Yahuda-ne̱ 2:9 - Mɑ‑to̱ Shir Taku̱rda-o swo̱r o-nu pu̱-o̱

⁹ Wu̱ a m-hyan à wu̱ ro̱ Ye̱so, u̱n ya o-da hiin a muute̱ wu̱, wu̱ wo̱o̱ yan-to̱m-ye̱ Shir á. Remen yar-mo̱ Shir, Ye̱so marag remen hun-ne̱ kap. Komo m-mo̱ka bo̱ wu̱ su̱u̱te̱ u̱r-ko̱o̱b har wu̱ meret à, a sagabu̱tu̱ wu̱ m-se̱ps, m-se̱k ne̱.

Yahuda-ne̱ 2:9 ပူးပေါင်းရင်းမြစ်များ

Matiyos 16:28

Nip-o̱ me̱ no̱ m-ru̱re̱, ye̱ ken ye̱ ro̱ ko̱n eso eso kane̱ ye̱a mer á, har se̱ ye̱ hyanag haan-mo̱ u̱n Wà-wu̱ u̱n ne̱t n-me̱ u̱n gwo̱mo-u̱t Tato u̱n wu̱.”

Matiyos 6:28

Ye̱so haaru̱ co m-ze̱e̱, “No̱ ryegen u̱n saw-to̱ no̱ he m-co̱p á. Gwo̱t no̱ mo̱k-to̱ o-ko̱t bo̱ to̱ ro̱ m-bo̱'o̱se̱ à, to̱ ro̱ m-se̱nge̱ ko̱ m-ce u̱t-gund á.

Markus 9:1

Ye̱so dooru̱ ye̱ u̱t-ma, wu̱ ze̱e̱ru̱, “Ho̱ge̱ no̱! Nip-o̱ me̱ no̱ m-ru̱re̱, ye̱ ken ye̱ be u̱n no̱ ye̱ mo̱rge̱ kane̱ à, rii-yo ye̱ meret ye̱a hyen gwo̱mo-to̱ Shir rwu̱u̱nte̱ u̱n be̱e̱b-de u̱n to̱ ne̱.”

Ruka 9:27

Nip-o̱, ye̱ ken ye̱ be-u̱r no̱ kane̱, ye̱a mer á, se ye̱ hyanag gwo̱mo-to̱ Shir.”

Yohana 1:29

Bo̱ ish geste̱ à, Yohana hyanbu̱ru̱ Ye̱so ro̱ m-nekne̱ be-de u̱n wu̱. Wu̱ ze̱e̱ru̱, “Gwo̱t no̱ Ca-yo Shir yo de̱ke̱ ba'as-to̱ u̱n ho̱no o-dak à!

Yohana 10:17

Remen kááne̱ o̱, Tato re waste̱ u̱n me̱ ne̱ remen mar-mo̱ u̱m he'e̱, remen u̱m ineté̱ komo à.

Yohana 12:32

Amba me̱, da-o̱ a kame̱ me̱ n-to̱n o-kan à, remen kááne̱ man ru̱ hun-ne̱ m-haan be u̱n de.”

Yohana 3:16

“Remen was-mo̱ Shir wasse̱ u̱n ho̱no o-dak ne̱ à, o̱ hante̱ wu̱ to̱mo̱nte̱ mat-de u̱n Wà u̱n wu̱ wan-gaan cot. Wu̱ u̱n no̱m kaane̱, remen bo̱ u̱n ne̱t-wu̱ she̱re̱ hur-de u̱n wu̱ be-de u̱n wu̱ à, taase wu̱ sabre̱, amba wu̱ kumut ho̱o̱g-mo̱ ba m-ta.

Yohana 8:51

Me̱ no̱ m-ru̱re̱ o-nip, ko̱wan wu̱ ro̱ m-no̱m o-do̱ro̱tte̱ u̱n ma-u̱t re ne̱, wu̱a mer á har da-o̱ ba m-ta.”

Yohana 8:52

Se̱k-ye̱ be-de u̱n Yahuda-ne̱ ze̱e̱ru̱, “O̱'o̱, te̱ nak m-mo̱ka u̱nze ya-u̱t-ko̱t daag wo̱ u̱r-hi. Ai, Ibrahi u̱n yan-Rwo̱r u̱n Ma-to̱ Shir ne̱ mereste̱. Wo̱ ne̱ komo, o zee bo̱ u̱n wu̱ no̱me̱ o-do̱ro̱tte̱ u̱n ma-u̱t ru ne̱ à, wu̱a mer á har da-o̱ ba m-ta.

Se̱nge̱-mo̱ 2:33

A ya'ag Ye̱so m-se̱k wu̱ she'et u̱n kom-o̱ u̱r-re̱ o̱ Shir. Komo wu̱ go̱kste̱ Ku̱kt-o̱ Shir be-de o-Tato, bo̱ a swo̱re̱ o-nu à. Wu̱ duusu na Ku̱kt-o̱ u̱n wu̱, o̱ hante̱ rii-yo no̱ m-hyan à, u̱n yo no̱ m-ho̱ge̱ ne̱ à.

Se̱nge̱-mo̱ 3:13

Shir Ibrahi, u̱n Ishaku, u̱n Yakubu ne̱, Shir tat-ne̱ te̱, wu̱ se̱pse̱ ko-gu̱w-wu̱ u̱n wu̱ Ye̱so. Biratus ko-Gwamna no̱mu̱ sakto̱-o̱ wu̱ ho'ostu̱ wu̱. Amba u̱n hek-o̱ u̱n kaane̱, no̱ yo'ogte̱ Ye̱so, no̱ yagu̱ wu̱ komo u̱t-yage̱ u̱n co Biratus.

Roma-ne̱ 5:18

U̱r-ko̱m, bo̱ ba'as-de u̱n wan-gaan hante̱ o-sabre̱ u̱n ho̱no o-dak kap à, kaane̱ ka rii gaan-yo kashi, yo Kiristi no̱me̱ à, yo hante̱ gwu̱ remen ko̱wan, bo̱ Shir muute̱ hun-ne̱ kashi u̱n ho̱o̱g pu̱-o̱ à.

Roma-ne̱ 5:8

Amba Shir kututu̱ na wu̱ waste̱ u̱n na ne̱, cin da-o̱ a ro ya-u̱t-ba'as à, Kiristi marag rem na.

Roma-ne̱ 8:3

Yo karamsa-o wo̱ hokse̱ m-no̱m á remen kende̱-de u̱n wu̱r-o̱ ma-hun, yo yo Shir no̱me̱. Shir to̱mo̱nte̱ Wà u̱n wu̱ wan-gaan cot u̱n sha-mo̱ u̱n wu̱r-u̱t na to̱ u̱r-ba'as remen wu̱ waragté̱ rii-yo u̱r-seke̱ rem u̱r-ba'as, Ye̱so doste̱ komo be̱e̱b-de u̱r-ba'as u̱n wu̱r-u̱t na.

Roma-ne̱ 8:32

Shir we̱n na Wà u̱n wu̱ à, amba wu̱ ya'astu̱ wu̱ rem na kap. ¿Wu̱a hoks na ya'as u̱n ko̱yan kom-u̱t yoor á?

2 Korinti-ne̱ 5:15

Wu̱ marag remen hun-ne̱ kap, remen ye̱ ro̱ u̱n ho̱o̱g ne̱ à, taase ye̱ she'et she'et-de u̱n yo hur-de u̱n ye̱ co̱ne̱ à. Se̱ de̱ ye̱ she'et remen wu̱ mare̱ rem u̱n ye̱ à, a 'yonste̱ wu̱ komo remen ye̱.

2 Korinti-ne̱ 5:21

Ye̱so Kiristi ce̱t no̱m u̱r-ba'as á! Amba ba'as-u̱t na Shir sawse̱ wu̱. U̱n kaane̱ o̱, n-me̱ u̱n Ye̱so Kiristi, a hoks she'et u̱n she'et-u̱r kashi be-de Shir.

Garatiya-ne̱ 4:4

Amba bo̱ da-o̱ Shir e̱sse̱ à woote̱ à, Shir to̱mnu̱ru̱ Wà u̱n wu̱. Wu̱ haante̱ u̱n bu̱-yo u̱n mat-o̱ u̱n ne'a. Wu̱ do̱ru̱te̱ ka karamsa-o̱ Shir ya'ase̱ Mosa à.

1 Timoti 2:6

Ye̱so ya'aste̱ hi u̱n de u̱n wu̱ har be-de m-mar, remen wu̱ rurut na kap. Ma-to̱ u̱n mar-m Kiristi, Shir ya'ag na m-mo̱ka o-da o̱ m-ru̱re̱ hun-ne̱ ka ma-to̱ u̱nze Shir co̱no̱g ko̱ wu̱ ke ne̱t-wu̱ kum gwu̱.

Yahuda-ne̱ 1:9

O bo̱k o-nip. Wo̱ u̱n no̱m u̱r-ba'as á. Remen kaane̱ o̱, me̱, Shir ru, u̱m dagantu̱ wo̱, U̱m sagabu̱tu̱ wo̱ u̱t-gwo̱mo arge̱ o̱r ru ne̱ o-zak ne̱.”

Yahuda-ne̱ 10:5

Remen kaane̱, da-o̱ Kiristi haane̱ u̱n ho̱no o-dak à, wu̱ ze̱e̱ru̱ Shir, “U̱t-seke̱ m-yar ne̱ mo̱ o co̱ne̱ á, Amba o ya'aste̱ wu̱r-o re.

Yahuda-ne̱ 11:5

Remen Enok she̱re̱g be-de Shir, wu̱ hyan m-mar u̱n yish-ye̱ u̱n wu̱ á. Hun-ne̱ nepste̱ Shir ho̱gu̱te̱ re̱re̱m-mo̱ u̱n wu̱. Ka da-de, wu̱ deku̱ru̱ wu̱ n-To̱n shir u̱n ho̱o̱g ne̱. A do wu̱ m-hyan o-dak komo á, remen Shir dekste̱ wu̱ n-To̱n shir.

Yahuda-ne̱ 12:2

A se̱nge̱ no̱ tu u̱n yish be-u̱r Ye̱so wu̱ she̱r-m na ro̱ be-de u̱n wu̱ à, cin u̱r-takan har da-o̱ u̱r-ko̱m. Wu̱ no̱mo̱g jaab-o̱ u̱t-me̱n n-to̱n o-kan be-de u̱n yo'og o̱ a no̱mu̱ wu̱ à, har wu̱ meret remen wu̱ nepste̱ wu̱a no̱m o-zak o-co. M-mo̱ka wu̱ ro̱ tara u̱n kom-o u̱r-re̱ de u̱n Shir, be-de jiishe̱ m-se̱k à n-To̱n.

Yahuda-ne̱ 2:7

U̱n ya o-da hiin, o rwo̱'o̱g ne̱t u̱n con-de wo̱ de u̱n yan-to̱m-ye̱ Shir á. Komo o sagbu̱ wu̱ m-se̱k mo̱sse̱ m-se̱ps ne̱.

Yahuda-ne̱ 7:25

Remen kaane̱, wu̱a hoks ca u̱n ko de ke ho̱-de ne̱, gu u̱n ye̱ ro̱ m-hyokne̱ yow yow be-de Shir u̱n raag-o̱ u̱n wu̱ à, remen wu̱ ro̱ u̱n ho̱o̱g ne̱ o̱ ba m-ta, wu̱ ro̱ komo m-ha co be-de u̱n ko̱n-se Shir remen ye̱.

Yahuda-ne̱ 8:3

Bo̱ Shir co̱ne̱ ko̱ wu̱ ke ko-Gwo̱mo-wu̱ u̱n ko̱n-se Shir, wu̱ 'ye m-yar u̱t-seke̱ ne̱ à. Wu̱ ma na ko-Gwo̱mo-wu̱ go̱s-wu̱ u̱n cen wu̱ se̱ wu̱ seke̱te̱ yo ken rii-yo.

1 Bitrus 1:21

U̱n bu̱-o Ye̱so no̱ m-she̱r be-de Shir, o̱ 'yonse̱ wu̱ be-de m-mar à, komo a ya'u̱ru̱ wu̱ u̱t-go̱s u̱n co̱w-yo m-se̱ke̱mse̱. Yo rwo̱'e̱ no̱ ru̱'u̱t she̱r-m no̱ o-sakto̱ ne̱ be-de Shir.

1 Yohana 2:2

Wu̱ wu̱ ya'ase̱ hyó-mo̱ u̱n wu̱ u̱r-sake̱ a rurut na be-to̱ u̱n ba'as-u̱t na. Yanze ne̱ to̱ ma na u̱n ho̱n-de u̱n to̱ á, har u̱n to̱ u̱n ho̱no o-dak ne̱ kap.

U̱t-Hyangan 19:12

Yish-ye̱ u̱n wu̱ u̱ntu̱n rem-de o-ra, komo u̱n hi-de u̱n wu̱ ro̱ u̱t-go̱nd ne̱ de̱e̱n. Komo wu̱ ro̱ u̱n de ken jin-de ne̱ gense̱. Ka jin-de yatt-wu̱ napu̱ de á se̱ wu̱.

U̱t-Hyangan 5:9

Ye̱ huru̱ se̱p-o pu̱-o̱, ye̱ ro̱ m-ze̱e̱: “Wo̱ wu̱ bo̱'o̱se̱ go̱ks u̱n kà taku̱rda-o pu'usse̱-o̱ komo o ke'es reke̱-to̱ u̱n o̱ o ups o̱. Remen n-ga a ro hoostu̱ wo̱, komo u̱n mar-m ru mo̱ u̱r-seke̱ o rundu̱te̱ Shir hun-ne̱ n-me̱ u̱n ko̱ o̱ ke baag-o̱, u̱t-rem ne̱, u̱n bu̱u̱g-to̱ u̱n hun-ne̱ ne̱ u̱t-dak ne̱.