Yohana 14:17 - Mɑ‑to̱ Shir Taku̱rda-o swo̱r o-nu pu̱-o̱

¹⁷ Wu̱ wu̱ ro̱ Ku̱kt-o̱ Shir wu̱ he no̱ m-kute̱ nip-o̱ Shir. Hun-ne̱ ye̱ u̱n ho̱no o-dak, ye̱ hoks wu̱ m-go̱ks á, remen ye̱ hoks wu̱ m-hyan, har ye̱ nept wu̱ á. No̱ ne̱, no̱ nepste̱ wu̱ remen no̱ be-u̱r gaan u̱n wu̱ ne̱. Wu̱a she'et tomso ne̱ n-me̱ u̱n no̱.

Yohana 14:17 ပူးပေါင်းရင်းမြစ်များ

Matiyos 10:20

Remen no̱ ye̱ ro̱ u̱t-ma á, Ku̱kt-o Tato no̱ Shir o̱ he u̱t-ma be-u̱r no̱. O̱ he no̱ m-ru̱re̱ u̱n yo wu̱ co̱ne̱ no̱ zee à.”

Yohana 14:16

Me̱ ne̱, man kon o-Tato, wu̱ 'ye no̱ wu̱ ken Wa-u̱t-Orom wu̱ wu̱ he m-she'et be u̱n no̱ har da-o̱ ba m-ta à.

Yohana 14:23

Ye̱so ze̱e̱ru̱ wu̱, “Bo̱n wu̱ wasse̱ u̱n me̱ ne̱ à, wu̱a do̱re̱ ma-u̱t re. Tato re a was u̱n wu̱ ne̱. Te̱a haan, te̱ Tato re be-de u̱n wu̱ te̱ she'et mo̱sse̱ u̱n wu̱ ne̱.

Yohana 15:26

“Baks no̱ u̱nze Wa-u̱t-Orom a haan, wu̱ u̱m he no̱ m-to̱mne̱, rwu̱u̱n-mo̱ u̱n be-de o-Tato à. Ku̱kt-o̱ Shir wu̱ he m-rwu̱u̱n be-de o-Tato à, wu̱ he no̱ m-kute̱ o-nip à, wu̱ he no̱ wan-swo̱-u̱s.

Yohana 16:13

Da-de Ku̱kt-o̱ Shir haane̱, Wa-u̱r-Yoos de o-nip, wu̱a do̱ru̱ttu̱ no̱ be-de o-nip. Wu̱ ro̱ u̱n he de no̱ ru̱re̱ u̱t-ma be-de u̱t-gwo̱mo á. Wu̱ ro̱ u̱n he-de m-ze̱e̱ ko̱ rii, se̱ de̱ kap to̱ wu̱ ho̱ge̱ be-de Shir à, to̱ to̱ wu̱ he m-rwo̱r. Wu̱a ru̱ru̱ no̱ rem-se he m-takan à.

Yohana 6:40

Remen barag-u̱s Tato re se ro̱, kap bo̱ u̱n ne̱t-wu̱ gwo̱te̱ Wà komo wu̱ she̱r u̱n wu̱ à, wu̱a kum ho̱o̱g-o̱ ba m-ta. Komo man 'yons wu̱ ho̱-de u̱r-ko̱m u̱n ho̱o̱g ne̱.”

1 Korinti-ne̱ 14:15

To̱, ¿ya u̱m he m-no̱m? Man kon u̱n bu̱-yo o-ku̱kt komo man kon u̱n gom-to̱ nape̱ à u̱n hur u̱n de. Man hu se̱p-to̱ u̱n bo̱ngo̱n-de Shir u̱n ku̱kt-o re, komo man hu u̱n gom-to̱ u̱m nape̱ à u̱n hur u̱n de.

1 Korinti-ne̱ 2:14

Bo̱n ne̱t-wu̱ ro̱tte̱ o-Ku̱kt á wu̱a tu̱n wu̱ ho̱ge̱ rem-se Ku̱kt-o̱ Shir ru̱re̱ hun-ne̱ á, remen be-de u̱n wu̱ se ka rem-se o-hwaa se. Wu̱a hoks m-nap bo̱ ka rem-se ro̱ á, remen Ku̱kt-o̱ Shir o̱ ro̱ u̱n hante̱ u̱n nap-se Shir.

1 Korinti-ne̱ 3:16

¿No̱ nap u̱nze no̱ u̱n hi u̱n no̱ Pyo-o̱ Shir o̱ no̱ ro̱ á, be-de Shir ro̱ m-she'et?

1 Korinti-ne̱ 6:19

¿Ko̱ no̱ nap u̱nze wu̱r-u̱t no̱ pyo-o̱ u̱n Ku̱kt-o̱ Shir o̱, o̱ ro̱ be u̱n no̱, komo o̱ rwu̱u̱ne̱ be-de wu̱ á? Komo no̱ ye̱ yan-be̱e̱b-de u̱n hi u̱n no̱ á, amba Shir.

2 Korinti-ne̱ 13:5

Me'es no̱ hi u̱n no̱, no̱ gu̱t remen no̱ nept ko̱ no̱ be-de m-she̱r à. Ma'as no̱ me'es u̱n hi u̱n no̱. ¿No̱ nap u̱nze Kiristi Ye̱so wu̱ ro̱ be u̱n no̱ á? O-nip wu̱ ro̱ ko̱n be u̱n no̱, se̱ de̱ u̱rege̱ no̱ he̱e̱g be-de u̱n ka me'es-de.

2 Korinti-ne̱ 6:16

¿Ya mo̱sse̱ Pyo-o̱ Shir u̱n pyo-o̱ m-gir ne̱? Na Pyo-o̱ Shir o̱, o̱ u̱n ho̱o̱g. Bo̱ Shir ze̱e̱ à, “Man she'et mo̱sse̱ u̱n ye̱ ne̱, u̱m tu̱we̱ n-me̱ u̱n ye̱. Man warag Shir o̱ u̱n ye̱, ye̱ komo ye̱a warag hun-ne̱ re.”

Garatiya-ne̱ 4:6

Shir to̱mo̱nte̱ Ku̱kt-o Wà u̱n wu̱ n-me̱ u̱n hur-u̱t na remen a nept na yakar-ye̱ Shir ye̱. Ku̱kt-o̱ Shir o̱ ro̱ u̱n eeg-se Shir u̱nze, “Abba, Tato re!”

Apisu-ne̱ 2:22

Remen a mo̱ssu̱te̱ u̱n Kiristi ne̱, a m-ma no̱ mo̱sse̱ u̱n ye̱ ken ye̱ ne̱ remen no̱ waragté̱ o-hur be-de Shir ro̱ u̱r-she'et à u̱n Ku̱kt-o̱ u̱n wu̱.

Apisu-ne̱ 3:17

Komo me̱ u̱s-ko̱n se Shir, bo̱ Kiristi he m-she'et ko̱yanda u̱n hur-u̱t no̱ remen no̱ she̱re̱g u̱n wu̱ à. Me̱ u̱s-ko̱n no̱ cu̱n Shir, u̱n o̱r no̱ ne̱. Ká co̱n-to̱ a doo no̱ m-'wo̱ns.

Korosiya-ne̱ 1:27

Shir daagte̱ m-kute̱ hun-ne̱ u̱n wu̱ zo̱nge̱-to̱ u̱n wu̱. Ká zo̱nge̱-to̱ to̱ ro wukute̱. Shir co̱no̱g m-gu ka ye̱ ba Yahuda-ne̱ á. Wu̱ co̱no̱g u̱nze Kiristi she'et u̱n no̱ ne̱. Wu̱ co̱no̱g no̱ ships ká dish-o̱ u̱nze no̱a kum se̱ps-mo̱ u̱n wu̱, mo̱ wu̱ swo̱re̱ o-nu à. Te̱ m-ru̱re̱ u̱n ko̱wan kwu̱m-o̱ ro̱ wukusse̱ mo̱sse̱ se̱ps-m Kiristi ne̱ à.

2 Timoti 1:14

Bo̱p ka yoos-de o-nip de kom-u̱t yoor, de Shir ya'su̱ wo̱ à. Ku̱kt-o̱ Shir o̱ ro̱ u̱r-she'et n-me̱ u̱n hur-u̱r na à, o̱a gu na m-was u̱n ka yoos-de o-nip de ne̱.

1 Yohana 2:27

Amba no̱, Ye̱so ya'aste̱ no̱ Ku̱kt-o Shir. M-mo̱ka ka Ku̱kt-o̱ ro̱ be u̱n no̱. No̱ u̱n dish-o̱ wu̱ ken wu̱ yoosu̱tu̱ no̱ komo á. Remen yan á, Ku̱kt-o̱ ro̱ no̱ m-yoose̱ u̱n ko̱ yo ke rii-yo. Yoos-de u̱n o-Ku̱kt ne̱ bo̱-to̱ á, nip-o̱. No̱m no̱ o-do̱ro̱tte̱ u̱n ka yoos-de ne̱, she'et no̱ be-u̱r Ye̱so Kiristi.

1 Yohana 3:24

Ye̱ ro̱ o-do̱ro̱tte̱ u̱n karamsa-o Shir à ye̱ ro̱ n-me̱ u̱n Shir, Shir ro̱ komo n-me̱ u̱n ye̱. Kaane̱ a nape̱ u̱nze wu̱ ro̱ n-me̱ u̱n na: A u̱n nap to̱ kà remen Ku̱kt-o̱ wu̱ ya'u̱ na à.

1 Yohana 4:4

Yakar re, yakar-ye̱ Shir ye̱ no̱ ro̱. Tomso ne̱ no̱ kapste̱ ka ya-u̱t-bo̱-ye̱ remen Ku̱kt-o̱ Shir o̱ ro̱ be-u̱r no̱ à, o̱ jiishte̱ o̱ u̱n ho̱no o-dak m-'wo̱ns.

1 Yohana 4:6

Na ne̱, hun-ne̱ ye̱ Shir-ye̱. Wu̱ nape̱ Shir à, wu̱ ro̱ u̱n raks u̱t-to̱ be u̱n na. Amba wu̱ nape̱ Shir á, ne̱t-wu̱ Shir wu̱ á, har wu̱ rakste̱ u̱t-to̱ be u̱n na á. Co̱w-yo a nepte̱ ma-to̱ o-nip to̱ rwu̱u̱ne̱ be-de Shir à, u̱n to̱ u̱t-bo̱ ne̱ à, yo ka.

1 Yohana 5:7

Ne̱n tet ro̱ ko̱n yan-to̱r-se u̱n to̱.

U̱t-Hyangan 2:17

Kap wu̱ ro̱ u̱t-tó̱ ne̱ to̱ m-ho̱ge̱ à, wu̱ ho̱ge̱ rii-yo Ku̱kt-o Shir ro̱ u̱n ru̱re̱ u̱n hun-ne̱ yan-dor Ye̱so à! Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man 'ye wu̱ ga-to̱ o-Mana to̱ a wuke̱ n-To̱n shir à. Man ya'as ko̱ wu̱ ke ta'ar-u̱r pus-de u̱n ka ta'ar-de a gene̱ jin-u̱r pu̱-de n-to̱n u̱n de, jin-de ko̱ wan-gaan-wu̱ ro̱ ko̱n, wu̱ nape̱ de á, se̱ ka wu̱ go̱kse̱ ka ta'ar-de à.