Yakubu 3:15 - Mɑ‑to̱ Shir Taku̱rda-o swo̱r o-nu pu̱-o̱

¹⁵ Go̱n ka nap-se ba se ro̱ m-kergu̱ne̱ e̱s-mo̱ n-To̱n à se á, se u̱n ho̱no o-dak se. Komo se barag-se ma-hun se, amba se u̱n ko-Gwo̱mo-wu̱ u̱n ya-u̱t-ko̱t se.

Yakubu 3:15 ပူးပေါင်းရင်းမြစ်များ

Ruka 16:8

“Remen kaane̱ bo̱ ka ma-to̱ rwu̱u̱ne̱ à, ka wa-o-kwu̱m, wu̱ bo̱mo̱g wan-bebe̱ u̱n wu̱ u̱t-saw u̱s-we̱e̱r bo̱ wu̱ no̱me̱ ka we̱e̱r-se ba u̱r-bon se̱ à. Kang-o gaan, hun-ne̱ ye̱ do̱re̱ Shir á, ye̱ ro̱ u̱s-we̱e̱r ne̱ be-de u̱n mo̱ro̱gse̱ u̱t-saw to̱ ye̱ hette̱ ho̱ge̱ m-re̱re̱m à, ka hun-ne̱ ye̱ jiishte̱ ka ye̱ do̱re̱ Shir à, gun hi u̱n de u̱n ye̱, u̱n no̱m u̱n rii-yo Shir hette̱ m-no̱m o-zak u̱n ye̱ ne̱ à.”

Yohana 3:17

Shir u̱n to̱mo̱n Wà u̱n wu̱ ho̱no o-dak, remen wu̱ piishité̱ hun-ne̱ u̱t-ma á, amba remen hun-ne̱ possu̱té̱ ho̱-de u̱n piish u̱t-ma u̱n bu̱-yo u̱n wu̱.

Yohana 8:44

No̱, tato no̱ ko-Gwo̱mo-wu̱ u̱n ya-u̱t-ko̱t wu̱. Co̱n-m no̱ ne̱ komo no̱ nom rii-yo tato no̱ co̱ne̱ à. Wu̱, cin u̱r-takan wan-ho̱ de u̱n ne̱t-wu̱. Wu̱ ro̱ m-e̱s u̱n o-nip á, remen ho̱-mo̱ u̱n wu̱ ro̱ ko̱n be-de u̱n o̱ shir á. Bo̱-to̱ wu̱ ro̱tte̱ m-'wo̱ns, remen wu̱ wa-u̱t-bo̱-wu̱, tato-o̱ u̱n ya-u̱t-bo̱.

Se̱nge̱-mo̱ 13:10

Wu̱ ze̱e̱ru̱, “Wo̱ wà-wu̱ u̱n ko-Gwo̱mo-wu̱ u̱n ya-u̱t-ko̱t! Ko̱ de ke ho̱-de wo̱ hun-ne̱ u̱n nome̱ u̱t-bo̱, u̱n rem-u̱s yo̱-se ne̱. Yage̱ m-muut nip-o̱ Wan-Ko̱yan u̱t-bo̱.

Roma-ne̱ 1:22

Ye̱ ro m-hyan u̱n hi u̱n de u̱n ye̱ ya-u̱s-we̱e̱r amba ne̱ raag-mo̱ ye̱ rotte̱.

1 Korinti-ne̱ 1:27

Shir u̱n daag hun-ne̱ ye̱ ho̱no o-dak ro̱ m-hyan raag-ne̱ à. Wu̱ u̱n nom kaane̱ remen wu̱ ye'et ka ye̱ ro̱ m-hyan ye̱ ro̱ u̱s-nap ne̱ à m-'e̱. Shir u̱n daag ye̱ hun-ne̱ ye̱ u̱n ho̱no o-dak ro̱ m-hyan ye̱ ro̱tt m-'wo̱ns á, remen wu̱ ye'et ko-ya-m-'wo̱ns m-'e̱.

1 Korinti-ne̱ 2:14

Bo̱n ne̱t-wu̱ ro̱tte̱ o-Ku̱kt á wu̱a tu̱n wu̱ ho̱ge̱ rem-se Ku̱kt-o̱ Shir ru̱re̱ hun-ne̱ á, remen be-de u̱n wu̱ se ka rem-se o-hwaa se. Wu̱a hoks m-nap bo̱ ka rem-se ro̱ á, remen Ku̱kt-o̱ Shir o̱ ro̱ u̱n hante̱ u̱n nap-se Shir.

1 Korinti-ne̱ 3:19

Remen kaane̱ we̱e̱r-se u̱n ho̱no o-dak raag-mo̱ u̱n co-o̱ Shir. Me̱ u̱n ze̱e̱ kaane̱, remen gense̱ to̱ ro̱ u̱nze, “Wu̱ ro̱ u̱n bo̱p u̱n ya-u̱s-we̱e̱r be-de u̱n we̱e̱r-se u̱n ye̱.”

1 Korinti-ne̱ 3:3

Remen har m-mo̱ka no̱ u̱n hur-de ma-hun ne̱. Remen no̱ u̱n shoob-de u̱n o̱r no̱ ne̱ yan-dor, komo no̱ m-dum u̱n hi u̱n no̱ u̱n hi u̱n no̱. Da-o̱ no̱ nome̱ go̱n ka rem-se, ai har m-mo̱ka no̱ ro̱su̱ru̱ u̱n hur-de ma-hun ne̱ o̱ ka. Nip-o̱ no̱ ro̱ m-nom u̱ntu̱n hun-ne̱ ye̱ nape̱ Shir á.

2 Korinti-ne̱ 1:12

Rii-yo ro̱ te̱ m-rwo̱ m-gwo̱n à: Yo ro̱ hur u̱n te̱ kaps te̱ á, de ro̱ te̱ m-ru̱re̱ u̱nze te̱ she'ette̱ she'et-de u̱n ba m-ku̱ko̱p n-me̱ u̱n ho̱no o-dak u̱n hur-u̱r gaan ne̱ to̱ rwu̱u̱ne̱ be-de Shir à. Yagu̱nte̱ ma she'et-de te̱ she'ette̱ u̱n no̱ ne̱ á. Man zee te̱ no̱mo̱g kaane̱ n-me̱ u̱n o̱ Shir. Te̱ u̱n nom kaane̱ n-me̱ kwu̱m-o̱ Shir, ba be-de u̱n we̱e̱r-se u̱n ho̱no o-dak á.

2 Korinti-ne̱ 11:3

Amba me̱ u̱n ho̱ge̱ o-gye̱r taase rii-yo ko̱re̱ Hawa à, yo ko̱r no̱. Hwo̱-o rakste̱ wu̱ u̱n we̱e̱r-se u̱n yo har wu̱ nomu̱ u̱r-ba'as. Kaane̱ no̱ ma, me̱ u̱n ho̱ge̱ o-gye̱r barag-u̱s no̱ a hoks no̱ m-muut ba u̱r-bon, u̱n kaane̱, no̱a kum ya'as u̱r-hi bo̱ a co̱ne̱, o-nip ne̱ ba m-ku̱ko̱p be-u̱r Kiristi á.

Piripi-ne̱ 3:19

U̱r-ko̱m, Shir a sabu̱rse̱ ye̱ remen ye̱ ro̱ m-no̱m u̱n rii-yo ye̱ co̱ne̱ à, ku̱t-o̱ u̱n ye̱ ro̱ Shir o̱ u̱n ye̱, ye̱ ro̱ u̱n no̱m u̱s-se̱s da-o̱ ye̱ no̱me̱ rii-yo depe̱ ye̱ ho̱ge̱ m-'e̱ à. Ye̱ shooste̱ hi-de u̱n ye̱ u̱n barag-se go̱n hun-ne̱ ye̱ 'yare̱ Shir à.

2 Tasaronika-ne̱ 2:9

A nep haan-mo̱ u̱n ko-Gwo̱mo-wu̱ o-zang be-de u̱n se̱nge̱-mo̱ u̱n ko-Gwo̱mo-wu̱ u̱n ya-u̱t-ko̱t. Wu̱a nom rem-se o-made̱, u̱t-napa ne̱, u̱t-hyat ne̱ to̱ u̱t-bo̱ go̱-u̱s-go̱.

1 Timoti 4:1

Ku̱kt-o̱ Shir ru̱ru̱tu̱ na cas u̱nze u̱n kà ho̱-to̱ u̱r-ko̱m to̱, ye̱ ken ye̱ a yage̱ m-she̱r be-de u̱n yoos-de o-nip de u̱n Ma-to̱ Shir. Ye̱a she̱r be-de u̱n yoos-de u̱n ya-u̱t-bo̱, to̱ rwu̱u̱ne̱ be-de u̱n ya-u̱t-ko̱t à.

Yakubu 1:17

Myet bo̱ u̱n rii-yo u̱r-bon u̱n yar-mo̱ m-mo̱ka ne̱, mo̱ u̱n rwu̱u̱n e̱s-mo̱ n-to̱n, be-de Shir. Wu̱ nome̱ o-To̱n m-cecar ne̱ à, ka cecar-mo̱ ro̱ m-barme̱ amba Shir ro̱ m-barme̱ á, komo comb-o ro̱ ko̱n be-de u̱n wu̱ á.

Yakubu 1:5

U̱rege̱ wu̱ ken wu̱ be-u̱r no̱ co̱no̱g u̱s-nap, wu̱ kon Shir wu̱ ro̱ m-'ya u̱n ko̱wan à, ko̱ o̱ ke da-o̱ u̱n me̱n-u̱t gaan, wu̱a 'ye wu̱. Da-o̱ wu̱ ko̱ne̱, Shir a kangsu̱ wu̱ á.

Yakubu 3:17

Amba nap-se ro̱ m-rwu̱u̱n e̱s-mo̱ u̱n n-To̱n à, u̱n ho̱n se ro̱. Ne̱t-wu̱ ro̱ u̱n go̱n ka napse̱ ne̱ à, wu̱ ro̱tt u̱r-ba'as u̱n ho̱o̱g-mo̱ u̱n wu̱ á. Komo se ro̱ m-hante̱ she'et-de m-gwu̱gwu̱, u̱n ru̱s u̱r-hi ne̱, u̱n hi-de m-gwu̱gwe̱r ne̱ u̱n ho̱ge̱ u̱r-'wo̱n ne̱, m-yar-ne̱, koos-m ro̱ ko̱n á ko̱ o-she̱pe̱.

Yahudas 1:19

Ye̱ ka kane̱ m-mo̱ka, ye̱ ye̱ komo ro̱ no̱ m-hante̱ m-cakre̱, she'et-de u̱n hi u̱n de u̱n ye̱ ye̱ ro̱tte̱. Ye̱tt Ku̱kt-o̱ Shir á.

U̱t-Hyangan 12:9

Ka caari-yo u̱n ko-mo̱ng-yo hwo̱-yo, komo yo a m-aag ko-Gwo̱mo-wu̱ u̱n ya-u̱t-ko̱t à, ka wu̱ ro̱ u̱n e̱gu̱sse̱ kap o̱ u̱n hun-ne̱ ye̱ o-dak à. A jorbu̱ yo n-dak mo̱sse̱ u̱n yan-to̱m ye̱ u̱n yo ne̱.

U̱t-Hyangan 2:24

Amba me̱ u̱n to̱mne̱ be-u̱r no̱ ye̱ kusse̱ à o-Tiyatira no̱ ye̱ do̱re̱ ka yoos-u̱r yo̱-de de á. No̱ no̱m yo yan-neke̱-mo̱ u̱n wu̱ ro̱ m-ze̱e̱ á, n-me̱ u̱n bu̱m-o̱ u̱n ko-Gwo̱mo-wu̱ u̱n ya-u̱t-ko̱t o̱ u̱r-du̱w á. Me̱ no̱ m-ze̱e̱, man sawsu̱ no̱ se ken nu̱-se á.

U̱t-Hyangan 9:11

Ye̱ ro̱ u̱n ko-Gwo̱mo ne̱, wu̱ ye̱ ro̱ u̱n ku̱s-o̱ u̱n wu̱ à, wu̱ ro̱ ká wan-to̱m-wu̱ Shir wu̱ a ya'ase̱ gwo̱mo-to̱ u̱n ká kuub-o̱ u̱r-du̱w o̱ à. Jin-de u̱n wu̱ u̱n rem-de u̱t-Ibra “Abaddo̱n” wu̱, u̱t-Girik komo, “Apo̱riyon” Wata “Wan-hom u̱n hun-ne̱.”