Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yakubu 5:11 - Mɑ‑to̱ Shir Taku̱rda-o swo̱r o-nu pu̱-o̱

11 Remen a ze̱e̱g, ka ye̱ du̱ngu̱ne̱ har u̱r-ko̱m à, Shir ya'ag ye̱ u̱r-ho̱. No̱ ho̱gu̱ssu̱te̱ de go̱n du̱ngu̱ne̱-m Ayoba, no̱ nepse̱ bo̱ Wan-Ko̱yan hu̱u̱ wu̱ nu-o so̱-o̱ u̱r-ko̱m à. Remen Wan-Ko̱yan ko-ya-m-it wu̱ be-de u̱n no̱m u̱s-ryaab, ko-ya-u̱r-'wo̱n wu̱ komo de̱e̱n.

အခန်းကိုကြည့်ပါ။ ကော်ပီ




Yakubu 5:11
53 ပူးပေါင်းရင်းမြစ်များ  

Hun-ne̱ ko̱ kene̱ a yagu̱ no̱ remen no̱ yan-neke̱-m re ye̱. Amba bo̱ u̱n ye̱ jo̱o̱se̱ har ha-mo̱ u̱r-ko̱m à Shir a gu ye̱.


O-caara ha-mo̱ o-caara, Shir kutute̱ ye̱ u̱r-'wo̱n, u̱n ye̱ ya'e̱ wu̱ m-se̱k ne̱ à.


Remen kap ye̱ ko̱ne̱ à, Shir a 'ye ye̱, komo ye̱ ho̱o̱be̱ à, ye̱a kum, komo wu̱ ko̱'o̱te̱ ish à, Shir a tikshe̱ wu̱.


Ho̱gu̱ no̱ u̱r-'wo̱n bo̱ tato no̱ ro̱ u̱r-'wo̱n ne̱ à.


¿Ko̱ de̱ wo̱ u̱n gini u̱n caari-mo̱ u̱n yar-mo̱ Shir u̱n 'wo̱n-de u̱n wu̱ ne̱, u̱n mo̱ u̱n hur-de u̱n wu̱ ne̱? Nap u̱nze Shir u̱n kute̱ wo̱ 'wo̱n-de u̱n wu̱ remen o waktu̱nté̱ o mu̱u̱n be-de u̱n wu̱.


Remen kaane̱, yage̱ a bu̱mu̱t Shir bo̱ wu̱ kutu na yar-mo̱ u̱n se̱ps-mo̱ u̱n wu̱ à. Wu̱ kututu̱ na yar-mo̱ u̱n wu̱ de̱e̱n remen yo Wà u̱n wu̱ Ye̱so no̱me̱ à, Wà-wu̱ Shir ro̱ m-was ne̱.


Amba remen Shir waste̱ u̱n na ne̱ de̱e̱n komo 'wo̱n-de u̱n wu̱ ro̱ de̱e̱n o̱ rwo̱'e̱,


Amba na, a u̱ntu̱n ye̱ wo̱ngse̱ hi-de u̱n ye̱ n-me̱ m-she̱r be-u̱r Ye̱so á. Ka ye̱ Shir he m-jorbe̱ n-me̱ o-ra à. A ro̱ ka ye̱ she̱re̱ har da-o̱ a he kum u̱n gwu̱ à.


Remen a se̱ngu̱tu̱ no̱ m-she̱r gu̱ng gu̱ng be-de Shir bo̱ a ro m-no̱m u̱r-takan à, har u̱r-ko̱m, bo̱ a he m-warag kang-o gaan u̱n Kiristi ne̱ à.


Amba Kiristi no̱mo̱g o-nip bo̱ wu̱ ro̱ Wà u̱n hur-o̱ Shir à. Shir ro̱ m-she̱r u̱n wu̱ u̱n gwo̱mo-to̱ u̱n hun-ne̱ ye̱ Shir. Komo a ro̱ ká hun-ne̱ ye̱, u̱rege̱ a ro̱ u̱n jaab-o̱ u̱t-me̱n ne̱, komo a nom u̱s-se̱s u̱n sakto̱-o na ne̱, ka o̱ ro̱ n-me̱ Kiristi.


Shir a hu̱u̱ nu-o̱ u̱r-bon be-de u̱n ne̱t-wu̱ jo̱o̱se̱ n-me̱ u̱n re̱ u̱r-ko̱o̱b de u̱n wu̱ à, wu̱a go̱ks 'yons-de u̱n ho̱o̱g-o̱ u̱n ba m-ta o̱ Shir swo̱re̱ o-nu wu̱a 'ye ye̱ wasse̱ u̱n wu̱ ne̱ à.


O̱r re ne̱, muut no̱ ko̱ to̱ ke meger-to̱ to̱ ko̱ru̱ no̱ à, rii-yo o-zak de̱e̱n.


Remen kaane̱, she'et no̱ zo̱ngse̱ no̱ nomot rii-yo u̱r-bon, no̱ garamse̱ hi u̱n no̱. Rwo̱ no̱ sakto̱-o no̱ kap be-de u̱n yar-mo̱ a he no̱ m-'ya da-o̱ Ye̱so Kiristi he m-rwu̱u̱n à.


Amba myet u̱n kaane̱ ne̱, u̱rege̱ no̱ u̱n swo̱ u̱r-ko̱o̱b remen no̱ m-no̱m u̱n rii-yo u̱r-bon, Shir a 'ye no̱ o-kwu̱m. “Taase no̱ ho̱ge̱ gye̱r-o̱ u̱n yo ye̱ ro̱ m-gye̱r à, ko̱ komo no̱ was u̱n yo hun-ne̱ ze̱e̱ ye̱a nom ne̱ á.”


U̱rege̱ har kááne̱ o̱, Wan-Ko̱yan nepste̱ bo̱ wu̱ he gu u̱n hun-ne̱ ye̱ Shir be-de u̱t-meger à. Komo wu̱ neps bo̱ wu̱ he se̱nge̱ u̱n 'ya u̱n yan-me̱n-u̱t jaas-to̱ u̱r-ko̱o̱b à, har ho̱-de u̱n piish u̱t-ma to̱ u̱r-ko̱m wo̱o̱nte̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ