Yohana 18:1 - Mɑ‑to̱ Shir Taku̱rda-o swo̱r o-nu pu̱-o̱

¹ Bo̱ Ye̱so komte̱ ko̱n-se Shir à, wu̱ argu̱ru̱ m-neke̱ u̱n yan-neke̱-mo̱ u̱n wu̱ ne̱ ha-mo̱ u̱n pesto-de u̱n bu̱r-yo o-Kidurun be-de ye̱ ro̱ m-rwu̱u̱n ye̱tte̱ m-hur m-yo à. U̱n o̱ ka riib-o̱ tuk-o̱ u̱n 'yo-se o-ze̱tun ro̱ ko̱n. Wu̱ co̱wu̱ru̱ kane̱ u̱n yan-neke̱-mo̱ u̱n wu̱ ne̱.

Yohana 18:1 ပူးပေါင်းရင်းမြစ်များ

Matiyos 26:30

Ka da-de ye̱ huru̱ Se̱p-o̱ u̱r-Bo̱ngo̱n de Shir, ye̱ ruuru̱. Ye̱ neku̱ru̱ Haag-o̱ u̱n 'yo-se o-Ze̱tun.

Matiyos 26:36

Ka da-o̱ Ye̱so u̱n yan-neke̱-mo̱ u̱n wu̱ ne̱ haaru̱ de ken be-de a m-ze̱e̱ o-Gese̱mani à. Wu̱ ze̱e̱ru̱ yan-neke̱-mo̱ u̱n wu̱, “She'et no̱ kàne̱, man neke̱ re̱e̱no̱, u̱m nomot u̱s-ko̱n.”

Markus 14:26

Bo̱ wu̱ komte̱ ye̱ m-ru̱re̱ kaane̱ à, ye̱ huru̱ Se̱p-o̱ u̱r-Bo̱ngo̱n de Shir. Ye̱ ruuru̱, ye̱ haaru̱ u̱n Haag-o̱ u̱n 'yo-se o-Ze̱tun.

Markus 14:32

Ye̱so ne̱ u̱n yan-neke̱-mo̱ u̱n wu̱ ne̱, bo̱ ye̱ heete̱ u̱n Haag-o̱ u̱n 'yo-se o-Ze̱tun à, ye̱ wo̱o̱ru̱ de ken tuk-de de a m-ze̱e̱ o-Gese̱mani à. Ye̱so ze̱e̱ru̱ ye̱, “She'et no̱ kàne̱, u̱m konoste̱ Shir.”

Markus 14:42

Ine̱ no̱, a kew no̱ wu̱! Gwo̱t! Ká ne̱t-wu̱ ya'asu̱ me̱ à, wu̱ ka yow yow.”

Yohana 14:31

Amba remen ho̱no o-dak nept u̱nze u̱m waste̱ o-Tato ne̱, me̱ u̱n no̱m u̱n kap rii-yo Tato re ze̱e̱ à. “A ine̱ no̱ kane̱, da-o wooste̱ o̱ a hette̱ no̱ m-neke̱ à.”

Yohana 18:26

Se̱ wu̱ ken be-de u̱n gu̱w-ne̱ ye̱ u̱n ko-Gwo̱mo-wu̱ u̱n ko̱n-se Shir, baag-o̱ u̱n wu̱ Bitrus kupse̱ o-to̱ à. Wu̱ ze̱e̱ru̱, “Ashi ka, ¿me̱ hyan wo̱ mo̱sse̱ u̱n wu̱ ne̱ re̱e̱no̱ be-de u̱n Haag-o̱ u̱n 'yo-se o-Ze̱tun á?”

Se̱nge̱-mo̱ 21:11

Da-o̱ Agabus haane̱ u̱r-hamat be u̱n te̱ à, wu̱ deku̱ru̱ hap-yo u̱n byon-yo ma Burus. Agabus gagu̱ to̱ ma u̱n wu̱ kom-to̱ u̱n na-se u̱n wu̱ ne̱. Ka da-de wu̱ ze̱e̱ru̱, “Rii-yo Ku̱kt-o̱ Shir ze̱e̱ à yo ka, ‘Kaane̱ Yahuda-ne̱ ye̱ o-Urusharima he m-ka u̱n wan ka hap-yo, komo ye̱ bo̱psu̱ wu̱ u̱n kom-to̱ u̱n ye̱ ro̱ Yahuda-ne̱ á.’ ”