Yohana 14:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Kap bo̱n ne̱t-wu̱ ho̱ge̱ karamsa-u̱t re, wu̱ do̱ru̱ to̱ à, wu̱ ro̱ wan-m-was u̱n me̱ ne̱. Wan-m-was u̱n me̱ ne̱ ne̱, Shir a was u̱n wu̱ ne̱. Me̱ tomso ne̱, man was u̱n wu̱ ne̱. Wu̱a hyen me̱ cas, te̱ she'ette̱ u̱n wu̱ ne̱.”

Yohana 14:21 ပူးပေါင်းရင်းမြစ်များ

Ruka 11:28

Amba Ye̱so shasu̱ru̱, “Ye̱ ma ya-o-zak-ye̱, ye̱ ho̱ge̱ Ma-to̱ Shir ye̱ do̱re̱ to̱ à!”

Yohana 14:15

“U̱rege̱ de̱ no̱ waste̱ u̱n me̱ ne̱, no̱a do̱re̱ karamsa-u̱t re.

Yohana 14:18

Remen kááne̱, no̱ nep u̱nze me̱ hede no̱ m-yage̱ u̱ntu̱n ko̱o̱bi-ne̱ á. Man heesu̱ne̱ be u̱n no̱.

Yohana 15:14

No̱ nay re ne̱ ye̱ no̱ ro̱ u̱rege̱ no̱ no̱mo̱g o-do̱ro̱tte̱ u̱n ma-u̱t re ne̱ to̱ u̱m ru̱ru̱ no̱ à.

Yohana 16:14

Wu̱a se̱ke̱mse̱ me̱, remen ma-u̱t re to̱ wu̱ he no̱ m-hi'e̱ à.

Yohana 16:27

remen Tato-o ro̱ u̱n was u̱n no̱ ne̱ remen no̱ waste̱ u̱n me̱ ne̱, no̱ she̱re̱g u̱nze be-de o-Tato o̱ u̱m rwu̱u̱ne̱.

Yohana 17:23

Me̱ be-de u̱n ye̱, wo̱ tomso ne̱ be u̱n de, remen a she'etté̱ kang-o gaan. No̱m kaane̱ remen hun-ne̱ ye̱ u̱n ho̱no o-dak nepsté̱ u̱nze wo̱ to̱mnu̱ me̱ u̱n ho̱no o-dak, komo u̱nze o wastu̱ ye̱ bo̱ o wasse̱ u̱n me̱ ne̱ à.

Se̱nge̱-mo̱ 22:18

N-me̱ u̱n ka hyangan-to̱ komo u̱m hyanu̱ Ye̱so. Wu̱ ma'asu̱ me̱ m-ze̱e̱, ‘No̱m ku̱sse̱! Ine̱, o yage̱ o-Urusharima ho̱r-m-ho̱r. Me̱ u̱n ze̱e̱ káane̱, remen ká hun-ne̱ ye̱ kàne̱, ye̱a dek ma-to̱ o he me̱ m-su̱'e̱ á.’

2 Korinti-ne̱ 12:8

So̱ o-tet u̱m ko̱ne̱ Wan-Ko̱yan wu̱ dossu̱ me̱ o̱ u̱n wu̱r-o re.

2 Korinti-ne̱ 3:18

Te̱ m-mo̱ka kap ye̱ a bite̱ co-u̱s te̱ á, ro̱ u̱n kute̱ u̱n hun-ne̱ se̱ps-m Wan-Ko̱yan u̱ntu̱n u̱r-madipi. Ka mus-mo̱, mo̱ Ku̱kt-o̱ Shir mussu̱ na à, mo̱ ro̱ m-do̱ m-se̱ps ha-mo̱ m-se̱ps mo̱ rwu̱u̱ne̱ be-u̱r Wan-Ko̱yan à, wu̱ ro̱ o-Ku̱kt à.

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

2 Tasaronika-ne̱ 2:16

Te̱ u̱s-ko̱n be-u̱r Wan-Ko̱yan na Ye̱so Kiristi u̱n hi u̱n de u̱n wu̱, u̱n Shir ne̱ Tato na rem no̱. Wu̱ wasu̱ na à, u̱n yar-mo̱ u̱n wu̱, wu̱ 'ye na jaab-o̱ u̱t-me̱n o̱ u̱n ba m-ta, o-sakto̱ ne̱ o̱ u̱r-bon u̱n bu̱-yo yar-mo̱ u̱n wu̱.

2 Timoti 4:22

Wan-Ko̱yan ro̱ u̱n wo̱ ne̱! Yar-mo̱ Shir ro̱ u̱n no̱ ne̱!

1 Yohana 2:5

Amba kap wu̱ no̱me̱ o-do̱ro̱tte̱ u̱n Ma-to̱ Shir à, co̱n-to̱ Shir shiig o-nip u̱n hur-de u̱n wu̱. Kaane̱ o̱ a m-nap u̱nze a kang-o gaan u̱n Shir ne̱.

1 Yohana 3:1

Gwo̱t no̱ go̱ u̱n was-mo̱ Shir Tato na kutu̱ na à, har wu̱ zee na yakar-ye̱ u̱n wu̱ a ro̱. Ka bo̱o̱se̱ a ro̱. Hun-ne̱ ye̱ u̱n ho̱no o-dak ye̱ nap na á, remen ye̱ nap Tato na Shir á.

1 Yohana 5:3

A u̱n kute̱ u̱n Shir was-m na u̱n bu̱-yo o-do̱ro̱tte̱ u̱n karamsa-to̱ u̱n wu̱, komo to̱ hede na m-kwange̱ á.

2 Yohana 1:6

M-was mo̱ ro̱ no̱m o-do̱ro̱tte̱ u̱n karamsa-o̱ Shir. U̱ntu̱n bo̱ no̱ ho̱ge̱ cin u̱r-takan à, karamsa-o̱ Shir o̱ ro̱ was no̱ o̱r no̱ ne̱.

U̱t-Hyangan 2:17

Kap wu̱ ro̱ u̱t-tó̱ ne̱ to̱ m-ho̱ge̱ à, wu̱ ho̱ge̱ rii-yo Ku̱kt-o Shir ro̱ u̱n ru̱re̱ u̱n hun-ne̱ yan-dor Ye̱so à! Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man 'ye wu̱ ga-to̱ o-Mana to̱ a wuke̱ n-To̱n shir à. Man ya'as ko̱ wu̱ ke ta'ar-u̱r pus-de u̱n ka ta'ar-de a gene̱ jin-u̱r pu̱-de n-to̱n u̱n de, jin-de ko̱ wan-gaan-wu̱ ro̱ ko̱n, wu̱ nape̱ de á, se̱ ka wu̱ go̱kse̱ ka ta'ar-de à.

U̱t-Hyangan 22:14

“Shir 'ye ye̱ u̱r-ho̱ ká ye̱ so'ose̱ matuku-u̱t se̱e̱b-to̱ to̱ u̱n ye̱ à. A 'ye ye̱ ke̱e̱r-de m-co̱w u̱n ish-se u̱n ká bo̱-o caari-o̱ remen ye̱ reet mat-de u̱n 'yo-yo u̱n ho̱o̱g.

U̱t-Hyangan 3:20

Raks no̱! U̱m ro̱ eso me̱ u̱n ko̱'o̱t u̱n ish-o̱ u̱n hur u̱n no̱. U̱rege̱ no̱ ho̱gu̱te̱ co̱r re no̱ tiks o-ish, man co̱wbe̱ a re be-u̱r gaan u̱ntu̱n nay-ne̱.