Yahuda-ne̱ 9:24 - Mɑ‑to̱ Shir Taku̱rda-o swo̱r o-nu pu̱-o̱

²⁴ Remen Kiristi wu̱ co̱w be-de u̱n de̱pi-o̱ hun-ne̱ ma'e̱ u̱n kom-to̱ u̱n ye̱, o̱ ro̱ sha-mo̱ u̱n o̱ n-To̱n á. Amba wu̱ haag n-To̱n shir komo, m-mo̱ka wu̱ ro̱ be-de Shir remen wu̱ guut na.

Yahuda-ne̱ 9:24 ပူးပေါင်းရင်းမြစ်များ

Matiyos 18:10

“Nap no̱ ha, taase no̱ yo'og ko̱ wan-gaan n-me̱ u̱n ká yakar-ye̱, remen me̱ no̱ m-ru̱re̱, yan-to̱m-ye̱ Shir ye̱ u̱n ye̱ ro̱ be-de Shir Tato re wu̱ ro̱ n-To̱n à.

Markus 14:58

Ye̱ ze̱e̱ru̱. “Te̱ ho̱gu̱te̱ wu̱ ze̱e̱g wu̱a he̱e̱s Pyo-o̱ Shir o̱ hun-ne̱ ma'e̱ à, rii-yo ho̱-u̱t tet nomot wu̱ me'es o ho̱r-o̱, yanze ne̱ ma-to̱ u̱n ko-hun á.”

Markus 16:19

Da-o̱ Ye̱so Wan-Ko̱yan na komse̱ ru̱re̱ u̱n yan-neke̱-mo̱ u̱n wu̱ ka ma-to̱ à, Shir de̱ku̱ru̱ wu̱ n-To̱n shir. Wu̱ she'etu̱ru̱ u̱n kom-o a re̱-o̱ Shir.

Ruka 24:51

Da-o̱ wu̱ ro̱ ye̱ u̱n ru̱'e̱ u̱n nu-o̱ u̱r-bon à, wu̱ yagu̱ru̱ ye̱. Shir de̱ku̱ru̱ wu̱ n-To̱n u̱n shir.

Yohana 16:28

Ka o̱ ne̱ komo, be-de o-Tato u̱m rwu̱u̱ne̱, u̱m co̱wo̱nte̱ ho̱no o-dak. M-mo̱ka ne̱ komo me̱ u̱n hede o̱ m-yage̱ u̱m waragté̱ re̱e̱no̱ be-de o-Tato.”

Yohana 6:62

¿Ka da-de ne̱, ya no̱ he u̱s-barag u̱rege̱ no̱ hyanag me̱ Wà-wu̱ u̱n ne̱t, m-warag n-To̱n u̱n shir komo?

Se̱nge̱-mo̱ 3:21

Depete̱ se̱ Ye̱so she'essu̱te̱ n-To̱n shir, har da-o̱ a he muut u̱s-rem u̱s-pu̱ se kap à, bo̱ Shir rwo̱re̱ cin u̱n n-ga à, u̱n nu-o̱ u̱n yan-rwo̱r u̱n Ma-to̱ Shir ye̱ u̱n ba m-ku̱ko̱p.

Roma-ne̱ 8:33

¿Wa he m-heet u̱s-ce̱te̱nte̱ se u̱n ye̱ Shir daage̱ à? Ko̱ ne̱t! Shir u̱n hi u̱n de u̱n wu̱ muute̱ ye̱ yan-ba-u̱r-ba'as be-de u̱n wu̱.

2 Korinti-ne̱ 5:1

Remen te̱ nepse̱ u̱nze u̱rege̱ a wurumte̱ ka hur-o̱ te̱ ro̱tte̱ u̱r-she'et n-me̱ u̱n o̱ à, (wata wu̱r-u̱t te̱, to̱ u̱n ka ho̱no o-dak o̱), Shir u̱n hi u̱n de u̱n o̱ o̱a me te̱ o-hur n-To̱n shir. Ka hur-o̱ ba u̱t-kom a ma o̱ á. Komo o̱a she'et ba m-ta.

Korosiya-ne̱ 3:2

Remen kaane̱, se̱ngu̱ no̱ barag-se u̱n rem-se ro̱ n-To̱n shir à. No̱ no̱m barag-se u̱n ka rem-u̱s yo̱-se se u̱n kàne̱ u̱n o-dak á.

Yahuda-ne̱ 1:3

Wo̱ gu̱te̱ Wà-wu̱ Shir, o hyanu̱ru̱ se̱ps-mo̱ Shir. Wo̱ hyene̱ wu̱, ragaan-wu̱ ro̱ u̱n Shir ne̱. Wu̱ ro̱ bo̱k ho̱no o-dak u̱n ma-to̱ u̱n wu̱ to̱ u̱r-be̱e̱b. Bo̱ wu̱ soksu̱tu̱ na ba'as-u̱t na à, wu̱ daaru̱ n-To̱n u̱n shir, wu̱ she'etu̱ru̱ u̱n be-de u̱t-gwo̱mo n-riib o̱ u̱n Shir Wa-u̱t-Hyat.

Yahuda-ne̱ 12:2

A se̱nge̱ no̱ tu u̱n yish be-u̱r Ye̱so wu̱ she̱r-m na ro̱ be-de u̱n wu̱ à, cin u̱r-takan har da-o̱ u̱r-ko̱m. Wu̱ no̱mo̱g jaab-o̱ u̱t-me̱n n-to̱n o-kan be-de u̱n yo'og o̱ a no̱mu̱ wu̱ à, har wu̱ meret remen wu̱ nepste̱ wu̱a no̱m o-zak o-co. M-mo̱ka wu̱ ro̱ tara u̱n kom-o u̱r-re̱ de u̱n Shir, be-de jiishe̱ m-se̱k à n-To̱n.

Yahuda-ne̱ 4:14

A u̱n caari-wu̱ u̱n ko-Gwo̱mo-wu̱ u̱n ko̱n-se Shir, wu̱ ha'e̱ re̱ n-To̱n à, wu̱ wu̱ ro̱ Ye̱so Wà-wu̱ Shir. Remen kaane̱ yage̱ a bu̱pt she̱r-m na u̱t-kom u̱t-yoor to̱ a ro̱tte̱ à.

Yahuda-ne̱ 6:20

Ye̱so be'estu̱ na m-wo̱ kane̱, komo wu̱ u̱n co̱w u̱n su̱ge̱-u̱r na. Wu̱ ro̱ komo ko-Gwo̱mo-wu̱ u̱n ko̱n-se Shir wu̱ u̱n ba m-ta u̱ntu̱n Markisadik.

Yahuda-ne̱ 8:2

Kane̱ wu̱ ro̱ m-no̱m u̱n se̱nge̱-mo̱ u̱n wu̱ mo̱ u̱n ko̱n-se Shir u̱n de̱pi-o̱ o-nip o̱ Wan-Ko̱yan nome̱ à, yanze u̱n de̱pi-o̱ hun-ne̱ no̱me̱ á.

Yahuda-ne̱ 8:5

Se̱nge̱-mo̱ ye̱ ro̱tte̱ à horomte̱-o̱ u̱n sha-mo̱ u̱n rem-se ro̱ n-to̱n à, o̱ rwo̱'e̱ Shir ke̱we̱ste̱ Mosa da-o̱ wu̱ ro u̱n zo̱nge̱-to̱ wu̱ meet de̱pi-o̱ u̱n ko̱n-se Shir à. Ka da-o̱ Shir kewsu̱ wu̱, Shir zee, “No̱m ce̱e̱n, o nom ko̱yan bo̱ u̱m kutu wo̱ n-to̱n u̱n ká haag-o̱ à.”

Yahuda-ne̱ 9:1

Ma-to̱ Shir e̱sse̱ u̱r-takan u̱n hun-ne̱ ye̱ o-Isra-ne̱ à, to̱ ro̱ karamsa-to̱ kute̱ hun-ne̱ bo̱ ye̱ he u̱r-kwu̱kt be-de Shir à. U̱n de̱pi-de a hette̱ u̱r-kwu̱kt be-de Shir kane̱ o-dak à.

Yahuda-ne̱ 9:23

Ro u̱r-bon ne̱, a so'os rem-se u̱n ho̱no o-dak u̱r-seke̱ remen se sha-mo̱ temb mo̱ u̱n rem-se n-To̱n shir, amba rem-se n-To̱n shir u̱n hi u̱n de u̱n se, se a so'oste̱ se u̱t-seke̱, to̱ jiishe̱ to̱ n-ga à.

Yahuda-ne̱ 9:9

Myet ka de̱pi-o̱, ya o̱ ro̱ u̱ntu̱n sha-mo̱ u̱t-ma be-u̱r na m-mo̱ka, o̱ kutu̱ na u̱nze yar-m na u̱n seke̱-u̱r na ne̱ to̱ a m-ya'as à, to̱ bo'os so'os u̱n hur-de u̱n yan-kwu̱kte̱ u̱n Shir be-de u̱r-ba'as cas cas á.

1 Bitrus 3:22

Kiristi ro̱ m-mo̱ka n-To̱n, so̱ u̱n re̱-de Shir. Yan-to̱m-ye̱ Shir, u̱t-gwo̱mo, komo m-'wo̱ns ne̱ kap ro̱ u̱n kom-to̱ u̱n wu̱.

U̱t-Hyangan 8:3

Ka da-o̱ wu̱ ken wan-to̱m-wu̱ Shir wu̱ u̱n sheend-de o-zinariya ne̱ u̱t-kom de u̱n rii-yo m-shi'igin, wu̱ wo̱o̱nu̱ru̱ wu̱ e̱su̱ru̱ yow yow o-hana ne̱. A ya'asu̱ wu̱ rii-yo m-shi'igin de̱e̱n remen wu̱ mo̱ssu̱té̱ u̱n ko̱n-se u̱n hun-ne̱ ye̱ Shir ne̱, n-to̱n o-hana o-zinariya o̱ ro̱ u̱n he̱r-o̱ o-kwu̱u̱r à.