Yohana 10:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Yatt-wu̱ he rumus u̱n ho̱o̱g re á, amba u̱n co̱n-m re o̱ u̱m hette̱ mo̱ m-ya'as. Me̱ o-co̱w ne̱, u̱m ya'aste̱ mo̱. Me̱ o-co̱w ne̱ komo yo u̱m hette̱ mo̱ m-de̱ke̱n à. Tato re ze̱e̱ u̱m nom kááne̱.”

Yohana 10:18 ပူးပေါင်းရင်းမြစ်များ

Yohana 10:11

“Me̱ wu̱ ro̱ wa-u̱r-gu̱t-wu̱ o-nip. Wa-u̱r-gu̱t-wu̱ o-nip komo wu̱ ro̱ u̱n ya'as u̱n ho̱o̱g-o̱ u̱n wu̱ remen ca-ye̱ u̱n wu̱.

Yohana 10:15

Bo̱ Tato-o nape̱ me̱ à, ka bo̱-se ne̱ o̱ u̱m nape̱ wu̱. Me̱n ya'as u̱n ho̱o̱g re remen ca re.

Yohana 10:17

Remen kááne̱ o̱, Tato re waste̱ u̱n me̱ ne̱ remen mar-mo̱ u̱m he'e̱, remen u̱m ineté̱ komo à.

Yohana 14:31

Amba remen ho̱no o-dak nept u̱nze u̱m waste̱ o-Tato ne̱, me̱ u̱n no̱m u̱n kap rii-yo Tato re ze̱e̱ à. “A ine̱ no̱ kane̱, da-o wooste̱ o̱ a hette̱ no̱ m-neke̱ à.”

Yohana 15:10

U̱rege̱ de u̱nze no̱ o-do̱ro̱tte̱ u̱n karamsa-u̱s re ne̱, man kutu̱ no̱ was-m re, bo̱ u̱m do̱re̱ ma-u̱t Tato re à, komo u̱m she'ete̱ n-me̱ u̱n was-mo̱ u̱n wu̱.

Yohana 19:11

Ye̱so ze̱e̱ru̱ wu̱, “Wo̱tt de ken be̱e̱b-de be u̱n de á, yade̱ u̱rege̱ u̱nze Shir-ye̱ ya'anu̱ wo̱ de rwu̱u̱n-mo̱ n-to̱n á. Remen kááne̱ ne̱t-wu̱ hante̱ me̱ be u̱n du à, ba'as-de u̱n wu̱ jiishte̱ ba'as u̱n du.”

Yohana 5:26

Remen bo̱ Tato-o ro̱ wan-ho̱o̱g à, wan-'ya u̱n hun-ne̱ ho̱o̱g, ka bo̱-se ne̱ o̱ ne̱ Tato-o ze̱e̱ Wà u̱n wu̱ he m-warag wan-ho̱o̱g wu̱ ro̱ u̱n 'ya u̱n hun-ne̱ ho̱o̱g komo à.

Yohana 5:30

Yatt-yo u̱m he hoks m-no̱m u̱n be̱e̱b u̱n de á. Me̱ de̱ m-piish u̱t-ma temb bo̱ Shir ze̱e̱ me̱ à. No̱ nak piish u̱n ma-u̱t re hond hond o̱, yanze se̱nge̱-m re mo̱ u̱m nomot yo u̱m co̱ne̱ á, amba u̱m nomot o̱ rii-yo wu̱ to̱mne̱ co̱ne̱ à.

Yohana 6:38

Me̱ u̱n kergene̱ n-To̱n u̱n shir, ba remen u̱m do̱ru̱te̱ barag-se u̱n hi u̱n de á, se̱ de̱ barag-se u̱n wu̱ to̱mne̱ me̱ à.

Se̱nge̱-mo̱ 2:24

Amba Shir rurug wu̱ be-de u̱n gwo̱mo-to̱ m-mar. Wu̱ 'yonstu̱ wu̱ u̱t-marimar remen yatt-yo he m-nome̱ komo mar-mo̱ bu̱pt wu̱ á.

Se̱nge̱-mo̱ 2:32

Shir 'yonste̱ ka Ye̱so wu̱ u̱t-marimar, na komo ya-u̱s-to̱r-ye̱ kap u̱n to̱ ka.

Se̱nge̱-mo̱ 3:15

No̱ ho̱o̱ru̱ wu̱ ro̱ shi'it-de u̱n ho̱o̱g-o̱ u̱n ba m-ta à. Amba Shir 'yonstu̱ wu̱ u̱t-marimar, te̱ komo te̱ u̱n swo̱-se u̱n wu̱ u̱n to̱ ka.

Titus 2:14

Ye̱so ya'aste̱ hi u̱n de u̱n wu̱ har m-mar rem na. Wu̱ u̱n no̱m kaane̱, remen wu̱ rurut na be-de u̱n be̱e̱b-de u̱r-ba'as, komo remen wu̱ soksté̱ ba'as-u̱t na. Wu̱ u̱n no̱m kaane̱ bo̱ a he m-warag kashi u̱n hun-ne̱ ye̱ u̱n Shir à, komo bo̱ a he m-warag hun-ne̱ yan-go̱p-de u̱n no̱m u̱n rem-se u̱r-bon be-de Shir.

Yahuda-ne̱ 2:9

Wu̱ a m-hyan à wu̱ ro̱ Ye̱so, u̱n ya o-da hiin a muute̱ wu̱, wu̱ wo̱o̱ yan-to̱m-ye̱ Shir á. Remen yar-mo̱ Shir, Ye̱so marag remen hun-ne̱ kap. Komo m-mo̱ka bo̱ wu̱ su̱u̱te̱ u̱r-ko̱o̱b har wu̱ meret à, a sagabu̱tu̱ wu̱ m-se̱ps, m-se̱k ne̱.