Yohana 19:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Ye̱ ja'asu̱ru̱ 'yons u̱s-kan yo̱ko̱ko̱. Ye̱ ro̱ m-ze̱e̱, “A nom u̱n wu̱ ne̱! A nom u̱n wu̱ ne̱! A kem wu̱ o-kan!” Biratus ze̱e̱ru̱, “¿A kem ko-Gwo̱mo no̱ o-kan?” Gwo̱mo-ne̱ ye̱ u̱n ko̱n-se Shir ye̱ ze̱e̱ru̱ wu̱, “Ai, te̱tt ko-Gwo̱mo á, se̱ Sisar.”

Yohana 19:15 ပူးပေါင်းရင်းမြစ်များ

Matiyos 22:17

To̱, ru̱ru̱ te̱ rii-yo depe̱ à kane̱: ¿Hond hond o̱ te̱ to̱p Sisar caari-wu̱ u̱n ko-Gwo̱mo-wu̱ u̱n Roma-ne̱ hwo̱r-ye̱ u̱n tar? ¿Ko̱ te̱ to̱p á?”

Ruka 23:18

Bu̱u̱g-de u̱n hun-ne̱ 'yonsu̱ru̱ u̱s-co̱r kang-o gaan, “Ho̱ wu̱! Hosu̱ndu̱ te̱ Barabas!”

Yohana 18:31

Biratus ze̱e̱ru̱ ye̱, “Neke̱ no̱ u̱n wu̱ ne̱ u̱n hi u̱n no̱, no̱ he no̱ piishe̱ wu̱ u̱t-ma u̱n hi u̱n no̱ bo̱ karamsa-o ze̱e̱ à.” Yahuda-ne̱ ze̱e̱ru̱ wu̱, “Ay, te̱tt gwo̱mo-to̱ u̱n piishe̱ u̱n ne̱t u̱t-ma a hoot wu̱ á.”

Yohana 19:6

Bo̱ Gwo̱mo-ne̱ ye̱ u̱n ko̱n-se Shir u̱n do̱ro̱g-ne̱ ne̱ yan-'er-de u̱n Pyo-o̱ Shir hyente̱ wu̱ à, ye̱ 'yonsu̱ru̱ u̱s-co̱r yo̱ko̱ko̱. Ye̱ ro̱ m-ze̱e̱, “A kem wu̱ o-kan! A kem wu̱ o-kan!” Biratus ze̱e̱ru̱ ye̱, “Neke̱ no̱ u̱n hi u̱n no̱, no̱ he no̱ kem wu̱. Amba me̱ hyan wu̱ u̱n de ken ba'as-de ne̱ á!”

Se̱nge̱-mo̱ 13:28

Ko̱ de̱ nomte̱ ye̱ ship wu̱ u̱n ba'as-de wo̱o̱'e̱ a hoot wu̱ á, myet u̱n kaane̱ ne̱ ye̱ ko̱nu̱ Biratus a ho wu̱.

Se̱nge̱-mo̱ 21:36

Bu̱u̱g-de u̱n hun-ne̱, ye̱ ro̱ m-do̱nd à, se̱ngu̱ru̱ u̱s-kan o-zaaz ne̱, ye̱ ma'asu̱ru̱ m-ze̱e̱, “Ho̱ no̱ wu̱, ho̱ no̱ wu̱!”

Se̱nge̱-mo̱ 22:22

Mo̱ro̱g-u̱r se̱ngu̱ru̱ rege̱n Burus u̱t-to̱ har wu̱ ze̱e̱ru̱ yo ka. Ye̱ daku̱ u̱s-co̱r, ye̱ ze̱e̱ru̱, “A ho wu̱! A wongse̱ go̱n ka ne̱t-wu̱ u̱n ho̱no o-dak ne̱, u̱depe̱ wu̱ nom ho̱o̱g á!”