Yohana 1:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Yohana 1:18 ပူးပေါင်းရင်းမြစ်များ

Matiyos 11:27

Bo̱ Ye̱so komte̱ u̱s-ko̱n be-de Shir à, ka da-de wu̱ nomu̱ru̱ hun-ne̱ u̱t-ma. “Tato re, Shir ya'ag me̱ nap-se u̱n ko̱yan. Komo yatt-wu̱ nape̱ Wà á se̱ o-Tato o̱ nape̱ wu̱. Komo yatt-wu̱ nape̱ Shir o-Tato á se̱ Wà, komo bo̱ u̱n ka hun-ne̱ ye̱, ye̱ me̱ Wà-wu̱ Shir co̱ne̱ wu̱ kute̱ ye̱ o-Tato à, komo ye̱ nept bo̱ Shir ro̱ à.

Ruka 10:22

“Tato re, ya'ag me̱ rii kap. Yatt-wu̱ nape̱ yo ka wà-wu̱ ro̱ á, se̱ tato u̱n wu̱, komo yatt-wu̱ nape̱ yo ka tato-o̱ ro̱ á, se̱ ka wà-wu̱, se̱ komo ye̱ ka wà-wu̱ daage̱ wu̱ ru̱ru̱te̱ ye̱ à.”

Yohana 1:14

Ka Gom-de waragte̱ ne̱t har wu̱ she'etu̱ru̱ be u̱n na. A hyanag se̱ps-mo̱ u̱n wu̱, se̱ps-mo̱ u̱n wu̱ komo u̱n ho̱n mo̱ wan-gaan mo̱ cot, wu̱ rwu̱u̱ne̱ be-de o-Tato shiishe̱ m-yar o-nip ne̱ à.

Yohana 12:41

Ishaya u̱n rwo̱r kááne̱ remen wu̱ hyanag se̱ke̱mse̱-m Ye̱so, wu̱ ro̱ro̱g ma-to̱ u̱n wu̱.

Yohana 13:23

Wu̱ ken be-de u̱n yan-neke̱-mo̱ u̱n wu̱, wu̱ Ye̱so wasse̱ u̱n wu̱ ne̱ de̱e̱n à, wu̱ ro u̱n he̱r-o Ye̱so.

Yohana 14:9

Ye̱so ze̱e̱ru̱ wu̱, “Pirip, ho̱nu̱ a she'ete̱ no̱ cen no̱ ne̱ à, ¿o ze̱e̱ru̱ har m-mo̱ka wo̱ nap me̱ á? Ai, kap ne̱t-wu̱ hyane̱ me̱ à, ai wu̱ hyanag o-Tato. ¿Re o̱ u̱n ya o zette̱, ‘Kute̱ te̱ o-Tato’?

Yohana 17:26

U̱m rwu̱ntu̱te̱ jin u̱n du be-de u̱n ye̱, komo man re co m-no̱m kááne̱. Me̱n no̱m kááne̱ remen bo̱ o wasse̱ u̱n me̱ ne̱ à, ye̱ ma'asté̱, u̱n cen ye̱ ne̱, m-was ne̱, komo remen u̱m she'etté̱ be-de u̱n ye̱.”

Yohana 17:6

“U̱m rwu̱ntu̱te̱ jin u̱n du be-de u̱n hun-ne̱ ye̱ o ya'asu̱ me̱ u̱n ka ho̱no o-dak o̱ à. Ye̱ ma ru ye̱. O ya'ag me̱ ye̱ ne̱, ye̱ do̱ru̱te̱ ne̱ ma-u̱t ru.

Yohana 3:11

Me̱ wo̱ m-ru̱re̱ o-nip. Se̱ rii-yo te̱ nape̱ à, u̱n yo te̱ hyane̱ ne̱ à, yo yo te̱ no̱ m-ru̱re̱ u̱n ma-to̱ u̱n yo. No̱ ne̱, no̱ m-go̱ks u̱n rii-yo te̱ no̱ m-ru̱re̱ á.

Yohana 6:46

Yanze ne̱t ro̱ ko̱n wu̱ hyane̱ Shir o-Tato á, se̱ wu̱ wu̱ rwu̱u̱ne̱ be-de Shir o-Tato à. Wu̱ wu̱ cot, hyane̱ o-Tato.

2 Korinti-ne̱ 4:4

Ye̱ she̱r be-de Shir á, remen wan-gwo̱mo-to̱ u̱n ka ho̱no o-dak o̱ po̱o̱su̱te̱ hur-de u̱n ye̱. Wu̱ we̱ne̱g ye̱, ye̱ hyen m-cu̱cas mo̱ ro̱ m-dakan n-te̱ u̱n hur-de u̱n ye̱ à, ka cu̱cas-mo̱ ro̱ m-rwu̱u̱n n-me̱ u̱n Ma-to̱ m-Re̱re̱m n-te̱ u̱n se̱ps-m Kiristi, wu̱ ro̱ sha-mo̱ Shir à.

Korosiya-ne̱ 1:15

Yatt-wu̱ ro̱ m-hyan u̱n Shir á, amba da-o̱ Wà u̱n wu̱ barme̱ ne̱t à, wu̱ kutute̱ hun-ne̱ Shir. Wu̱ ro̱ u̱n gwo̱mo-to̱ u̱n ko̱yan yo Shir no̱me̱ à.

1 Timoti 1:17

Ko̱n-u̱s re se ro̱ hun-ne̱ kap ye̱ 'ye Shir m-se̱ps, u̱t-go̱s ne̱, ba m-ta. Wu̱ ro̱ ko-Gwo̱mo ba m-ta. Wu̱ u̱n ba u̱r-ko̱m. Wu̱ a m-hyan á. Shir o̱ u̱n ho̱n-de u̱n o̱. Amin.

1 Timoti 6:16

Shir o̱ cot ro̱ m-mar á. Wu̱ ro̱ u̱r-she'et be-de m-cecar. Remen kaane̱ yatt ne̱t-wu̱ he m-ha u̱n he̱r-o̱ u̱n wu̱ á. Ne̱t ro̱ ko̱n wu̱ take̱ m-hyan u̱n Shir á, komo yatt-wu̱ he wu̱ hoks m-hyan á. Yage̱ hun-ne̱ kap ya'aste̱ wu̱ u̱t-go̱s, u̱t-gwo̱mo ne̱, to̱ ba m-ta. Amin.

1 Yohana 4:12

Yatt-wu̱ hyane̱ Shir á. Amba u̱rege̱ a m-was u̱n o̱r na ne̱, Shir a she'et kang-o gaan be-u̱r na, komo was-mo̱ u̱n wu̱ mo̱ o-nip a ma'as u̱n hur-u̱r na.

1 Yohana 4:20

Amba ko̱wan wu̱ zee wu̱ ro̱ u̱n m-was u̱n Shir, amba wu̱ ro̱ u̱n yage̱-u̱t o̱r u̱n wu̱, ka ne̱t-wu̱ wa-u̱t-bo̱-wu̱. Remen ne̱t-wu̱ ro̱ m-was u̱n o̱r u̱n wu̱ á, ¿re o̱ u̱n ya wu̱ he m-was u̱n Shir ne̱, ye̱ wu̱ take̱ m-hyan?

1 Yohana 4:9

Co̱w-yo Shir kututu̱ na m-was à, yo ka, Shir to̱mo̱nte̱ Wà u̱n wu̱ wan-gaan co̱t u̱n ho̱no o-dak, remen wu̱ a kumut ho̱o̱g-o̱ ba m-ta.

1 Yohana 5:20

A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.