Yohana 20:2 - Mɑ‑to̱ Shir Taku̱rda-o swo̱r o-nu pu̱-o̱

² Wu̱ so̱mnu̱ru̱ o-rek be-u̱r Simo̱n Bitrus u̱n ka wan-neke̱-m Ye̱so wu̱ ne̱, wu̱ Ye̱so ro m-was u̱n wu̱ ne̱ à. Wu̱ ze̱e̱ru̱, “A dekste̱ u-u̱r Go̱s-wu̱ u̱n saag. Te̱ napu̱ ne̱ be-de a heete̱ de á.”

Yohana 20:2 ပူးပေါင်းရင်းမြစ်များ

Yohana 13:23

Wu̱ ken be-de u̱n yan-neke̱-mo̱ u̱n wu̱, wu̱ Ye̱so wasse̱ u̱n wu̱ ne̱ de̱e̱n à, wu̱ ro u̱n he̱r-o Ye̱so.

Yohana 19:26

Bo̱ Ye̱so hyente̱ inu u̱n wu̱ káne̱ à, u̱n wan-gaan ne̱ be-de yan-neke̱-mo̱ u̱n wu̱, u̱n wu̱ wu̱ ro m-co̱n ne̱ à, yow yow u̱n wu̱ ne̱. Wu̱ ze̱e̱ru̱ inu-o u̱n wu̱, “Inu, wu̱ ka waragte̱ caane̱ wà ru.”

Yohana 20:13

Ka yan-to̱m-ye̱ Shir ye̱, ye̱ citu̱ru̱ Meri, “¿Remen yan o̱ wo̱tte̱ u̱s-'wo̱n?” Wu̱ ze̱e̱ru̱ ye̱, “Ai, a dekste̱ Go̱s-wu̱ re, me̱ napu̱ ne̱ be-de a heete̱ wu̱ á.”

Yohana 20:15

Ye̱so citu̱ru̱ wu̱, “¿Ne'a, remen yan o̱ wo̱tte̱ u̱s-'wo̱n? ¿Wan wu̱ ne̱ wo̱ o-hoob?” Meri ro̱ o-gwo̱t wu̱ hyene̱ wu̱ zee wa-o-kat-wu̱ cite̱ wu̱, wu̱ ze̱e̱ru̱ wu̱. “Gye̱r Shir, u̱rege̱ wo̱ de̱ke̱ wu̱, o ru̱ru̱ me̱ be-de o e̱sse̱ wu̱ à, u̱m dekt wu̱.”

Yohana 20:9

Ye̱ ro nak u̱nze Ma-to̱ Shir ro̱ gense̱ u̱nze wu̱a ine̱ u̱n ho̱o̱g ne̱ á.

Yohana 21:20

Bitrus byandu̱ru̱, wu̱ 'wo̱ss ka wan-neke̱-m Ye̱so wu̱, wu̱ Ye̱so ro m-was à. (Ka ne̱t-wu̱ ro to̱sse̱ u̱n he̱r-o Ye̱so u̱n ka biki-o̱ à. Komo ka ne̱t-wu̱ citu̱ru̱ Ye̱so, “Go̱s-wu̱, ¿wan-wu̱ ne̱ he wu̱ m-ya'as?”)

Yohana 21:24

Wu̱, ka wan-neke̱-m Ye̱so wu̱, wu̱ ro̱ Ye̱so m-su̱ ye̱ u̱n ka ma-to̱. Wu̱ ge̱ne̱ to̱ tomso ne̱. Te̱ nepste̱ ne̱ u̱nze su̱'e̱-mo̱ u̱n wu̱ hond hond o̱.

Yohana 21:7

Se̱ ka wan-neke̱-mo̱ u̱n wu̱ mo̱ wu̱, wu̱ Ye̱so ro m-was u̱n wu̱ ne̱ à, wu̱ ze̱e̱ru̱ Bitrus, “Go̱s-wu̱ na wu̱ hwaa!” Bo̱ Simo̱n Bitrus ho̱gu̱te̱ u̱nze Go̱s-wu̱ wu̱ u̱n ye̱ wu̱ à, wu̱ co̱pu̱ru̱ co̱p-o̱ u̱n wu̱ remen wu̱ ro possu̱ssu̱te̱ co̱p-o̱ u̱n wu̱ da-de wu̱ ro'e̱ m-se̱nge̱, wu̱ 'he̱bu̱te̱ o-mar à.