̱ ye̱ hette̱ no̱ m-ho̱ à, ye̱ hyene̱ ye̱ zee Shir-o̱ ye̱ ro̱ m-no̱me̱ u̱r-seke̱.

Yohana 16:32

To̱, ai, da-o ro̱o̱n, ko̱ m-mo̱ka ma o̱ nomoste̱, o̱ a hette̱ no̱ m-cakarse̱ à. Ko̱ wu̱ ke wu̱a warag u̱n hur-o̱ u̱n wu̱, no̱ yage̱ me̱ u̱n ho̱n-de. Me̱ hede m-she'etu̱ ne̱ u̱n ho̱n-de á, remen Tato re ro̱ mo̱sse̱ u̱n me̱ ne̱.

Yohana 4:21

Ye̱so ze̱e̱ru̱ wu̱, “Ne'a, go̱ks ma-u̱t re, da-o ro̱o̱n, o̱ atte̱ a do nome̱ u̱n Shir m-gu̱w u̱n ka haag-o̱ á, ko̱ ne̱ o-Urusharima á.

Yohana 5:25

“Me̱ no̱ m-ru̱re̱ o-nip, da-o ro̱o̱n, m-mo̱ka ne̱ ma o̱ nomoste̱, o̱ margan-ne̱ hette̱ ho̱ge̱ u̱n co̱r-o̱ u̱n Wà-wu̱ Shir à. Ya-m-ho̱ge̱ ne̱ ye̱a nom ho̱o̱g.

Yohana 5:28

“Taase no̱ hyen hyat-to̱ u̱n ka ma-to̱ á, remen da-o ro̱o̱n da-o̱ margan-ne̱ ye̱ ro̱ n-me̱ u̱s-saag he ho̱ge̱ u̱n co̱r-o̱ u̱n Wà-wu̱ Shir à.

Roma-ne̱ 1:9

Shir, wu̱ me̱ u̱n gu̱w-mo̱ u̱n wu̱ u̱n hur-u̱r gaan u̱n ko̱'o̱t u̱n Ma-to̱ m-Re̱re̱m to̱ u̱n Wà u̱n wu̱ Ye̱so à, wu̱ ro̱ wan-swo̱-u̱s re, wu̱ hyeneste̱ bo̱ me̱ u̱s-ko̱n ko̱yanda rem no̱ à.

Roma-ne̱ 8:15

Ku̱kt-o̱ Shir o̱ a ya'u̱ no̱ à, o̱ u̱n gu̱w-ne̱ o̱ á, remen kaane̱ no̱ she'et o-gye̱r ne̱ á. Amba ka Ku̱kt-o̱ o̱ he na m-rwo̱ a waragte̱ yakar-ye̱ Shir, u̱n be̱e̱b-de u̱n ka Ku̱kt-o̱ a hette̱ aag u̱n Shir a zee, “Abba! Tato na.”

Roma-ne̱ 8:26

U̱n kaane̱ Ku̱kt-o̱ Shir ro̱ na m-gu u̱n ko̱o̱b-de u̱n be̱e̱b-u̱r na. A nap bo̱ depe̱ a ko̱n á, Ku̱kt-o̱ Shir ro̱ u̱s-ko̱n be-de Shir rem na u̱s-'yong ne̱ se ba u̱n hoks m-rwu̱nte̱ u̱t-gom.

Garatiya-ne̱ 4:6

Shir to̱mo̱nte̱ Ku̱kt-o Wà u̱n wu̱ n-me̱ u̱n hur-u̱t na remen a nept na yakar-ye̱ Shir ye̱. Ku̱kt-o̱ Shir o̱ ro̱ u̱n eeg-se Shir u̱nze, “Abba, Tato re!”

Apisu-ne̱ 6:18

Ko̱ de ke ho̱-de no̱ no̱m u̱s-ko̱n u̱n be̱e̱b-de u̱n Ku̱kt-o̱ Shir u̱n ko̱ yo ke rii-yo no̱ m-no̱m à. Se̱ngu̱ no̱ ko̱n-se Shir u̱n rii-yo no̱ o-hoob à. Ko̱n no̱ ko̱ o̱ ke da-o̱, bo̱ Ku̱kt-o̱ Shir kutu no̱ à. No̱ gyept yish á, se̱nge̱ no̱ ko̱n-se Shir remen hun-ne̱ ye̱ Shir myet.

Piripi-ne̱ 3:3

Ye̱ ro̱ m-ze̱e̱ ye̱ ro̱ hun-ne̱ ye̱ Shir, amba na ro̱ hun-ne̱ kashi-ye̱ Shir, remen Ku̱kt-o̱ Shir ro̱ na m-gu u̱n bo̱ngo̱n-de Shir, komo te̱ she̱re̱g u̱n rii-yo Kiristi, Ye̱so no̱me̱ à. Te̱ u̱s-se̱s u̱n rii-yo Ye̱so no̱me̱ à, a she̱r u̱n yo a no̱me̱ a hante̱ á.

1 Bitrus 2:9

Amba no̱, Shir u̱n daag no̱ hun-ne̱ kashi, bu̱u̱g-de yan-Co̱w u̱n ko̱n-se Shir, hun-ne̱ ye̱ ba m-ku̱ko̱p, hun-ne̱ ye̱ Shir, remen no̱ nomoté̱ wu̱ u̱r-bo̱ngo̱n. Wu̱ rwu̱ntu̱tu̱ no̱ be-de o-comb, wu̱ hantu̱ no̱ be-de m-cu̱cas.