Yohana 10:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Ye̱so nomu̱te̱ ye̱ sha-mo̱ u̱t-ma, amba ye̱ nap ka ma-to̱ á.

Yohana 10:6 ပူးပေါင်းရင်းမြစ်များ

Matiyos 13:34

Ye̱so yoosu̱te̱ bu̱u̱g-de u̱n hun-ne̱ kap ká rem-se u̱n sha-mo̱ u̱t-ma. Wu̱a yoosu̱ ye̱ rii á se̱ mo̱sse̱ u̱n sha-mo̱ u̱t-ma ne̱.

Matiyos 13:51

Ye̱so citu̱ru̱ yan-neke̱-mo̱ u̱n wu̱, “¿No̱ nepste̱ to̱ ka kap?” Ye̱ shasu̱ru̱, ye̱ ze̱e̱ru̱, “E̱e̱, te̱ nepste̱.”

Markus 4:34

Wu̱ ru̱ru̱ ye̱ rii á, se̱ de̱ u̱n sha-mo̱ u̱t-ma ne̱. Amba pakse̱ o̱, wu̱ ro u̱n rwu̱nte̱ u̱n yan-neke̱-mo̱ u̱n wu̱ ko̱yan.

Yohana 16:25

Ye̱so dooru̱ u̱t-ma u̱n yan-neke̱-mo̱ u̱n wu̱ ne̱ ne̱. Wu̱ ze̱e̱ru̱ ye̱, “Kap ka ma-to̱ me̱n ru̱ru̱ no̱ to̱ riig-m-riig u̱n sha-mo̱ u̱t-ma ne̱. Da-o ro̱o̱n o̱ me̱tté̱ a ru̱ru̱ no̱ u̱t-ma riig-m-riig á, se̱ de̱ u̱m ru̱ru̱ no̱ ma-to̱ o-Tato cas cas.

Yohana 16:29

Yan-neke̱-mo̱ u̱n wu̱ ze̱e̱ru̱, “M-mo̱ka wo̱ u̱n rwo̱r u̱t-ma cas cas, yanze m-riig ne̱ á.

Yohana 6:52

Ma-u̱t su̱nu̱ru̱ n-ho̱n n-ho̱n be-de u̱n Yahuda-ne̱ u̱n hi u̱n de u̱n ye̱. Ye̱ zee, “¿Re o̱ ka ne̱t-wu̱ hette̱ na hoks m-ya'as u̱n ap-mo̱ u̱n wu̱r-o̱ u̱n wu̱ a ti?”

Yohana 6:60

Bo̱ m-ho̱ge̱ kááne̱, de̱e̱n be-de u̱n yan-neke̱-mo̱ u̱n wu̱ ze̱e̱ru̱, “Ka yoos-de ro̱ u̱n rem ne̱. ¿Wa he de hoks m-go̱ks?”

Yohana 7:36

Ye̱ ze̱e̱ru̱, “¿Sa-de u̱n wu̱ ya ne̱ da-o̱ wu̱ ze̱e̱, a hoob wu̱ a taage̱ u̱n hyan-o̱ u̱n wu̱, komo a hoks m-ha be-de wu̱ he'e̱ á?”

Yohana 8:27

Ye̱ nap u̱nze ma-u̱t Tato u̱n wu̱, to̱ wu̱ ro ye̱ m-ru̱re̱ á.

Yohana 8:43

¿Remen yan o̱ no̱ nepte̱ yo me̱ m-rwo̱r á? No̱ nap á, remen no̱ co̱n no̱ dek ma-u̱t re á.

1 Korinti-ne̱ 2:14

Bo̱n ne̱t-wu̱ ro̱tte̱ o-Ku̱kt á wu̱a tu̱n wu̱ ho̱ge̱ rem-se Ku̱kt-o̱ Shir ru̱re̱ hun-ne̱ á, remen be-de u̱n wu̱ se ka rem-se o-hwaa se. Wu̱a hoks m-nap bo̱ ka rem-se ro̱ á, remen Ku̱kt-o̱ Shir o̱ ro̱ u̱n hante̱ u̱n nap-se Shir.

2 Bitrus 2:22

Rii-yo ye̱ no̱me̱ à yo no̱mo̱g hond hond u̱n ka Swo̱o̱g-to̱ u̱t-Ma to̱ ne̱ u̱nze, “Wo̱-o gwo̱'o̱g u̱t-gwò̱ yo wargu̱ru̱ to̱ m-rekem.” Komo, “Are̱de-yo a zo̱re̱ à yo waragte̱ u̱t-byorke̱ n-me̱ o-ru̱p.”

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.