Yohana 13:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Bo̱ me̱ Go̱s-wu̱, u̱n Wa-u̱r-Yoos ne̱ à, har u̱m saptu̱te̱ no̱ u̱s-na à, depete̱ u̱n cen no̱ ne̱ no̱ sapt na-u̱s o̱r no̱ ne̱.

Yohana 13:14 ပူးပေါင်းရင်းမြစ်များ

Yohana 11:2

Ka Meri-wu̱, wu̱ wu̱ hokme̱ Go̱s-wu̱ m-no̱w mo̱ m-shi'igin u̱s-na. Wu̱ sokmu̱ru̱ mo̱ u̱n hi-se u̱n hi-de u̱n wu̱. To̱, de ken ho̱-de Razarus ru̱tu̱ru̱ go̱m.

Se̱nge̱-mo̱ 20:35

Myet rem-se u̱m no̱me̱ à, u̱m kututú̱ no̱ u̱nze u̱n go̱n ká se̱nge̱-mo̱ a he no̱ gu u̱n yan-ba-m-'wo̱ns. No̱ komo m-baks u̱n ma-u̱t Wan-Ko̱yan Ye̱so, to̱ wu̱ zee, ‘Shir a ya'as u̱r-ho̱ be-de u̱n wan-ya'as m-yar, jiishe̱ wan-go̱ks m-yar.’ ”

Roma-ne̱ 12:10

Was no̱ u̱n o̱r no̱ ne̱ sa o zee yan-hur-o gaan, no̱ hyen ye̱ ken jiishtu̱ no̱.

Roma-ne̱ 12:16

She'et no̱ ba u̱t-ween u̱n o̱r no̱ ne̱ ne̱. No̱ no̱m m-gwo̱n á, amba no̱m no̱ u̱r-nay u̱n ye̱ a wasse̱ ne̱ á. Taase no̱ hyen no̱ zee no̱ nepste̱ ko̱yan kap.

1 Korinti-ne̱ 12:3

Remen kaane̱ u̱m co̱no̱g no̱ nep bo̱ no̱ he m-daag yo ro̱ nip-o̱ Shir à. Yatt-wu̱ Ku̱kt-o̱ Shir ro̱ m-do̱ru̱tte̱ wu̱ he pyap u̱n Ye̱so á. Komo yatt-wu̱ he m-ze̱e̱, “Ye̱so Wan-Ko̱yan wu̱ á,” se̱ wu̱ Ku̱kt-o̱ Shir ro̱ m-do̱ru̱tte̱ à.

1 Korinti-ne̱ 8:13

Remen kaane̱, u̱rege̱ re̱ u̱n rii-yo m-re̱ a ru̱ o̱r re ko-yan-dor no̱m u̱r-ba'as, man do ti u̱r-ap komo á, taasu̱ u̱m ru̱ o̱r re no̱m u̱r-ba'as.

2 Korinti-ne̱ 10:1

Me̱ Burus, me̱ no̱ u̱s-ko̱n u̱n hi u̱n de, me̱ wu̱ a m-ze̱e̱, Yan-gwe̱gwe̱r-mo̱ u̱r-hi, u̱r-'wo̱n ne̱ u̱ntu̱n mo̱ ma Kiristi u̱rege̱ me̱ be-u̱r gaan u̱n no̱ ne̱ à. Amba hun-ne̱ ro̱ me̱ m-aag Wa-m-ciiz, u̱rege̱ me̱ mo̱sse̱ u̱n no̱ ne̱ á.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

Garatiya-ne̱ 5:13

O̱r re ne̱, Shir co̱no̱g no̱ she'et sak komo sasa. Amba we̱r no̱ taase ka she'et-u̱r no̱ de o-sasa de warag no̱ bu̱-yo u̱n do̱re̱ u̱n rem-se wu̱r-o co̱ne̱ à. U̱n su̱ge̱-de u̱n kaane̱, yagu̱ no̱ ka she'et-de o-sasa de wootu̱ no̱ u̱n nome̱ u̱n ye̱ ken ye̱ m-gu̱w n-me̱ m-was.

Piripi-ne̱ 2:11

Ko̱ wu̱ ke ne̱ a zee, “Ye̱so Kiristi ro̱ Wan-Ko̱yan,” no̱m u̱n kaane̱, a hante̱ m-se̱ps be-de Shir Tato na.

1 Timoti 5:10

Wu̱ hun-ne̱ ro̱ u̱n 'ya m-se̱k remen wu̱ ro̱ m-no̱m rii-yo u̱r-bon à. Wu̱ ro̱ u̱n yoose̱ u̱n yakar-ye̱ u̱n wu̱ u̱r-bon ne̱ ne̱ à. Wu̱ ro̱ u̱n barke̱ u̱n hamat-ne̱ u̱n hur-o̱ u̱n wu̱ à. Wu̱ ro̱ u̱n nome̱ u̱n yan-dor Ye̱so m-gu̱w u̱n gwu̱gwe̱r-mo̱ u̱r-hi ne̱ à. Wu̱ ro̱ u̱n gu u̱n o̱r u̱n wu̱ ne̱ yan-dor à ye̱ ro̱ u̱r-ko̱o̱b à. Komo n-me̱ u̱n ko̱yan wu̱ ya'aste̱ hi u̱n du u̱n wu̱ be-de u̱n nom u̱n rii-yo u̱r-bon.

Yahuda-ne̱ 12:2

A se̱nge̱ no̱ tu u̱n yish be-u̱r Ye̱so wu̱ she̱r-m na ro̱ be-de u̱n wu̱ à, cin u̱r-takan har da-o̱ u̱r-ko̱m. Wu̱ no̱mo̱g jaab-o̱ u̱t-me̱n n-to̱n o-kan be-de u̱n yo'og o̱ a no̱mu̱ wu̱ à, har wu̱ meret remen wu̱ nepste̱ wu̱a no̱m o-zak o-co. M-mo̱ka wu̱ ro̱ tara u̱n kom-o u̱r-re̱ de u̱n Shir, be-de jiishe̱ m-se̱k à n-To̱n.

1 Bitrus 4:1

Bo̱ Kiristi swo̱ u̱r-ko̱o̱b u̱n wu̱r-o̱ u̱n wu̱ à, m-mo̱ka se̱ no̱ she'et zo̱ngse̱ no̱ su̱u̱t u̱r-ko̱o̱b bo̱ wu̱ swo̱ de à. Me̱ u̱n ze̱e̱ kaane̱ remen bo̱ u̱n wu̱ swo̱ u̱r-ko̱o̱b u̱n wu̱r-o̱ u̱n wu̱ rem Kiristi à, kutute̱ na u̱nze wu̱ 'yarag ka ba'as-de wu̱ no̱me̱ n-ga à.

1 Bitrus 5:5

No̱ be̱e̱b-ye̱ kap, nomo no̱ se̱k-ye̱ o-do̱ro̱tte̱. Ko̱ wu̱ ke wu̱ gwe̱re̱gse̱ o̱r u̱n wu̱ u̱r-hi. Ma-to̱ Shir ze̱e̱g, “Shir ro̱ m-'yar u̱n yan-nu̱-mo̱ u̱r-hi, amba wu̱ ro̱ u̱n 'ya u̱r-ho̱ be-de yan-gwe̱gwe̱r-mo̱ u̱r-hi.”