Yakubu 3:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Amba u̱rege̱ u̱n hur-u̱r no̱, no̱ u̱r-shoob, u̱t-yage̱ ne̱, komo u̱n co̱n-to̱ u̱r-hi ne̱, to̱ yagu̱ no̱ u̱s-se̱s, no̱ m-ze̱e̱ no̱ u̱s-we̱e̱r ne̱. Taase no̱ yage̱ ma-to̱ o-nip.

Yakubu 3:14 ပူးပေါင်းရင်းမြစ်များ

Matiyos 27:18

(Biratus nepste̱ remen u̱r-shoob o̱ se̱k-ye̱ ye̱ u̱n Yahuda-ne̱ shipte̱ Ye̱so.)

Yohana 16:2

Ye̱a ruut no̱ u̱n kuke̱-to̱ u̱n yoos u̱n Ma-to̱ Shir. Nip-o̱ da-o ro̱o̱n o̱ ye̱ hette̱ no̱ m-ho̱ à, ye̱ hyene̱ ye̱ zee Shir-o̱ ye̱ ro̱ m-no̱me̱ u̱r-seke̱.

Se̱nge̱-mo̱ 13:45

Amba bo̱ Yahuda-ne̱ hyente̱ mo̱ro̱g-de u̱n hun-ne̱ de̱e̱n à, shoob-u̱r ho̱o̱ru̱ ye̱. Ye̱ de̱k ma-to̱ Burus rwo̱re̱ á, ye̱ ro u̱n re̱e̱b-to̱ u̱n wu̱.

Se̱nge̱-mo̱ 26:9

“To̱, me̱ u̱n hi u̱n de ma n-ga, u̱m ro hyanag u̱ntu̱n bo̱ se̱k-ye̱ ye̱ u̱n Yahuda-ne̱ ro hyange̱ à. U̱m nom u̱s-rem u̱t-mo̱o̱r ne̱, u̱m wenet ma-u̱t Ye̱so ko-wa-o-Nazaret re̱ co.

Se̱nge̱-mo̱ 5:17

Ko-Gwo̱mo-wu̱ u̱n ko̱n-se Shir u̱n ka ye̱ wu̱ ro̱tte̱ ne̱ be-u̱r gaan à, (a ye̱ m-ze̱e̱, bu̱u̱g-de u̱n Saduki-ne̱), ye̱ shiiru̱ u̱n shoob-de u̱n yan-To̱m Ye̱so de̱e̱n.

Se̱nge̱-mo̱ 7:9

“Remen ka ya-n-ga-ye̱ ro u̱n shoob-u̱r heno u̱n ye̱ Yusuhu, ye̱ babu̱ wu̱. A heetu̱ wu̱ dak-o̱ o-Masar. Amba Shir ro mo̱sse̱ u̱n wu̱ ne̱.

Roma-ne̱ 1:29

Ye̱ shiishe̱ u̱n no̱m u̱n me̱n-u̱t jaas-to̱ ko̱yanda. Ye̱ ro̱ u̱n nome̱ hun-ne̱ rem-u̱s yo̱-se. Ye̱ pe̱ne̱g o-su̱u̱b. Ye̱ m-no̱m u̱n rem-se he naas u̱n hur-de u̱n ne̱t à. Ye̱ pe̱ne̱g u̱r-shoob. Ye̱ ro̱ u̱n hoom u̱n hun-ne̱. Ye̱ pe̱ne̱g u̱t-ween. Ye̱ m-raks u̱n hun-ne̱. Ye̱ ro̱ u̱n e̱ss u̱n ne̱t u̱r-hur. Ye̱ ro̱ u̱t-we̱.

Roma-ne̱ 13:13

A she'et no̱ she'et-de u̱r-bon bo̱ hun-ne̱ ro̱ m-she'et da-o̱ m-cecar à. Taase no̱ he̱'e̱be̱ u̱n karge̱ de ya-m-swo̱ á, ko̱ de ya-o-ás á, ko̱ ya-m-dum, u̱r-shoob ne̱ á.

Roma-ne̱ 2:17

M-mo̱ka me̱ u̱n yo ken rii-yo ne̱ yo me̱ wo̱ m-gene̱ à. Wo̱ m-aag u̱n hi u̱n du ko-Yahuda. Wo̱ m-'wo̱ns u̱n karamsa-o Mosa. Wo̱ komo m-gwo̱n u̱n she'et u̱n du u̱n Shir ne̱.

Roma-ne̱ 2:8

U̱n cen o̱ ye̱ ken hun-ne̱ ye̱ ro̱ u̱n co̱n-to̱ u̱r-hi ne̱, ye̱ yage̱ o-nip à, ye̱ ro̱ u̱n no̱m u̱n rem-se u̱n ba u̱r-bon, ryaab-se Shir ro̱ u̱n hi-de u̱n ye̱, komo ye̱a su̱ u̱r-ko̱o̱b de̱e̱n.

1 Korinti-ne̱ 13:4

Was-mo̱ ro̱ m-hante̱ m-mo̱ u̱r-hur, u̱r-'wo̱n ne̱. Was-m ro̱ m-hante̱ u̱r-shoob á, gwo̱n-m ro̱ ko̱n á, ko̱ nu̱-mo̱ u̱r-hi á.

1 Korinti-ne̱ 3:3

Remen har m-mo̱ka no̱ u̱n hur-de ma-hun ne̱. Remen no̱ u̱n shoob-de u̱n o̱r no̱ ne̱ yan-dor, komo no̱ m-dum u̱n hi u̱n no̱ u̱n hi u̱n no̱. Da-o̱ no̱ nome̱ go̱n ka rem-se, ai har m-mo̱ka no̱ ro̱su̱ru̱ u̱n hur-de ma-hun ne̱ o̱ ka. Nip-o̱ no̱ ro̱ m-nom u̱ntu̱n hun-ne̱ ye̱ nape̱ Shir á.

1 Korinti-ne̱ 5:2

Har rii-yo m-gwo̱n yo ká no̱ kume̱! Ashi, ¿u̱depe̱ me̱n-to̱ tu̱k no̱, no̱ ruut ká wu̱ no̱me̱ go̱ u̱n ká rem-se be u̱n no̱ á? Depete̱ no̱ ruut wu̱ be u̱n no̱.

1 Korinti-ne̱ 5:6

Gwo̱n-mo̱ no̱tte̱ à rii-yo u̱r-bon yo á, remen no̱ yagu̱te̱ ne̱t-wu̱ depe̱ á be-u̱r no̱. Ashi, ¿no̱ nap u̱nze, ya o-yist o-re̱k yo ro̱ u̱n hundu̱nse̱ u̱n ho̱n u̱r-buro̱di á?

2 Korinti-ne̱ 12:20

Me̱ o-gye̱r taase da-o̱ me̱ habe̱ u̱m 'wo̱s no̱ bo̱ u̱m hwo̱ o-sakto̱ á, ko̱ komo no̱ hyen me̱ bo̱ no̱ hwo̱ o-sakto̱ á. Me̱ o-gye̱r o̱ u̱t-ween, u̱r-shoob ne̱, u̱s-ryaab ne̱, u̱n co̱n-to̱ u̱r-hi ne̱, o-agegense̱ ne̱, u̱t-re̱e̱b ne̱, u̱n nu̱-mo̱ u̱r-hi ne̱, o-da rem ne̱ komo.

Garatiya-ne̱ 5:15

Amba u̱rege̱ no̱ ro̱ m-dum u̱n hi u̱n no̱, no̱ u̱s-haw, no̱ u̱n ti'in hi u̱n no̱ u̱ntu̱n nem-ye̱ o-ko̱t, muut no̱ u̱r-hi, taase no̱ sabre̱ kap!

Garatiya-ne̱ 5:20

Gu̱w-mo̱ u̱s-to̱o̱g ne̱, u̱n Mo̱r-ne̱, Hun-ne̱ yan-yage̱-u̱t o̱r u̱n ye̱ ne̱ m-dum ne̱, komo, Ye̱ m-nome̱ u̱n o̱r u̱n ye̱ ne̱ u̱r-shoob, Ryaab-se, komo u̱n Co̱n-to̱ u̱r-hi ne̱, Ye̱ ro̱ m-e̱s be-u̱r gaan á, u̱n Cakarse̱ u̱n hun-ne̱ ne̱,

Garatiya-ne̱ 5:21

U̱r-shoob ne̱, Mar-mo̱ m-swo̱ komo, Ye̱ ro̱ u̱n mo̱sse̱ u̱t-hi be-de m-no̱m o-ás u̱n bu̱-yo u̱n su̱ swo̱o̱g ne̱, u̱n Se ken rem-se ne̱ u̱ntu̱n kaane̱. Me̱ no̱ m-ke̱we̱s, u̱ntu̱n bo̱ u̱m ke̱wse̱ no̱ n-ga à, u̱nze ye̱ ro̱ m-no̱m u̱n go̱ u̱n ka rem-se à, ye̱a kum m-co̱w n-me̱ u̱n Gwo̱mo-to̱ Shir á.

Garatiya-ne̱ 5:26

Taase a warag yan-'yons u̱r-hi ko̱ yan-'yons u̱n hur-de u̱n hun-ne̱, ko̱ yan-shoob-de u̱n ye̱ ken ya á.

Garatiya-ne̱ 6:13

Ko̱ ka ye̱ ro̱ u̱r-ko̱ ne̱ à, ye̱ m-do̱re̱ o-karamsa u̱n hi u̱n de u̱n ye̱ á. Ye̱ de̱ ye̱ co̱no̱g a ko no̱ remen nu̱-mo̱ u̱r-hi, ye̱ ro̱ m-ze̱e̱ ye̱ rwo̱'e̱ a koot no̱.

Piripi-ne̱ 1:15

Nip-o̱, ye̱ ken ye̱ ro̱ m-ko̱'o̱t u̱n ma-u̱t Kiristi, remen ye̱ ro̱ u̱r-shoob. Ye̱ ko̱'o̱te̱ ma-u̱t Ye̱so u̱n co̱n-mo̱ u̱r-hur, ye̱ ro̱ m-co̱n u̱m su̱ u̱r-ko̱o̱b ke'o à. Amba ye̱ ken ye̱ ko̱'o̱tte̱ ma-u̱t Kiristi, u̱n hur-u̱r gaan, ye̱ ka, ye̱ ro̱ m-ko̱'o̱t remen ye̱ co̱no̱g me̱, komo ye̱ nepste̱ Shir rwo̱'o̱g me̱ kaane̱ a kutute̱ hun-ne̱ u̱nze ka Ma-to̱ m-Re̱re̱m to̱ nip-o̱.

1 Timoti 2:4

Rii-yo rwo̱'e̱ Shir ro̱tte̱ u̱n ho̱ge̱ m-re̱re̱m à, Shir co̱no̱g ko̱ wu̱ ke ne̱t-wu̱ kum gwu̱ u̱n nap-o̱ o-nip ne̱ u̱n Ye̱so.

1 Timoti 6:4

Ka hun-ne̱ ye̱ pe̱ne̱g uku o-cin. Ye̱ ro̱ m-hyan sa o zee ye̱ nepse̱ ko̱yan, amba ye̱ nap rii-yo ye̱ u̱r-yoos á. Ye̱ ro̱ u̱n ho̱ge̱ u̱n re̱re̱m-mo̱ u̱n su̱ne̱-mo̱ u̱n Ma-to̱ Shir, sa o zee yan-hoob-o̱ u̱t-ween. Go̱ u̱n kaane̱ ro̱ m-hante̱ u̱r-shoob, u̱t-re̱e̱b ne̱, u̱n ma-u̱t yo̱-to̱ ne̱, ye̱ ro̱ u̱s-barag hun-ne̱ ro̱ u̱n no̱m u̱n rem-u̱s yo̱-se.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

Yakubu 1:18

U̱n co̱n-mo̱ u̱n wu̱ o̱, wu̱ hantu̱tu̱ na n-me̱ u̱n gom-de o-nip, wu̱ ye'et na ho̱o̱g pu̱-o̱ remen wu̱ kumutú̱ na be-de jiishe̱ u̱r-bon à. Shir u̱n no̱m kaane̱ remen be-de u̱n rii-yo wu̱ no̱me̱ à, a warag u̱ntu̱n mat-de o-co u̱n kap rii-yo wu̱ no̱me̱ à.

Yakubu 3:16

Remen ko̱ kene̱ no̱ hyane̱ u̱r-shoob, u̱n co̱n-to̱ u̱r-hi ne̱, káne̱ komo no̱ he hyan m-dum, u̱n go̱n ko̱ se ke rem-u̱s yo̱-se ne̱.

Yakubu 5:19

O̱r re ne̱, u̱rege̱ wu̱ ken wu̱ be-u̱r no̱ yagu̱te̱ co̱w-yo Shir yo o-nip, komo wu̱ ken wu̱ be-u̱r no̱ mu̱u̱ntu̱ru̱ wu̱ u̱n co̱w,