Yakubu 4:12 - Mɑ‑to̱ Shir Taku̱rda-o swo̱r o-nu pu̱-o̱

¹² Shir ye̱ cot ro̱ u̱n rwo̱ o-karamsa. Wu̱ ro̱ komo wan-piish u̱t-ma. Wu̱ ro̱ cot wan-Gwu̱, tomso ne̱ wu̱ ro̱ u̱r-be̱e̱b ne̱ wu̱ hoot. Remen kaane̱, wo̱ bo'os sawse̱ u̱n o̱r ru u̱r-ba'as á.

Yakubu 4:12 ပူးပေါင်းရင်းမြစ်များ

Matiyos 10:28

“No̱ ho̱ge̱ gye̱r-o̱ u̱n hun-ne̱ á. Ye̱a hoks ho u̱n wu̱r-o no̱, amba ye̱a hoks ho u̱n ho̱o̱g-m no̱ á. Se̱ de̱ no̱ ho̱ge̱ gye̱r-o̱ Shir remen wu̱ he m-hoks m-ho o-wu̱r kap m-ho̱o̱g ne̱ wu̱ jorbe̱ u̱n den-o̱ o-ra.

Ruka 12:5

Man kutu no̱ wu̱ no̱ he m-gye̱r à: Gye̱r no̱ Shir, wu̱ he m-ho̱ à, wu̱ ho̱'e̱ komo wu̱ ro̱ u̱t-gwo̱mo ne̱ wu̱ jorbu̱te̱ u̱n den-o̱ o-ra. De̱k no̱ ma-u̱t re, wu̱ wu̱ no̱ he m-gye̱r!

Roma-ne̱ 14:13

Remen kaane̱, bo̱ ro̱ Shir wu̱ cot, wu̱ he u̱n piishe̱ u̱n ko̱wan u̱t-ma à. A yagu̱ no̱ sabu̱rse̱ u̱n o̱r na ne̱ yan-dor. Amba hwo̱ no̱ hur-u̱t no̱ u̱nze no̱a no̱m rii-yo he rwo̱ u̱n o̱r no̱ ne̱ no̱m u̱r-ba'as á.

Roma-ne̱ 14:4

¿Wo̱ ro̱ wa ne̱ o piishite̱ wan-gu̱w-mo̱ u̱n wu̱ ken wu̱ u̱t-ma? Ko̱ wu̱ no̱mo̱g kashi m-se̱nge̱ be-de Shir, ko̱ wu̱ no̱m á to̱ ma u̱n ko-ya-o-hur to̱ ka wu̱ piishité̱ wu̱ u̱t-ma. Wu̱a hoks m-e̱s, Wan-Ko̱yan 'ye wu̱ u̱r-ho̱.

Roma-ne̱ 2:1

¿O̱r re, wo̱ u̱n hyan u̱n ba'as-u̱r o̱r ru ne̱? Wo̱tt be-de m-ru á. Wo̱ u̱n piishe̱ u̱n hun-ne̱ u̱t-ma komo wo̱ m-no̱m u̱n rii-yo ká hun-ne̱ ye̱ ro̱ m-nom à, hi u̱n du wo̱ m-ho̱.

Roma-ne̱ 9:20

¿Amba wo̱ ro̱ wa ne̱ mat-de u̱n ne̱t har ma-to̱ su̱nu̱tu̱ wo̱ u̱n Shir ne̱? Rii-yo a no̱me̱ à, yo we̱t m-ze̱e̱ wu̱ no̱me̱ yo à, “¿Ya o nomte̱ me̱ kaane̱?”

Yahuda-ne̱ 7:25

Remen kaane̱, wu̱a hoks ca u̱n ko de ke ho̱-de ne̱, gu u̱n ye̱ ro̱ m-hyokne̱ yow yow be-de Shir u̱n raag-o̱ u̱n wu̱ à, remen wu̱ ro̱ u̱n ho̱o̱g ne̱ o̱ ba m-ta, wu̱ ro̱ komo m-ha co be-de u̱n ko̱n-se Shir remen ye̱.

Yakubu 5:9

O̱r re ne̱, yagu̱ no̱ nome̱ u̱n o̱r no̱ ne̱ u̱s-hwu̱mu̱g. Taase Wan-Ko̱yan piishi no̱ u̱t-ma. Remen ko-yan-Piish u̱t-ma nomsu̱nte̱ yow yow m-mu̱u̱n ne̱, har wu̱ ro̱ ma u̱n ish!