Yohana 19:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Biratus ge̱nu̱ru̱ m-ge̱n, wu̱ kamu̱ru̱ n-te̱ o-kan o̱ a kemte̱ Ye̱so à. Rii-yo wu̱ ge̱ne̱ à, yo ka u̱nze, “Ye̱so wu̱ o-Nazaret, ko-Gwo̱mo-wu̱ u̱n Yahuda-ne̱.”

Yohana 19:19 ပူးပေါင်းရင်းမြစ်များ

Matiyos 2:23

Wu̱ she'etu̱ru̱ u̱n bo̱-o̱ o-Nazaret, remen a shoosté̱ rii-yo a rwo̱re̱ u̱n nu-o̱ u̱n yan-Rwo̱r u̱n Ma-to̱ Shir à u̱nze, “A eeg wu̱ ko-ya-o-Nazaret.”

Matiyos 27:37

Hohond-mo̱ u̱n hi-de u̱n wu̱, a kamu̱ru̱ ko̱'o̱t-o̱ u̱n ma-to̱ u̱n ba'as-de u̱n wu̱. U̱nze, “Wu̱ kà wu̱ ro̱ Ye̱so ko-Gwo̱mo-wu̱ u̱n Yahuda-ne̱.”

Markus 15:26

Wu̱ a kame̱ o-kan à, ye̱ ro u̱n ge̱n u̱n ba'as-de u̱n wu̱ a saku̱ru̱ n-to̱n u̱n hi-de u̱n wu̱. Ba'as-u̱r Ye̱so de ka, “Ko-Gwo̱mo-wu̱ u̱n Yahuda-ne̱.”

Ruka 18:37

Ye̱ ru̱ru̱ wu̱, “Ye̱so ko-ya-o-Nazaret ro̱ m-arag.”

Ruka 23:38

Ye̱ ge̱nu̱ru̱ ka gom-to̱ ye̱ kemu̱ru̱ wu̱ to̱ yow yow u̱r-hi ne̱: “Ko-Gwo̱mo-wu̱ u̱n Yahuda-ne̱ wu̱ ka.”

Yohana 1:49

Nataniyar ze̱e̱ru̱ wu̱, “Wa-u̱s-Nap, wo̱ wu̱ ro̱ Wà-wu̱ Shir, ko-Gwo̱mo-wu̱ u̱n dak-o̱ o-Isra.”

Yohana 18:33

Biratus wargu̱ru̱ n-me̱ o-hur. Wu̱ agbu̱ru̱ Ye̱so, wu̱ ze̱e̱ru̱, “¿Wo̱ ro̱ ko-Gwo̱mo-wu̱ u̱n Yahuda-ne̱?”

Yohana 19:12

Bo̱ Biratus, ho̱ge̱ kááne̱ à, wu̱ ho̱o̱bu̱ru̱ co̱w-yo wu̱ ho'osté̱ wu̱. Yahuda-ne̱ ja'asu̱ru̱ 'yons u̱s-co̱r yo̱ko̱ko̱. Ye̱ ro̱ m-ze̱e̱, “U̱rege̱ de̱ o ho'oste̱ wu̱ ka, wo̱ co̱n ko-Gwo̱mo Sisar o̱ ka á. Ai, bo̱ u̱n wu̱ musse̱ hi u̱n de u̱n wu̱ ko-Gwo̱mo à, wu̱ yagu̱te̱ Sisar u̱t-yage̱ o̱ ka.”

Yohana 19:14

Ka ho̱-de ne̱, ho̱-de m-zo̱nge̱ de remen Biki-o̱ m-Pas. Ho̱-u̱r ro̱ u̱r-hi, wu̱ ze̱e̱ru̱ Yahuda-ne̱, “Ko-Gwo̱mo no̱ wu̱ ka!”

Yohana 19:21

Gwo̱mo-ne̱ ye̱ u̱n ko̱n-se Shir haaru̱ be-u̱r Biratus. Ye̱ ze̱e̱ru̱ Biratus, “Tasse o gen ‘Ko-Gwo̱mo-wu̱ u̱n Yahuda-ne̱’ á, se̱ de̱ o gen ‘Kà ne̱t-wu̱ ze̱e̱g hi u̱n de u̱n wu̱ ko-Gwo̱mo-wu̱ u̱n Yahuda-ne̱.’ ”

Yohana 19:3

Ye̱ ze̱e̱ru̱ m-ha be-de u̱n wu̱, ye̱ ro̱ m-ze̱e̱, “Ho̱o̱g ru she'et, ko-Gwo̱mo-wu̱ u̱n Yahuda-ne̱!” Ye̱ ro wu̱ u̱n hwo̱o̱ge̱ u̱t-raag.

Se̱nge̱-mo̱ 26:9

“To̱, me̱ u̱n hi u̱n de ma n-ga, u̱m ro hyanag u̱ntu̱n bo̱ se̱k-ye̱ ye̱ u̱n Yahuda-ne̱ ro hyange̱ à. U̱m nom u̱s-rem u̱t-mo̱o̱r ne̱, u̱m wenet ma-u̱t Ye̱so ko-wa-o-Nazaret re̱ co.

Se̱nge̱-mo̱ 3:6

Amba Bitrus ze̱e̱ru̱, “Me̱ ro̱tt hwo̱r á. Amba rii-yo u̱m ro̱tte̱ à, yo u̱m he wo̱ m-'ya. N-me̱ jin-u̱r Ye̱so Kiristi wu̱ o-Nazaret, ine̱ eso, o hewe̱ u̱r-hew!”