Yakubu 1:26 - Mɑ‑to̱ Shir Taku̱rda-o swo̱r o-nu pu̱-o̱

²⁶ U̱rege̱ ne̱t ro̱ u̱s-barag u̱nze wu̱ ro̱ m-no̱m u̱n rii-yo Shir co̱ne̱ à, amba wu̱ bo̱p rem-de u̱n wu̱ be-de u̱n ma-to̱ hwaa á, wu̱ ro̱ u̱n raks u̱n hi u̱n de u̱n wu̱, dor-o u̱n wu̱ hwaa o̱.

Yakubu 1:26 ပူးပေါင်းရင်းမြစ်များ

Matiyos 15:9

Gu̱w-mo̱ u̱n ye̱ mo̱ ye̱ ro̱ me̱ m-nome̱ à, mo̱ o-hwaa mo̱, ye̱ su̱gu̱te̱ karamsa-o̱ Shir u̱n yoos-de u̱n ye̱.’ ”

Markus 7:7

Bo̱ngo̱n-de ye̱ ro̱ me̱ m-nome̱ à, hwaa o̱. Remen, ye̱ ro̱ u̱n yoos u̱n karamsa-o̱ u̱n hun-ne̱ sa o zee karamsa-to̱ Shir.’ ”

Ruka 8:18

“No̱m no̱ ce̱e̱n, bo̱ no̱ ro̱ m-ho̱ge̱ à, remen ye̱ ro̱ u̱n rii ne̱ à, ye̱ a he m-do'e̱, amba ye̱ ro̱tte̱ rii á, Shir a rumus ka yo ye̱ hyane̱ ye̱ ro̱ u̱n yo ne̱ à.”

1 Korinti-ne̱ 15:15

U̱rege̱ nip-o̱, u̱nze margan-ne̱ a ine̱ á, te̱ waragte̱ yan-to̱r-se u̱t-bo̱. Me̱ u̱n ze̱e̱ kaane̱ remen te̱ ko̱'o̱te̱ u̱nze Shir 'yonste̱ Kiristi be-de u̱n saag, komo bo̱-to̱ ka, u̱rege̱ nip-o̱ margan-ne̱ ro̱ m-ine̱ á.

1 Korinti-ne̱ 15:2

Komo Shir a gu no̱ u̱n bu̱-yo u̱n ka Ma-to̱ m-Re̱re̱m to̱, u̱rege̱ no̱ go̱kste̱ kom-u̱t yoor. U̱n ba ka á, she̱r-m no̱ be-u̱r Kiristi mo̱ waragte̱ hwaa.

1 Korinti-ne̱ 3:18

Taase ko̱ wu̱ ke ne̱t-wu̱ raks hi u̱n de u̱n wu̱, wu̱ ro̱ m-ze̱e̱ wu̱ ko-ya-u̱s-we̱e̱r wu̱ m-mo̱ka, se̱ wu̱ muss hi u̱n de u̱n wu̱ u̱ntu̱n ko-raag remen wu̱ waragté̱ ko-ya-u̱s-we̱e̱r.

Garatiya-ne̱ 2:6

Amba ka hun-ne̱ ye̱ ro̱ yan-co à, ye̱ do̱ rii be-de u̱n yoos-de me̱ m-yoos á. (U̱n hyan-o re ko̱ ye̱ ro̱ wan-ne̱ kap gaan to̱ be u̱n de, remen Shir ro̱tt m-koos á.)

Garatiya-ne̱ 2:9

U̱n hyan o̱ u̱n bo̱ Shir ya'u̱ me̱ yar-mo̱ u̱n wu̱ à, Yakubu, Bitrus u̱n Yohana ne̱ go̱ksu̱ru̱ me̱. Ye̱, ye̱ a e̱sse̱ ye̱ ro̱ co be-de u̱n hun-ne̱ yan-dor Ye̱so à, ye̱ go̱ksu̱ru̱ te̱ te̱ Barnabas u̱n hur-u̱r gaan. Myet-m te̱, te̱ de̱k hi u̱n te̱ u̱nze te̱ u̱n Barnabas te̱a he be-de u̱n ye̱ ro̱ Yahuda-ne̱ á. Ye̱ ká komo ye̱ he be-de u̱n Yahuda-ne̱.

Garatiya-ne̱ 3:4

¿Ashe̱ ko̱o̱b-de no̱ swo̱o̱ go̱-u̱s-go̱ à, waragte̱ hwaa o̱ ka? ¿A nome̱ kaane̱?

Garatiya-ne̱ 6:3

U̱rege̱ wu̱ ken ro̱ u̱n uku o-cin u̱nze wu̱ yo ken rii-yo yo, ashi ne̱ wu̱ yo ken rii-yo yo á, hi u̱n de u̱n wu̱ wu̱ ro̱ m-raks.

Apisu-ne̱ 4:29

No̱ jar no̱ no̱me̱ o̱r no̱ ma-to̱ u̱n ba u̱r-bon á. Amba cep no̱ ma-to̱ he m-do'e̱ o̱r no̱ ne̱ jaab-o̱ u̱t-me̱n à, remen ye̱ bo'osu̱té̱ m-she̱r ne̱ be-de Shir remen ma-u̱t u̱n no̱. Rwo̱r no̱ ma-to̱ depe̱ à, to̱ he gu u̱n hun-ne̱ à.

Apisu-ne̱ 5:4

Komo no̱ jar no̱ no̱m ma-to̱ m-'e̱ ko̱ ma-to̱ o-hwaa, ko̱ ar-de u̱n ba u̱r-bon á. O̱tte̱ kaane̱ à, jiishte̱ no̱ se̱nge̱ bo̱ngo̱n-de Shir u̱n rii-yo wu̱ no̱me̱ à.

Korosiya-ne̱ 4:6

Nomo no̱ ye̱ u̱t-ma gwe̱rgwe̱r, remen ye̱ ho̱gu̱té̱ re̱re̱m-mo̱ u̱n rege̱n no̱ u̱t-to̱ u̱n yo no̱ m-ze̱e̱ à. Da-o̱ no̱ m-rwo̱r à, no̱m no̱ ce̱e̱n remen no̱ nept bo̱ depe̱ no̱ shes wu̱ à we̱e̱r-u̱s-we̱e̱r.

Yakubu 1:19

Baks no̱ yo ka, o̱r re ne̱ yan-dor, Ko̱ wu̱ ke ne̱t-wu̱ ma'as zo̱ngse̱ wu̱ ho̱gu̱te̱, amba taase wu̱ nom ho̱r-mo̱ m-ce̱p komo wu̱ no̱m ho̱r-mo̱ u̱s-ryaab á.

Yakubu 1:22

No̱m yo Ma-to̱ Shir ze̱e̱ à, ho̱gu̱-mo̱ cot, ba m-nom á. Wu̱ ro̱ m-ho̱ge̱ u̱t-to̱ temb à, wu̱ ro̱ o̱ ka m-raks u̱n hi u̱n de u̱n wu̱.

Yakubu 2:20

Wo̱ ko-raag! ¿Ko̱ wo̱ u̱n co̱n m-mo̱ka u̱m ru̱ru̱ wo̱ u̱nze m-she̱r ba m-se̱nge̱ hwaa o̱?

1 Bitrus 3:10

Ma-to̱ Shir ze̱e̱g, “Bo̱n ne̱t-wu̱ co̱ne̱ m-ho̱o̱g komo wu̱ hyen ho̱-to̱ u̱r-bon à, Se̱ wu̱ doste̱ rem-de u̱n wu̱ be-de u̱n te̱p u̱ jaas-o̱ komo wu̱ dos nu-o̱ u̱n wu̱ be-de u̱t-raks.