Yahuda-ne̱ 3:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Remen a se̱ngu̱tu̱ no̱ m-she̱r gu̱ng gu̱ng be-de Shir bo̱ a ro m-no̱m u̱r-takan à, har u̱r-ko̱m, bo̱ a he m-warag kang-o gaan u̱n Kiristi ne̱ à.

Yahuda-ne̱ 3:14 ပူးပေါင်းရင်းမြစ်များ

Roma-ne̱ 11:17

A kupru̱ru̱ se ken jet-se u̱n 'yo-se o-ze̱tun se a m-go̱ à, a deku̱ru̱ jet-yo u̱n 'yo-yo o-ze̱tun yo o-ko̱t, a geeru̱ se u̱t-ge. No̱ ye̱ ro̱ Yahuda-ne̱ á, sa o zee 'yo-se o-ze̱tun se o-ko̱t no̱ ro̱, no̱ a mo̱sse̱ u̱r-'wu̱n ne̱, Yahuda-ne̱, ye̱ no̱ kume̱ kwu̱m-o̱ Shir remen ye̱.

Roma-ne̱ 11:22

Kaane̱ Shir a hoks m-kute̱ was-mo̱ u̱n wu̱, u̱n ryaab-se u̱n wu̱ ne̱. Wu̱ kutute̱ ye̱ no̱me̱ u̱r-ba'as à ryaab-se u̱n wu̱, amba wu̱ ya'u̱ru̱ wo̱ yar-mo̱ u̱n wu̱. Amba se̱ o go̱kste̱ kom-u̱t yoor. U̱rege̱ wo̱ go̱ks kom-u̱t yoor á, wo̱ ma a kups wo̱ u̱n ka 'wu̱n-de.

1 Korinti-ne̱ 1:30

Ba rii-yo u̱s-se̱s yo á, Shir o̱ gu no̱ bo̱ wu̱ mo̱ssu̱ no̱ u̱n Ye̱so Kiristi ne̱ à. Be-u̱r Ye̱so o̱, u̱n yo wu̱ nome̱ ne̱ à o̱ rwo̱'e̱ Shir guut na. U̱n bu̱-o Ye̱so Shir muute̱ na kashi, yan-ba-m-ku̱ko̱p, u̱n hun-ne̱ ye̱ wu̱ ruute̱ be-de u̱n ba'as-to̱ u̱n ye̱ à.

1 Korinti-ne̱ 10:17

A re̱e̱g no̱ ka buro̱di-de u̱r-gaan na ye̱ ro̱ u̱t-mo̱o̱r ne̱ à. Kaane̱ kutute̱ na wu̱r-o gaan a ro̱, remen buro̱di-u̱r gaan-de a re̱ myet-m na.

1 Korinti-ne̱ 9:23

Myet me̱ u̱n no̱m kaane̱ remen ko̱'o̱t u̱n Ma-to̱ m-Re̱re̱m, komo remen me̱ u̱n yan-dor ne̱ kumut rem-se u̱r-bon se Shir su̱rte̱ o-nu wu̱ ya'as na à.

Apisu-ne̱ 3:6

Yo Shir wuke̱ à yo ro̱: be-de u̱n rwo̱r u̱n Ma-to̱ m-Re̱re̱m to̱ ma Kiristi Ye̱so, ye̱ ro̱ Yahuda-ne̱ á, yan-dor Ye̱so ye̱a kum u̱r-gwu̱u̱g hond hond u̱n te̱ ne̱ Yahuda-ne̱. No̱ u̱n te̱ ne̱ a waragte̱ u̱ntu̱n hun-ne̱ gaan. No̱ ye̱ ro̱ Yahuda-ne̱ á no̱ ro̱ u̱n de ma no̱ gwu̱u̱g-de ne̱ de ka yo Shir su̱ru̱ na o-nu u̱n bu̱-o Ye̱so Kiristi à.

1 Timoti 6:2

U̱rege̱ yan-hur-o u̱n ye̱ yan-dor ye̱, to̱ gu̱w-ne̱ taase ye̱ nom ko̱o̱b-de o-do̱ro̱tte̱ remen yan-dor ye̱. Amba ye̱ do̱ rwo̱ u̱r-hi be-de u̱n nome̱ u̱n ye̱ m-se̱nge̱. Yo rwo̱'e̱ ye̱ hette̱ m-no̱m kaane̱ à, da-o̱ ye̱ ro yan-hur-o̱ u̱n ye̱ m-gu, ye̱ o̱ ka m-gu u̱n o̱r ye̱ ne̱ yan-dor Ye̱so. Ka ma-to̱ o he ye̱ m-yoose̱ à, o do ye̱ jaab-o̱ u̱t-me̱n ye̱ do̱re̱ to̱.

Yahuda-ne̱ 11:1

She̱r-m ro̱ na m-'ya u̱r-be̱e̱b u̱nze a kum rii-yo a o-dish à. Komo a neps rii cin ba a u̱n hyan yo u̱n yish.

Yahuda-ne̱ 12:10

Tat na ne̱ ye̱ ro̱ na m-nome̱ u̱s-so̱ro̱g u̱n ya o-da hiin bo̱ ye̱ co̱ne̱ à, ká bo̱ o̱ Shir ro̱ na no̱me̱ u̱s-so̱ro̱g remen wu̱ guut na, a waragté̱ hun-ne̱ ba m-ku̱ko̱p bo̱ wu̱ ro̱ à.

Yahuda-ne̱ 3:1

Remen kaane̱, tu no̱ yish be-u̱r Ye̱so, wu̱ Shir to̱mne̱, wu̱ waragte̱ na ko-Gwo̱mo-wu̱ u̱n ko̱n-se Shir u̱n ru̱ru̱ u̱n ye̱ ken ye̱ ne̱ u̱n yo te̱ she̱rte̱ à.

Yahuda-ne̱ 3:6

Amba Kiristi no̱mo̱g o-nip bo̱ wu̱ ro̱ Wà u̱n hur-o̱ Shir à. Shir ro̱ m-she̱r u̱n wu̱ u̱n gwo̱mo-to̱ u̱n hun-ne̱ ye̱ Shir. Komo a ro̱ ká hun-ne̱ ye̱, u̱rege̱ a ro̱ u̱n jaab-o̱ u̱t-me̱n ne̱, komo a nom u̱s-se̱s u̱n sakto̱-o na ne̱, ka o̱ ro̱ n-me̱ Kiristi.

Yahuda-ne̱ 6:11

Rii-yo te̱ co̱ne̱ à, ko̱ wu̱ ke wan-gaan no̱ wu̱, wu̱ se̱nge̱ go̱ u̱n ká se̱nge̱-mo̱ har a woot ho̱-de Shir. A kum rii-yo a o-sakto̱ à be-de wu̱.

Yahuda-ne̱ 6:4

Ka ye̱ she̱re̱ be-de Shir à, ka da-de ye̱ 'yaru̱ru̱ yo Ye̱so no̱mu̱ ye̱ à n-to̱n o-kan, ye̱a ho̱ks m-waktu̱ne̱ be-de Shir komo á, ra no̱me̱ á. Ka ye̱ nape̱ nip-o̱ Shir à, Ka ye̱ rake̱ yar-mo̱ u̱n To̱n-o shir n-me̱ u̱n Ma-to̱ u̱n Shir à, Komo ye̱ go̱kste̱ wo̱ng-de u̱n ye̱ de Ku̱kt-o Shir, u̱n be̱e̱b-de a he ye̱ m-'ya à, n-me̱ u̱n ho̱o̱g-o̱ ro̱o̱ne̱ à, ye̱a hoks m-waktu̱ne̱ be-de Shir komo á. Ye̱a hoks m-waktu̱ne̱ komo á, remen ye̱ 'yarag Ye̱so u̱r-seke̱ de u̱n wu̱ ne̱. Ye̱ ro̱ u̱ntu̱n ká hun-ne̱, ye̱ kame̱ Ye̱so to̱n-o ce à. Ye̱ ro̱ u̱ntu̱n ká hun-ne̱, ye̱ yo'oge̱ Ye̱so be-de hun-ne̱ komo à.

1 Bitrus 4:13

Amba no̱m no̱ o-zak, remen no̱ m-swo̱ u̱r-ko̱o̱b bo̱ Kiristi swo̱ de à. Remen no̱a nom o-zak de̱e̱n da-o̱ wu̱ he m-mu̱u̱n u̱n se̱ps-mo̱ u̱n wu̱ ne̱ à.

1 Bitrus 5:1

U̱m co̱no̱g m-do se̱k-ye̱ no̱ jaab-o̱ u̱t-me̱n. Me̱ abre ko-se̱k, me̱ wu̱ hyane̱ bo̱ Kiristi swo̱ u̱r-ko̱o̱b à. Komo kane̱ co a wong se̱ps-mo̱ u̱n wu̱ u̱n me̱ ne̱ da-o̱ a he na mo̱ m-kute̱ à.

1 Yohana 1:3

Yo te̱ ho̱ge̱, u̱n yo te̱ hyane̱ ne̱ à, yo te̱ no̱ m-ru̱re̱, remen no̱ ma'aste̱ kang-o gaan u̱n te̱ ne̱. Bo̱ te̱ kang-o gaan o-Tato ne̱ u̱n Wà u̱n wu̱ ne̱ Ye̱so Kiristi à.