Yohana 19:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Bo̱ Gwo̱mo-ne̱ ye̱ u̱n ko̱n-se Shir u̱n do̱ro̱g-ne̱ ne̱ yan-'er-de u̱n Pyo-o̱ Shir hyente̱ wu̱ à, ye̱ 'yonsu̱ru̱ u̱s-co̱r yo̱ko̱ko̱. Ye̱ ro̱ m-ze̱e̱, “A kem wu̱ o-kan! A kem wu̱ o-kan!” Biratus ze̱e̱ru̱ ye̱, “Neke̱ no̱ u̱n hi u̱n no̱, no̱ he no̱ kem wu̱. Amba me̱ hyan wu̱ u̱n de ken ba'as-de ne̱ á!”

Yohana 19:6 ပူးပေါင်းရင်းမြစ်များ

Matiyos 26:58

Amba Bitrus do̱ru̱ru̱ ye̱ jim-m-jim u̱r-hew ne̱, har u̱n 'wo̱o̱g-o̱ u̱n hur-o̱ u̱n ko-Gwo̱mo-wu̱ u̱n ko̱n-se Shir. Wu̱ co̱wu̱ru̱, wu̱ she'etu̱ru̱ u̱n gu̱w-ne̱ ne̱, remen wu̱ hyenet bo̱ a he m-bu̱se̱ u̱n Ye̱so ne̱ à.

Matiyos 27:22

Biratus citu̱ru̱ ye̱, “¿To̱, re u̱m he m-no̱m u̱n Ye̱so ne̱ wu̱ a zee Kiristi à?” Kap ye̱ ze̱e̱ru̱, “A kem wu̱!”

Matiyos 27:24

Biratus hyanu̱ru̱ yatt-yo wu̱ he hoks m-no̱m á, komo hun-ne̱ ro u̱n ma-to̱ ye̱ 'yonste̱ hun-ne̱ u̱r-hur. Wu̱ to̱mu̱ru̱ a ibinu̱ wu̱ m-ho̱. Wu̱ saptu̱ru̱ kom-to̱ u̱n wu̱ u̱n he̱r-o̱ u̱n hun-ne̱. Wu̱ ro̱ m-ze̱e̱, “Me̱ de, ho̱-m re ro̱ n-me̱ u̱n re̱ u̱n ra-o̱ u̱n hyó-mo̱ u̱n kà ko-yan-ba-u̱r-ba'as-wu̱ á. To̱ kà ma-u̱t no̱ to̱.”

Ruka 23:4

Ka da-de Biratus ze̱e̱ru̱ Gwo̱mo-ne̱ ye̱ u̱n ko̱n-se Shir u̱n bu̱u̱g-de u̱n hun-ne̱, “Me̱ hyan ba'as-de u̱n ka ne̱t-wu̱ á.”

Yohana 18:3

Yahudas haaru̱ be-de u̱n Gwo̱mo-ne̱ ye̱ u̱n ko̱n-se Shir u̱n Parisa-ne̱ ne̱. Wu̱ de̱knu̱ru̱ kur-de u̱n karma-ne̱ u̱n ye̱ ken yan-'er-de u̱n Pyo-o̱ Shir ye̱ ne̱. Wu̱ haanu̱ru̱ u̱n ye̱ ne̱, be-de Ye̱so ro u̱n yan-neke̱-mo̱ u̱n wu̱ ne̱ à. Ye̱ wo̱o̱nu̱ru̱ u̱n ka be-de u̱t-pitirra ne̱, u̱n gwo̱-to̱ o-ra ne̱, u̱t-magay ne̱ u̱t-kom.

Yohana 18:31

Biratus ze̱e̱ru̱ ye̱, “Neke̱ no̱ u̱n wu̱ ne̱ u̱n hi u̱n no̱, no̱ he no̱ piishe̱ wu̱ u̱t-ma u̱n hi u̱n no̱ bo̱ karamsa-o ze̱e̱ à.” Yahuda-ne̱ ze̱e̱ru̱ wu̱, “Ay, te̱tt gwo̱mo-to̱ u̱n piishe̱ u̱n ne̱t u̱t-ma a hoot wu̱ á.”

Yohana 18:38

Biratus ze̱e̱ru̱ wu̱, “¿Ya u̱n yo ne̱ a m-ze̱e̱ o-nip?” Bo̱ wu̱ zette̱ kááne̱ à, wu̱ ja'asu̱ru̱ m-rwu̱u̱n be-de u̱n Yahuda-ne̱, wu̱ ze̱e̱ru̱ ye̱, “Me̱ de̱, me̱ hyan ba'as-de wu̱ no̱me̱ á.

Yohana 19:15

Ye̱ ja'asu̱ru̱ 'yons u̱s-kan yo̱ko̱ko̱. Ye̱ ro̱ m-ze̱e̱, “A nom u̱n wu̱ ne̱! A nom u̱n wu̱ ne̱! A kem wu̱ o-kan!” Biratus ze̱e̱ru̱, “¿A kem ko-Gwo̱mo no̱ o-kan?” Gwo̱mo-ne̱ ye̱ u̱n ko̱n-se Shir ye̱ ze̱e̱ru̱ wu̱, “Ai, te̱tt ko-Gwo̱mo á, se̱ Sisar.”

Yohana 19:4

Biratus dooru̱ m-rwu̱u̱n, wu̱ ze̱e̱ru̱ ye̱, “Gwo̱t no̱, wu̱ ka u̱m he no̱ m-rwu̱nte̱ remen no̱ nept u̱nze me̱ kum wu̱ u̱n de ken ba'as-de ne̱ á.”

Se̱nge̱-mo̱ 2:23

Ka ne̱t-wu̱, a u̱n ya'as no̱ wu̱ u̱n bo̱ Shir ro e̱ste̱ à. Komo u̱n nap-o̱ u̱n wu̱ ne̱, no̱ kamu̱ wu̱, no̱ hoot wu̱ u̱n kom-to̱ ya-u̱r-ba'as n-to̱n o-kan.

Se̱nge̱-mo̱ 7:52

¿N-me̱ u̱n yan-rwo̱r u̱n Ma-to̱ Shir, wu̱ tato no̱ ne̱ yage̱ m-rangse̱ à, wu̱ ro̱ ko̱n? Ye̱ ho̱o̱g ka ye̱ no̱me̱ u̱t-ma u̱n haan-mo̱ u̱n ka wan-Kashi u̱r-she'et wu̱ ne̱ à. No̱ komo, no̱ ya'aste̱ wu̱ u̱n kom-to̱ u̱n ya-o-Roma, bo̱ no̱ ho̱ wu̱ à.