Yohana 1:34 - Mɑ‑to̱ Shir Taku̱rda-o swo̱r o-nu pu̱-o̱

³⁴ U̱m hyanag komo u̱m nomoste̱ su̱u̱te̱, wu̱ ka wu̱ ro̱ Wà-wu̱ Shir.”

Yohana 1:34 ပူးပေါင်းရင်းမြစ်များ

Matiyos 11:27

Bo̱ Ye̱so komte̱ u̱s-ko̱n be-de Shir à, ka da-de wu̱ nomu̱ru̱ hun-ne̱ u̱t-ma. “Tato re, Shir ya'ag me̱ nap-se u̱n ko̱yan. Komo yatt-wu̱ nape̱ Wà á se̱ o-Tato o̱ nape̱ wu̱. Komo yatt-wu̱ nape̱ Shir o-Tato á se̱ Wà, komo bo̱ u̱n ka hun-ne̱ ye̱, ye̱ me̱ Wà-wu̱ Shir co̱ne̱ wu̱ kute̱ ye̱ o-Tato à, komo ye̱ nept bo̱ Shir ro̱ à.

Matiyos 16:16

Simo̱n Bitrus shasu̱ru̱, “Wo̱ wu̱, Kiristi, Wà-wu̱ Shir wan-ho̱o̱g.”

Matiyos 17:5

Wu̱ ro̱ m-rwo̱r u̱t-ma káane̱ ke'ente̱-o̱ m-cu̱cas ho̱kku̱ru̱ ye̱. Ye̱ ho̱gu̱ru̱ co̱r n-me̱ u̱n ká ke'ente̱-o̱ o̱ m-ze̱e̱, “Wu̱ ka wu̱ ro̱ Wà re, wu̱ me̱ m-co̱n à, me̱ m-ho̱ge̱ re̱re̱m-mo̱ u̱n wu̱ de̱e̱n. Raks no̱ ma-to̱ u̱n wu̱!”

Matiyos 26:63

Amba Ye̱so shas á. Ko-Gwo̱mo-wu̱ u̱n ko̱n-se Shir ze̱e̱ru̱ wu̱, “To̱nd u̱n jin-de Shir wan-ho̱o̱g, u̱rege̱ wo̱ ro̱ Kiristi, Wà-wu̱ Shir.”

Matiyos 27:40

Ye̱ ro̱ m-ze̱e̱, “Wo̱ wu̱ he m-wurum u̱n Pyo-o̱ Shir, komo o me o̱ u̱n ho̱-u̱t tet. ¿Wo̱a hoks? Gu hi u̱n du, o kergu̱ne̱ a gu̱t! U̱rege̱ wo̱ Wà-wu̱ Shir wu̱, kergu̱ne̱ u̱n ká kan-o̱ a gu̱t!”

Matiyos 27:43

Wu̱ she̱re̱g be-de Shir, komo wu̱ ze̱e̱g, ‘Me̱ wà-wu̱ Shir wu̱.’ ” Yage̱ Shir wu̱ guut wu̱ m-mo̱ka! U̱rege̱ Shir ro̱ m-ho̱ge̱ re̱re̱m-mo̱ u̱n wu̱.

Matiyos 27:54

U̱n ká da-o̱, caari-wu̱ u̱n ko-karma-wu̱ u̱n Roma-ne̱, wu̱ u̱n ye̱ ken karma-ne̱ ye̱ ro u̱n 'er-u̱r Ye̱so à. Bo̱ ye̱ hyente̱ nukte̱-mo̱ o-dak komo u̱n rii-yo ko̱re̱ ne̱ à, ye̱ ho̱gu̱ru̱ o-gye̱r de̱e̱n. Ye̱ ze̱e̱ru̱, “O-nip, wu̱ ka Wà-wu̱ Shir wu̱!”

Matiyos 3:17

Ka da-de Shir te̱pru̱nu̱ru̱ zee-mo̱ n-To̱n o-shir, “Wu̱ ka wu̱ ro̱ Wà re, wu̱ me̱ m-co̱n à. Wu̱ me̱ m-ho̱ge̱ re̱re̱m-mo̱ u̱n wu̱ de̱e̱n à.”

Matiyos 4:3

Ko-Gwo̱mo-wu̱ u̱n ya-u̱t-ko̱t haanu̱ru̱, wu̱ megru̱ru̱ Ye̱so. Wu̱ ze̱e̱ru̱ Ye̱so, “U̱rege̱ wo̱ Wà-wu̱ Shir wu̱, rwo̱ ka ta'ar-to̱ barme̱ rii-yo m-re̱!”

Matiyos 4:6

Ka da-de ko-Gwo̱mo-wu̱ u̱n ya-u̱t-ko̱t ze̱e̱ru̱ Ye̱so, “U̱rege̱ wo̱ Wà-wu̱ Shir wu̱, hukse̱, o he̱be̱ n-dak. Gense̱ to̱ ro̱ u̱n taku̱rda-o̱ Shir, u̱nze, “ ‘Shir a ru̱ yan-to̱m-ye̱ u̱n wu̱ ye̱ 'er wo̱. Ye̱a go̱ks wo̱ u̱n kom-to̱ u̱n ye̱, taase o he̱be̱ u̱t-ta'ar o ho̱ge̱ m-hoog.’ ”

Matiyos 8:29

Ye̱ kangsu̱ru̱ Ye̱so, “Wà-wu̱ Shir, ¿ya o co̱ne̱ u̱n te̱ ne̱ ya-u̱t-ko̱t? ¿Ko̱ wo̱ u̱n haan o ye'et te̱ u̱r-ko̱o̱b cin ba da-o̱ u̱n wo̱o̱n o̱ Shir e̱sse̱ à?”

Markus 1:1

Ma-to̱ m-Re̱re̱m to̱ ka, to̱ ma Ye̱so Kiristi, Wà-wu̱ Shir. Ho̱gu̱ no̱ bo̱ ka Ma-to̱ m-Re̱re̱m to̱ Shir to̱ takne̱ à.

Markus 1:11

A ho̱gu̱ru̱ co̱r n-To̱n o̱ Shir. O̱ ro̱ m-ze̱e̱, “Wo̱ ro̱ Wà re, wu̱ me̱ m-co̱n à. Me̱ o-zak u̱n wo̱ ne̱ de̱e̱n.”

Ruka 1:35

Wan-to̱m-wu̱ Shir shasu̱ru̱ wu̱, “Ku̱kt-o̱ Shir a haan be u̱n du, u̱n 'wo̱ns-mo̱ Shir ne̱ n-To̱n, remen kaane̱ wo̱a nom u̱r-uub. Ka wà-wu̱, wu̱ o he m-mat à, wu̱t u̱r-ba'as á, remen kaane̱ a eeg wu̱ wà-wu̱ u̱n Shir.

Ruka 3:22

Ku̱kt-o̱ Shir haanu̱ru̱ be-u̱r Ye̱so u̱ntu̱n o-tantabara. A ho̱gu̱ru̱ o-co̱r n-To̱n shir, “Wo̱ ro̱ wà re. Me̱ gwu̱gwu̱ u̱n wo̱ ne̱ u̱m co̱no̱g wo̱.”

Yohana 1:18

Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Yohana 1:49

Nataniyar ze̱e̱ru̱ wu̱, “Wa-u̱s-Nap, wo̱ wu̱ ro̱ Wà-wu̱ Shir, ko-Gwo̱mo-wu̱ u̱n dak-o̱ o-Isra.”

Yohana 10:30

U̱n me̱ u̱n Tato re, gaan te̱ ro̱.”

Yohana 10:36

Me̱ wu̱ Shir daage̱ à, wu̱ to̱mo̱n u̱n ho̱no o-dak à, ¿Ya no̱ hette̱ m-ze̱e̱ u̱m yo'ogte̱ Shir remen u̱m ak hi u̱n de ‘Wà-wu̱ Shir’?

Yohana 11:27

Marta ze̱e̱ru̱ wu̱, “O̱ho̱, Go̱s-wu̱, u̱m sheru̱ste̱ hur u̱n de, wo̱ ro̱ Kiristi, Wà-wu̱ Shir wu̱ a to̱mne̱ u̱n ho̱no o-dak à.”

Yohana 19:7

Yahuda-ne̱ shasu̱ru̱, “Ai, te̱ ro̱ o-karamsa ne̱. Ka karamsa-o̱ ne̱ depete̱ a ho wu̱ remen wu̱ muute̱ hi u̱n de u̱n wu̱ Wà-wu̱ Shir.”

Yohana 20:28

Tomas shasu̱ru̱, wu̱ ze̱e̱ru̱, “Go̱s-wu̱ re! Shir re!”

Yohana 20:31

Amba me̱n ge̱n to̱ ka remen no̱ she̱re̱t Ye̱so wu̱ ro̱ Kiristi, Wà-wu̱ Shir, no̱ kumut ho̱o̱g no̱ she̱re̱ u̱n jin-de u̱n wu̱.

Yohana 6:69

Te̱ she̱re̱g hur u̱n te̱ be u̱n du. Wo̱ wu̱ cot wu̱ Shir, wu̱ ba m-ku̱ko̱p.”

Roma-ne̱ 1:4

Amba u̱n ko̱o̱b-de u̱n ku̱ko̱p-mo̱ u̱n wu̱, Ku̱kt-o̱ Shir kututu̱ na u̱r-be̱e̱b ne̱ u̱nze, Ye̱so Wà-wu̱ Shir wu̱ remen wu̱ inu̱te̱ u̱t-marimar. Ye̱so Kiristi, wu̱ ro̱ Wan-Ko̱yan na.

2 Korinti-ne̱ 1:19

Remen Wà-wu̱ Shir Ye̱so Kiristi, wu̱, me̱ u̱n Siras ne̱ u̱n Timoti ne̱ ru̱ru̱ no̱ ma-to̱ u̱n wu̱ à, ba ne̱t-wu̱ u̱n “E̱e̱” wu̱ da-o̱ wu̱ ro̱ ma-to̱ u̱n “Ay” á. Amba n-me̱ u̱n wu̱ “E̱e̱” o̱ ho̱-u̱r bi.

Yahuda-ne̱ 7:3

Wu̱tt o-tato á. Wu̱tt o-inu á. A napu̱ ne̱ baag-o̱ u̱n wu̱ á. A napu̱ ne̱ ho̱-de a mate̱ wu̱ á. Komo a nap ho̱-de wu̱ mare̱ á. Wu̱ waragte̱ u̱ntu̱n Ye̱so Wà-wu̱ Shir, wan-Co̱w u̱n ko̱n-se Shir wu̱ u̱n ba m-ta.

1 Yohana 2:23

Yatt-wu̱ he no̱m u̱n she-mo̱ u̱n Wà, wu̱ kumut o-Tato á, amba wu̱ go̱kse̱ Wà à, wu̱ ro̱ ká o-Tato ne̱.

1 Yohana 3:8

Bo̱n ne̱t-wu̱ ro̱ m-ma'as u̱n no̱m u̱t-ba'as à, wu̱ mà ko-Gwo̱mo-wu̱ u̱n ya-u̱t-ko̱t wu̱, remen cin n-ga ne̱ ko-Gwo̱mo-wu̱ u̱n ya-u̱t-ko̱t wa-u̱t-ba'as-wu̱. Amba Ye̱so Wà-wu̱ Shir haante̱ remen wu̱ sabu̱rté̱ se̱nge̱-mo̱ u̱n ko-Gwo̱mo-wu̱ u̱n ya-u̱t-ko̱t.

1 Yohana 4:9

Co̱w-yo Shir kututu̱ na m-was à, yo ka, Shir to̱mo̱nte̱ Wà u̱n wu̱ wan-gaan co̱t u̱n ho̱no o-dak, remen wu̱ a kumut ho̱o̱g-o̱ ba m-ta.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.

2 Yohana 1:9

Bo̱n ne̱t-wu̱ ruwe̱ wu̱ yage̱ m-she'et n-me̱ u̱n yoos-u̱r Kiristi à wu̱ ro̱tt Shir á, amba bo̱n wu̱ se̱nge̱ n-me̱ u̱n ká yoos-de, wu̱ ro̱ o-Tato ne̱ kap u̱n Wà ne̱.

U̱t-Hyangan 2:18

“Gene̱ wan-co-wu̱ u̱n yan-dor ye̱ u̱n bo̱-o̱ o-Tiyatira u̱nze: Me̱ wu̱ ro̱ Wà-wu̱ Shir, wu̱ yish-ye̱ u̱n wu̱ ro̱ u̱ntu̱n rem-de o-ra à! Na-u̱s re tomso o-mo̱k ne̱ u̱ntu̱n o-tagurra yo a po̱ro̱gse̱ à.