Yahuda-ne̱ 4:12 - Mɑ‑to̱ Shir Taku̱rda-o swo̱r o-nu pu̱-o̱

¹² Remen Ma-to̱ Shir to̱ ro̱ u̱n ho̱o̱g ne̱. To̱ ro̱ m-'wo̱ns ne̱. To̱ ro̱ m-se̱nge̱ u̱ntu̱n o-magay o̱ m-rye jit-u̱r-jit. U̱ntu̱n magay-o̱ ro̱ m-caat u̱r-ap u̱t-caar ne̱, o̱ kutu̱ na rii-yo ro̱ n-me̱ na à, ka bo̱-o̱ Ma-to̱ Shir ro̱ m-co̱w u̱n hur-de u̱n ne̱t, to̱ kutu̱ na barag-u̱s na se u̱r-bon u̱n se u̱n ba u̱r-bon ne̱.

Yahuda-ne̱ 4:12 ပူးပေါင်းရင်းမြစ်များ

Ruka 8:11

“Ka sha-mo̱ u̱t-ma to̱ mo̱ ka: Ka go̱-ye̱ Ma-to̱ Shir to̱.

Yohana 12:48

Ne̱t-wu̱ yage̱ me̱ à, wu̱ go̱ks komo ne̱ ma-u̱t re á, wan-piish u̱n wu̱ u̱t-ma ro̱ ko̱n. Ma-u̱t re to̱ u̱m rwo̱re̱ à, to̱ a hette̱ ne̱t piishe̱ u̱t-ma u̱n ho̱-de u̱r-ko̱m.

Yohana 6:51

Me̱ wu̱ ro̱ ka buro̱di-to̱ u̱n ho̱o̱g-to̱ to̱ rwu̱u̱ne̱ n-To̱n u̱n shir à. Bo̱n ne̱t-wu̱ re̱ ka buro̱di-to̱ à, wu̱a nom ho̱o̱g-mo̱ ba m-ta. Ka buro̱di-to̱ komo wu̱r-o re o̱, o̱ u̱m he m-ya'as à, remen ho̱no o-dak o̱ nomot ho̱o̱g.”

Se̱nge̱-mo̱ 2:37

Bo̱ hun-ne̱ ho̱gu̱te̱ kaane̱ à, ka ma-to̱ do̱'u̱ru̱ ye̱ u̱t-me̱n, ye̱ ze̱e̱ru̱ Bitrus u̱n ye̱ ka yan-To̱m-ye̱ Ye̱so ye̱ ne̱, “O̱r re ne̱ Isra-ne̱, ¿ya a he no̱ m-no̱m?”

Se̱nge̱-mo̱ 4:31

Bo̱ ye̱ nomte̱ ko̱n-se Shir à, ka be-de ye̱ rotte̱ u̱r-mo̱ro̱g à, de nuktu̱ru̱. Kap mo̱ u̱n ye̱ argu̱ m-shi u̱n Ku̱kt-o̱ Shir, ye̱ se̱ngu̱ rwo̱r u̱n ma-to̱ Shir ba o-gye̱r.

Se̱nge̱-mo̱ 5:33

Bo̱ se̱k-ye̱ ho̱gu̱te̱ kaane̱ à, ye̱ ho̱gu̱ u̱s-ryaab de̱e̱n, har ye̱ cu̱n ye̱ ho yan-To̱m Ye̱so.

Se̱nge̱-mo̱ 7:38

Mosa wu̱, wu̱ karakse̱ hun-ne̱ ye̱ o-Isra o-ko̱t. Wu̱ ro káne̱ u̱n tat-ne̱ na ne̱ komo u̱n ka wan-to̱m-wu̱ Shir wu̱ ne̱ wu̱ no̱me̱ u̱t-ma u̱n wu̱ ne̱ u̱n Haag-o o-Sinay à. Wu̱ wu̱ komo go̱ksu̱ne̱ ma-to̱ yan-ho̱o̱g be-de Shir wu̱ hantu̱ na.

Roma-ne̱ 1:16

Me̱ u̱n ho̱ge̱ u̱n 'e̱-mo̱ u̱n rwo̱r u̱n Ma-to̱ m-Re̱re̱m á. Me̱ u̱n ze̱e̱ kaane̱ remen to̱ ro̱ na m-kute̱ u̱n be̱e̱b-de Shir. Ka be̱e̱b-de de ro̱ u̱n gwu̱-o̱ u̱n myet ye̱ she̱re̱ be-de u̱n wu̱ à, Yahuda-ne̱ u̱r-takan, ka da-de ye̱ ro̱ Yahuda-ne̱ á.

1 Korinti-ne̱ 1:24

Amba ma-to̱ te̱ m-rwo̱r à to̱ ro̱, Kiristi be̱e̱b-de Shir de u̱n nap-se u̱n wu̱ ne̱ be-de u̱n ye̱ a aage̱ à, ko̱ Yahuda-ne̱, ko̱ ye̱ ro̱ Yahuda-ne̱ á.

2 Korinti-ne̱ 2:17

Na ba u̱ntu̱n ye̱ ken hun-ne̱ ye̱ a ro̱ á, ye̱ ro̱ m-rwo̱r u̱n Ma-to̱ Shir remen ye̱ su̱u̱t m-ho̱ á. Kaane̱ o̱ be u̱n te̱ á, bo̱ te̱ gu̱w-ne̱ Kiristi à, te̱ nepste̱ u̱nze Shir ro̱ te̱ o-gwo̱t, te̱ m-yoos o-nip ne̱ ma-to̱ Shir to̱mu̱te̱ m-rwo̱r à.

2 Korinti-ne̱ 4:2

Amba a 'yer yo ro̱ wukusse̱ à, ka rem-se m-'e̱ se. Yatt-yo da te̱ u̱t-raks ne̱, ko̱ te̱ nom u̱t-bo̱ u̱n Ma-to̱ Shir á. Amba te̱ m-rwo̱r u̱n o-Shir m-ho̱w cas. N-me̱ u̱n kaane̱ ko̱wan he m-su̱'e̱ nip-o te̱ u̱n co-o̱ Shir n-me̱ u̱n hur-de u̱n wu̱.

Apisu-ne̱ 5:13

Amba da-o̱ a hante̱ u̱s-rem be-de m-cecas, ka da-de, ko̱wan he se m-nap bo̱ se ro̱ à.

Apisu-ne̱ 5:26

Wu̱ u̱n no̱m kaane̱ remen wu̱ muuté̱ ye̱ cas cas be-de Shir, wu̱ so'os ye̱ m-ho̱ u̱n Ma-to̱ u̱n wu̱.

Apisu-ne̱ 6:17

Ka nap-se u̱nze Shir guug na be-de m-mar, ya se ro̱ u̱ntu̱n to̱o̱b-o̱ u̱r-gu̱n, o̱ no̱ he m-co̱p à. Ship no̱ Ma-to̱ Shir n-me̱ hur-u̱t no̱. Ya to̱ ro̱ u̱ntu̱n magay-o̱ Ku̱kt-o̱ Shir ya'asu̱ na to̱ guut na à.

1 Tasaronika-ne̱ 2:13

Remen kaane̱ o̱ te̱tte̱ u̱n bo̱m u̱n Shir ko̱yanda, remen, da-o̱ no̱ go̱kse̱ Ma-to̱ Shir, to̱ no̱ ho̱ge̱ be u̱n te̱ à, no̱ go̱ks to̱ u̱ntu̱n ma-to̱ u̱n ne̱t á. U̱n su̱ge̱-de u̱n kaane̱ ma, no̱ go̱kstu̱ to̱ bo̱ to̱ ro̱ à, Ma-to̱ Shir. Ká Ma-to̱ Shir to̱, to̱ ro̱ m-se̱nge̱ n-me̱ u̱n hur-u̱r no̱, no̱ ye̱ she̱re̱ à.

1 Tasaronika-ne̱ 5:23

Me̱ u̱n ko̱n-se Shir u̱n hi u̱n de u̱n wu̱, wu̱ ro̱ m-gwu̱gwu̱ mo̱ u̱r-hur ne̱ à. Me̱ u̱n ko̱n-se u̱n wu̱ remen wu̱ muutú̱ no̱ war war ba m-ku̱ko̱p, wu̱ 'er ku̱kt-o no̱, u̱n ho̱o̱g-m no̱ ne̱, u̱n wu̱r-u̱t no̱ ne̱ kap, no̱ waragté̱ ba u̱r-re̱e̱b u̱n har da-o̱ Wan-Ko̱yan na Ye̱so Kiristi he m-mu̱u̱n à.

Yahuda-ne̱ 13:7

War no̱ u̱n yan-co no̱ ne̱ ye̱ n-ga ye̱ yoosu̱ no̱ Ma-to̱ Shir à. No̱m no̱ u̱s-barag u̱n bo̱ ye̱ she'ete̱ she'et-de u̱n ye̱ à, no̱ yoos go̱n she̱r-mo̱ u̱n ye̱ be-de Shir.

Yakubu 1:18

U̱n co̱n-mo̱ u̱n wu̱ o̱, wu̱ hantu̱tu̱ na n-me̱ u̱n gom-de o-nip, wu̱ ye'et na ho̱o̱g pu̱-o̱ remen wu̱ kumutú̱ na be-de jiishe̱ u̱r-bon à. Shir u̱n no̱m kaane̱ remen be-de u̱n rii-yo wu̱ no̱me̱ à, a warag u̱ntu̱n mat-de o-co u̱n kap rii-yo wu̱ no̱me̱ à.

1 Bitrus 1:23

Remen Shir ja'astu̱ no̱ mat-o pu̱-o̱ komo, ba u̱n go̱-ye̱ ro̱ m-sabre̱ á, amba ye̱ ro̱ m-she'et har ko̱yan nomot be-de u̱n Ma-to̱ Shir o̱ u̱n ho̱o̱g à.

U̱t-Hyangan 1:16

Wu̱ ro̱ bu̱pu̱ u̱n re̱ge̱n-ne̱ ta'yoor u̱n kom-o̱ u̱n wu̱ o̱ u̱r-re̱. Komo magay-o̱ m-rye jit-u̱t-jit rwu̱u̱nu̱ru̱ u̱n nu-o̱ u̱n wu̱. Komo co-o̱ u̱n wu̱ ro̱ u̱s-myakt u̱ntu̱n e̱s-mo̱ u̱r-ho̱ u̱r-hi.

U̱t-Hyangan 19:15

O̱ ken magay-o̱ m-rye o̱ rwu̱u̱nu̱ru̱ u̱n nu-o̱ u̱n wu̱. U̱n ka magay-o̱ wu̱ reete̱ u̱t-dak. Komo, “Wu̱a nom gwo̱mo-to̱ u̱n ye̱ u̱n ko̱-yo o-kwo̱m.” Komo wu̱a rwu̱u̱te̱ caari-se u̱n ryaab-se Shir Wa-u̱t-Gwo̱mo Kap be-de u̱n hun-ne̱ u̱ntu̱n ne̱t-wu̱ ro̱ 'mo̱ u̱n yakar-ye̱ u̱s-'yo be-de a u̱n po̱t u̱t-us à.

U̱t-Hyangan 19:21

A ho̱o̱ru̱ karma-ne̱ ye̱ u̱n ye̱ o-magay o̱ rwu̱u̱ne̱ u̱n nu-o̱ u̱n ká wu̱ ro̱ tara n-to̱n u̱n jo̱k-o o-pus yo à. Ho̱n u̱n no-ye̱ n-to̱n myet ye̱ re̱e̱ru̱ ap-mo̱ u̱n ká u-to̱ bo̱ ye̱ co̱ne̱ à.

U̱t-Hyangan 2:16

Waktu̱n no̱, no̱ yage̱ ba'as-u̱t no̱! U̱n ya kááne̱ á, man habe̱ ba u̱n naas o-da u̱m gu̱nu̱t u̱r-gu̱n u̱n ye̱ ne̱ u̱n magay-o̱ nu-o re.

U̱t-Hyangan 2:23

Man hoom yakar-ye̱ u̱n wu̱. Komo myet-mo̱ u̱n hun-ne̱ yan-dor Ye̱so a nep u̱nze, me̱ wu̱ ro̱ m-byarag u̱n barag-se u̱n ne̱t u̱n me̱n-to̱ u̱n wu̱ ne̱. Komo man to̱pe̱ ko̱ wu̱ ke yo wu̱ no̱me̱ à.

U̱t-Hyangan 20:4

Ka da-o̱ u̱m hyanu̱ u̱t-kwu̱u̱r. Komo u̱m hyanu̱ ka hun-ne̱ ye̱ ro̱ tara tara u̱n ka kwu̱u̱r-to̱ à, a ya'ag ye̱ gwo̱mo-to̱ u̱n piish u̱t-ma. U̱m hyanu̱ru̱ komo ho̱o̱g-mo̱ u̱n ye̱ a kupre̱ u̱t-hi remen to̱r-u̱s Ye̱so à, komo u̱n rwo̱r u̱n Ma-to̱ Shir ne̱. Ye̱ ro̱ ka ye̱ kwu̱kte̱ ka nem-yo á, ko̱ sha-mo̱ u̱n yo á. Komo ye̱ go̱ks napa-o̱ u̱n yo u̱n zwo̱n-to̱ u̱n ye̱ ko̱ ne̱ u̱n kom-to̱ u̱n ye̱ á. Ye̱ mu̱u̱nu̱ru̱ u̱n ho̱o̱g ne̱ komo, ye̱ re̱e̱ru̱ u̱t-gwo̱mo be-u̱r gaan u̱n Kiristi ne̱ har u̱s-hak dugu-o gaan [1,000].