Yohana 16:13 - Mɑ‑to̱ Shir Taku̱rda-o swo̱r o-nu pu̱-o̱

¹³ Da-de Ku̱kt-o̱ Shir haane̱, Wa-u̱r-Yoos de o-nip, wu̱a do̱ru̱ttu̱ no̱ be-de o-nip. Wu̱ ro̱ u̱n he de no̱ ru̱re̱ u̱t-ma be-de u̱t-gwo̱mo á. Wu̱ ro̱ u̱n he-de m-ze̱e̱ ko̱ rii, se̱ de̱ kap to̱ wu̱ ho̱ge̱ be-de Shir à, to̱ to̱ wu̱ he m-rwo̱r. Wu̱a ru̱ru̱ no̱ rem-se he m-takan à.

Yohana 16:13 ပူးပေါင်းရင်းမြစ်များ

Yohana 12:49

Yanze ka ma-to̱, ma-to̱ u̱n hi u̱n de to̱ á. Tato re wu̱ to̱mne̱ me̱ à, u̱n hi u̱n de u̱n wu̱, wu̱ ya'e̱ me̱ co̱w-yo u̱n to̱, u̱n bo̱ u̱m he to̱ m-rwo̱r ne̱ à.

Yohana 14:17

Wu̱ wu̱ ro̱ Ku̱kt-o̱ Shir wu̱ he no̱ m-kute̱ nip-o̱ Shir. Hun-ne̱ ye̱ u̱n ho̱no o-dak, ye̱ hoks wu̱ m-go̱ks á, remen ye̱ hoks wu̱ m-hyan, har ye̱ nept wu̱ á. No̱ ne̱, no̱ nepste̱ wu̱ remen no̱ be-u̱r gaan u̱n wu̱ ne̱. Wu̱a she'et tomso ne̱ n-me̱ u̱n no̱.

Yohana 14:26

Amba Wa-u̱t-Orom, Ku̱kt-o̱ Shir wu̱ Tato re he m-to̱mo̱n u̱n jin u̱n de à, wu̱ he no̱ yoose̱ u̱n ko̱yan, wu̱ baksu̱ no̱ rii-yo u̱m ru̱ru̱ no̱ à.

Yohana 14:6

Ye̱so ze̱e̱ru̱ wu̱, “Me̱ wu̱ ro̱ o-co̱w, me̱ wu̱ ro̱ o-nip, me̱ wu̱ ro̱ ho̱o̱g. Wa m-ha be-u̱r Tato re ro̱ ko̱n á, se̱ wu̱ do̱nte̱ be u̱n de remen me̱ wu̱ ro̱ o-co̱w yo m-ha be-u̱r Tato re.

Yohana 15:26

“Baks no̱ u̱nze Wa-u̱t-Orom a haan, wu̱ u̱m he no̱ m-to̱mne̱, rwu̱u̱n-mo̱ u̱n be-de o-Tato à. Ku̱kt-o̱ Shir wu̱ he m-rwu̱u̱n be-de o-Tato à, wu̱ he no̱ m-kute̱ o-nip à, wu̱ he no̱ wan-swo̱-u̱s.

Yohana 16:12

“U̱m ro̱'su̱ru̱ u̱t-ma ne̱ de̱e̱n to̱ u̱m he no̱ m-ru̱re̱ à tokon, amba no̱a hoks to̱ m-de̱k m-mo̱ka á.

Yohana 3:32

wu̱ ro̱ m-rwo̱r u̱n ma-to̱ u̱n ka rem-se wu̱ hyande̱ n-To̱n à, u̱n yo wu̱ ho̱gne̱ ne̱ à. Yatt-wu̱ go̱kse̱ ne̱ ka ma-to̱ á.

Yohana 8:38

Me̱ ne̱ m-rwo̱r u̱n rii-yo u̱m hyande̱ be-u̱r Tato re à. No̱ ne̱ u̱n cin no̱, no̱ u̱n nom u̱n rii-yo no̱ ho̱ge̱ be-u̱r tato no̱ à.”

Se̱nge̱-mo̱ 11:28

Wan-gaan be-de u̱n ye̱, jin-de u̱n wu̱ Agabus, wu̱ inu̱ru̱ eso. Wu̱ no̱mu̱ru̱ u̱t-ma u̱n be̱e̱b-de o-Ku̱kt u̱nze a nom o̱ ken caari-o̱ u̱n me̱r-o̱ u̱n ho̱no o-dak kap (To̱ ka komo to̱ no̱mo̱g u̱n da-o̱ ko-Gwo̱mo Sisar Karadiyos no̱me̱ gwo̱mo-to̱ u̱n dak-to̱ o-Roma kap à).

Se̱nge̱-mo̱ 20:23

Se̱ de̱ Ku̱kt-o̱ Shir ro̱ me̱ m-rwu̱nte̱ u̱t-ma cas u̱n ko̱ o̱ ke bo̱-o̱ u̱nze m-ke'et, u̱n swo̱ u̱r-ko̱o̱b ne̱ ro̱ me̱ u̱r-'er.

Se̱nge̱-mo̱ 27:24

Wu̱ ze̱e̱ru̱, ‘Burus, wo̱ ho̱ge̱ o-gye̱r á. O-nip wo̱a e̱s be-u̱r ko-Gwo̱mo Sisar. Gwo̱t u̱n rem ru komo Shir u̱n so̱k-mo̱ u̱n wu̱ ne̱, wu̱a gu myet yan-hew u̱n du.’

2 Tasaronika-ne̱ 2:12

Wu̱ u̱n no̱m kaane̱ remen a kupsu̱té̱ kap ye̱ yage̱ m-she̱r be-de o-nip à u̱t-ma, ye̱ ro̱ komo m-ho̱ge̱ u̱n zak-o̱ m-no̱m u̱n me̱n-u̱t jaas-to̱ à.

2 Tasaronika-ne̱ 2:3

No̱ jar o-jar no̱ yage̱ wu̱ ken wu̱ raks no̱ u̱n yo ken co̱w-yo á. Me̱ u̱n ze̱e̱ kaane̱ remen ka ho̱-de a wo̱o̱n á se̱ a inite̱ zang komo ká ko-gwo̱mo-wu̱ o-zang wu̱ rusune̱ cas, wata ka wu̱ a nome̱ den-o̱ o-ra à.

Yahuda-ne̱ 1:1

N-ga N-ga, Shir no̱mo̱g u̱t-ma u̱n tat-ne̱ na ne̱ be-to̱ u̱n yan-Rwo̱r u̱n Ma-to̱ Shir o-da u̱t-mo̱o̱r ne̱, u̱s-co̱w ne̱ u̱n ho̱n u̱n ho̱n.

1 Yohana 2:20

Amba no̱, Ye̱so Kiristi ya'ag no̱ Ku̱kt-o̱ Shir. No̱ komo, kap, no̱ nepste̱ o-nip.

1 Yohana 2:27

Amba no̱, Ye̱so ya'aste̱ no̱ Ku̱kt-o Shir. M-mo̱ka ka Ku̱kt-o̱ ro̱ be u̱n no̱. No̱ u̱n dish-o̱ wu̱ ken wu̱ yoosu̱tu̱ no̱ komo á. Remen yan á, Ku̱kt-o̱ ro̱ no̱ m-yoose̱ u̱n ko̱ yo ke rii-yo. Yoos-de u̱n o-Ku̱kt ne̱ bo̱-to̱ á, nip-o̱. No̱m no̱ o-do̱ro̱tte̱ u̱n ka yoos-de ne̱, she'et no̱ be-u̱r Ye̱so Kiristi.

1 Yohana 4:6

Na ne̱, hun-ne̱ ye̱ Shir-ye̱. Wu̱ nape̱ Shir à, wu̱ ro̱ u̱n raks u̱t-to̱ be u̱n na. Amba wu̱ nape̱ Shir á, ne̱t-wu̱ Shir wu̱ á, har wu̱ rakste̱ u̱t-to̱ be u̱n na á. Co̱w-yo a nepte̱ ma-to̱ o-nip to̱ rwu̱u̱ne̱ be-de Shir à, u̱n to̱ u̱t-bo̱ ne̱ à, yo ka.

1 Yohana 5:6

Ye̱so Kiristi, wu̱ haane̱ m-ho̱ m-hyó ne̱. Wu̱ haan m-ho̱ ne̱ u̱n hond u̱n mo̱ á, amba m-ho̱ m-hyó ne̱. Komo o-Ku̱kt ne̱, remen o-Ku̱kt o̱ ro̱ o-nip.

U̱t-Hyangan 1:1

Ka hyangan-to̱ u̱n rwu̱u̱n be-u̱r Ye̱so Kiristi, to̱ Shir kute̱ wu̱ mo̱sse̱ u̱n rem-se he m-ko̱r ne̱ ba m-jime̱ à. Wu̱ u̱n to̱mo̱n wan-to̱m-wu̱ Shir be-de u̱n ko-gu̱w-wu̱ u̱n Shir Yohana remen wu̱ ru̱ru̱té̱ ye̱ ken yan-gu̱w-mo̱ Shir ye̱ ka hyangan-to̱.

U̱t-Hyangan 1:19

“Se̱ o gen bo̱ u̱n rii-yo wo̱ m-hyan m-mo̱ka à, u̱n rii-yo he m-ko̱r ne̱ n-jim de u̱n yo ka à.