Yahuda-ne̱ 6:10 - Mɑ‑to̱ Shir Taku̱rda-o swo̱r o-nu pu̱-o̱

¹⁰ Taase no̱ zee Shir ro̱ m-was u̱n se̱nge̱-m no̱ ne̱ á. Wu̱ ro̱ m-was u̱n mo̱ ne̱. Wu̱a top ko̱ wu̱ ke ne̱t-wu̱ se̱nge̱-mo̱ u̱n wu̱. No̱ ye̱ ro̱ m-was u̱n wu̱ ne̱ à, no̱ ye̱ kutu̱ wu̱ m-was be-de u̱n yan-dor ye̱ u̱n wu̱ à. Har m-mo̱ka no̱ ro̱ ye̱ m-gu.

Yahuda-ne̱ 6:10 ပူးပေါင်းရင်းမြစ်များ

Matiyos 10:42

Komo myet bo̱ u̱n wu̱ ya'e̱ wan-gaan be-de u̱n ká hun-ne̱ ye̱ à, ko̱ ibitte̱-u̱r gaan-de u̱n ho̱-mo̱ m-gwu̱gwu̱ remen wan-neke̱-m re wu̱, nip-o̱ me̱ no̱ m-ru̱re̱, wu̱a kum 'yons-de u̱n wu̱ be-de Shir.”

Matiyos 20:7

“Ye̱ shasu̱ru̱ wu̱, ‘Remen yatt-wu̱ ya'asu̱ te̱ rii-yo m-no̱m á.’ “Ká ko-ya-o-kat-wu̱ ze̱e̱ru̱ ye̱, ‘Neke̱ no̱ u̱n kat-o re, no̱a 'wo̱s ye̱ ken ye̱ no̱ mo̱sse̱ m-se̱nge̱ u̱n ye̱ ne̱.’

Matiyos 25:17

Káane̱ komo, wu̱ go̱kse̱ ba-u̱t yoor à, wu̱ swo̱o̱ru̱ ho̱-mo̱ u̱n ba-u̱t yoor.

Markus 9:41

Nip-o̱ me̱ no̱ m-ru̱re̱, wu̱ ya'e̱ no̱ ho̱-mo̱ m-swo̱ à, remen no̱ ye̱ ma Kiristi ye̱ à, wu̱a sabre̱ be-de Shir á.”

Yohana 13:20

Me̱ no̱ m-ru̱re̱ o-nip, bo̱ u̱n ne̱t-wu̱ go̱kse̱ wu̱ u̱m to̱mbe̱ à, wu̱ go̱kste̱ me̱ o̱ ka. Wu̱ go̱kse̱ me̱ ne̱ à, wu̱ go̱kste̱ Shir o̱ ka wu̱ to̱mne̱ me̱ à.”

Se̱nge̱-mo̱ 10:31

Ka ne̱t-wu̱ ze̱e̱ru̱, ‘Ko̱neriyus, a go̱kste̱ ko̱n-u̱s ru, ka ko̱o̱b-ne̱ ye̱ wo̱ m-gu komo à, ka ma-to̱ a wakte̱ rii-yo m-baks be-de Shir.

Se̱nge̱-mo̱ 10:4

Ko̱neriyus tuuru̱ wu̱ yish gye̱r-o-gye̱r, wu̱ ze̱e̱ru̱, “Wa-u̱t-Go̱s, ¿yan yo ne̱?” Wan-to̱m-wu̱ Shir ze̱e̱ru̱ wu̱, “Ko̱n-u̱s ru se u̱n gwu̱-o̱ u̱n ko̱o̱b-ne̱ ne̱ se wo̱ m-no̱m à, se wo̱o̱g be-de Shir, rem-se m-baks se komo be-de u̱n Shir.

Se̱nge̱-mo̱ 11:29

Yan-neke̱-m Ye̱so kupsu̱ u̱t-ma u̱nze ye̱ tomte̱ o̱r re u̱n ye̱ ne̱ gwu̱ ye̱ ro̱ n-me̱ dak-o̱ o-Judiya à, ko̱ wu̱ ke ho̱n u̱n 'wo̱ns-mo̱ u̱n wu̱.

Roma-ne̱ 12:13

Wong no̱ yo no̱tte̱ à u̱n hun-ne̱ ye̱ Shir ne̱ ye̱ ro̱ o-hoob à. No̱ se̱nge̱ barke̱ u̱n hamat-ne̱ hur-u̱r gaan.

2 Korinti-ne̱ 9:1

Ba se̱ u̱m gendu̱té̱ no̱ ma-to̱ u̱n gu u̱n yan-dor ye̱ Shir o-Urusharima á.

Garatiya-ne̱ 5:13

O̱r re ne̱, Shir co̱no̱g no̱ she'et sak komo sasa. Amba we̱r no̱ taase ka she'et-u̱r no̱ de o-sasa de warag no̱ bu̱-yo u̱n do̱re̱ u̱n rem-se wu̱r-o co̱ne̱ à. U̱n su̱ge̱-de u̱n kaane̱, yagu̱ no̱ ka she'et-de o-sasa de wootu̱ no̱ u̱n nome̱ u̱n ye̱ ken ye̱ m-gu̱w n-me̱ m-was.

Garatiya-ne̱ 5:6

Remen a ro n-me̱ u̱n Kiristi Ye̱so, ko̱ u̱r-ko̱ ko̱ ba u̱r-ko̱ yo ken rii-yo yo á be-u̱r na. Amba rii-yo Shir co̱ne̱ cot à yo ro̱ ne̱t she̱r be-u̱r Kiristi, komo ho̱o̱g-mo̱ u̱n wu̱ ro̱ m-kute̱ wu̱ co̱no̱g Shir u̱n hun-ne̱ ne̱.

Garatiya-ne̱ 6:10

Remen kaane̱, ko̱yanda a kume̱ o-da, se̱ a nome̱ ko̱ wu̱ ke ne̱t-wu̱ rii-yo u̱r-bon, yo jiishe̱ ma à, ka ye̱ ro̱ o̱r na ne̱ ye̱ atte̱ she̱r-m gaan à.

Korosiya-ne̱ 3:17

Myet bo̱ u̱n rii-yo no̱ m-ze̱e̱ u̱n yo no̱ m-nom ne̱ à, nom no̱ yo n-me̱ u̱n jin-u̱r Wan-Ko̱yan Ye̱so. No̱ se̱nge̱ bo̱ngo̱n-de Shir o-Tato u̱n bu̱-yo u̱n Wan-Ko̱yan Ye̱so.

1 Tasaronika-ne̱ 1:3

Te̱ m-baks u̱n se̱nge̱-m no̱ ne̱ mo̱ m-she̱r u̱n co-o̱ Shir Tato na u̱n se̱nge̱-mo̱ no̱tte̱ à remen no̱ was hun-ne̱. Da-o̱ hun-ne̱ ya'u̱ no̱ u̱r-ko̱o̱b à, no̱ u̱n 'mo̱ u̱r-hur ne̱ remen no̱ ro̱ o-sakto̱ ne̱ n-me̱ u̱n Wan-Ko̱yan na Ye̱so Kiristi.

1 Timoti 6:18

Ru̱re̱ ye̱, ye̱ nome̱ hun-ne̱ rem-se u̱r-bon u̱n hwo̱r u̱n ye̱. O bakse̱ yan-hwo̱r ye̱ ma'as m-yar kom-u̱t yoor, komo ye̱ se̱nge̱ wong u̱n rii-yo ye̱ ro̱tte̱ à.

2 Timoti 4:8

M-mo̱ka Shir e̱ssu̱te̱ me̱ 'yons-u̱r kashi n-to̱n o-shir, remen u̱m se̱ngu̱te̱ m-she̱r be-de u̱n wu̱. Wan-Ko̱yan wan-piish u̱t-ma wu̱ o-nip, wu̱a ya'as me̱ u̱r-'yons u̱n ka ho̱-de u̱n piish u̱t-ma de. Me̱ wu̱ cot Wan-Ko̱yan he m-ya'as u̱n ka 'yons-de u̱n ho̱n-de á. Amba Shir a 'ye hun-ne̱ ka 'yons-de, komo myet u̱n ye̱ ro̱ u̱r-go̱p ye̱ hyenet mu̱u̱n-mo̱ u̱n wu̱ à.

Yahuda-ne̱ 10:32

To̱-u̱t to̱ ka no̱ caari-de u̱r-ko̱o̱b de no̱ swo̱'e̱ da-o̱ no̱ takne̱ m-go̱ks m-cecar á. O̱ ken da-o̱ hun-ne̱ pyapartu̱ no̱ komo ye̱ bu no̱ be-to̱ u̱n hun-ne̱, de ken da-de no̱ swo̱o̱g u̱r-ko̱o̱b u̱n o̱r no̱ ne̱.

Yahuda-ne̱ 13:16

Taase to̱-to̱ ke no̱ u̱n gu u̱n o̱r no̱ ne̱ ne̱, no̱ wo̱ng rem-se no̱ kume̱ à. Ka se̱nge̱-mo̱ mo̱ waragte̱ u̱r-seke̱ komo de Shir ho̱ge̱ re̱re̱m-mo̱ u̱n de à.

1 Yohana 1:9

Amba u̱rege̱ a rwo̱ro̱g ba'as-u̱t na be-de Shir, wu̱ kashi-wu̱, wan-shoos u̱t-ma wu̱, wu̱a ho'osu̱ ba'as-u̱t na, komo wu̱ soks ba'as-u̱t na, wu̱ so'osu̱ na ko̱ se ke rem-u̱s yo̱-se se kap.