Yahuda-ne̱ 12:22 - Mɑ‑to̱ Shir Taku̱rda-o swo̱r o-nu pu̱-o̱

²² Amba m-mo̱ka, no̱ wo̱o̱nte̱ u̱n Haag-o̱ o-Urusharima, be-de u̱n bo̱-o̱ Shir wu̱ u̱n ho̱o̱g, u̱nze o-Urusharima o̱ n-To̱n shir, be-de mo̱o̱r-to̱ u̱n yan-to̱m-ye̱ Shir ye̱ o-zak.

Yahuda-ne̱ 12:22 ပူးပေါင်းရင်းမြစ်များ

Matiyos 16:16

Simo̱n Bitrus shasu̱ru̱, “Wo̱ wu̱, Kiristi, Wà-wu̱ Shir wan-ho̱o̱g.”

Matiyos 5:35

Taase komo no̱ to̱nd o-dak, remen o̱ ro̱ u̱n ku̱s-o̱ u̱n na-se u̱n wu̱. Taase komo no̱ to̱nd u̱n jin-de o-Urusharima, remen o-Urusharima bo̱-o caari-o̱ o̱ u̱n ko-Gwo̱mo Shir.

Roma-ne̱ 11:26

Kaane̱ a he m-gu u̱n Isra-ne̱ myet. Bo̱ Ma-to̱ Shir ze̱e̱ à: “Wan-gwu̱ ro̱o̱n rwu̱u̱n-mo̱ o-Urusharima, wu̱ doste̱ ko̱o̱b-de o-do̱ro̱tte̱ be-de u̱n baag-o Yakubu.

Roma-ne̱ 9:26

Komo, “U̱n ka be-de a zee ye̱: ‘No̱ hun-ne̱ re ye̱ á,’ u̱n ka be-de a he ye̱ m-ze̱e̱, ‘Yakar-ye̱ Shir wu̱ u̱n ho̱o̱g.’ ”

Garatiya-ne̱ 4:26

Amba Urusharima-o pu̱-o̱ ro̱ ko̱n n-to̱n, na ye̱ m-ha kane̱ à ya a ro̱ sasa be-de u̱n dor-o̱ o-karamsa. Na ye̱ m-ha kane̱ à, a o̱ u̱n gwo̱t-o̱ o-bo̱ u̱nze o̱ ro̱ inu na remen na yakar-ye̱ Shir ye̱ ye̱ o-nip. Saratu, ba ko-gu̱w-wu̱ á, wu̱ ro̱ sha-mo̱ u̱n ka Urusharima-o pu̱-o̱ o̱.

Apisu-ne̱ 2:19

Remen kaane̱, m-mo̱ka no̱ ye̱ ro̱ Yahuda-ne̱ á no̱ kus hamat-ne̱ komo á, amba no̱ waragte̱ ragaan u̱n hun-ne̱ ye̱ Shir ne̱. Komo m-mo̱ka no̱ waragte̱ hun-ne̱ ye̱ u̱n den-o̱ Shir.

Piripi-ne̱ 3:20

Amba na, hur-u̱r na ro̱ n-To̱n u̱n shir komo na u̱r-'er de u̱n Wan-Gwu̱ rwu̱u̱nte̱ re̱e̱no̱ Wan-Ko̱yan, Ye̱so, ka Kiristi-wu̱, wu̱ Shir swo̱re̱ o-nu rem na à.

1 Tasaronika-ne̱ 1:9

Remen hun-ne̱ u̱n hi u̱n de u̱n ye̱, ye̱ ro̱ m-rwo̱r bo̱ no̱ go̱ksu̱ te̱ à. Komo u̱n bo̱ no̱ yage̱ m-gir, no̱ waktu̱nte̱ be-de Shir à, remen no̱ nomu̱té̱ Shir wu̱ o-nip u̱n o̱ u̱n ho̱o̱g ne̱ m-gu̱w.

2 Timoti 4:18

U̱m nepste̱ Wan-Ko̱yan wu̱a ruut me̱ u̱n ko̱ yo ke rii yo̱-yo yo. Wu̱a 'er me̱, wu̱ woot me̱ be-de u̱n gwo̱mo-to̱ u̱n wu̱ to̱ n-To̱n o-shir. Yage̱ a bu̱mu̱t Wan-Ko̱yan, har da-o̱ ba m-ta! Amin.

Yahuda-ne̱ 10:31

Rii-yo o-gye̱r yo a he̱'e̱be̱ be-de u̱n kom-to̱ Shir o̱ u̱n ho̱o̱g.

Yahuda-ne̱ 11:10

Ibrahi u̱n no̱m o-do̱ro̱tte̱ remen wu̱ ro̱ u̱n 'er-de bo̱-o̱ Shir huke̱ wu̱ shi à, komo wu̱ ma' o̱, bo̱-o̱ ba m-ta.

Yahuda-ne̱ 11:16

Ye̱ ro̱ u̱n hoob-o̱ o-bo̱ o̱ jiishe̱ o̱ n-dak à, ka bo̱-o̱, o̱ ro̱ n-To̱n shir. Remen kaane̱, Shir a hyen m-'e̱ a zee wu̱ ro̱ Shir o̱ u̱n ye̱ á, remen wu̱ nomsu̱tu̱ ye̱ o-bo̱ n-To̱n.

Yahuda-ne̱ 13:14

U̱ntasu̱ a was u̱t-yage̱ ne̱, to̱ hun-ne̱ ye̱ hon dak he na m-yage̱ á. Remen ho̱no o-dak o̱a te'es. Amba a no̱ u̱n hoob-o̱ u̱n bo̱-o̱ Shir o̱ ra te á.

Yahuda-ne̱ 3:12

No̱m no̱ ce̱e̱n, o̱r re ne̱, taase ko̱ wan-gaan be u̱n no̱ wu̱ no̱m barag-u̱s 'yo-se u̱n hur-de u̱n wu̱, ko̱ ne̱ ko̱o̱b-de m-she̱r, wu̱ tuke̱ Shir o̱ u̱n ho̱o̱g o-cin.

Yahuda-ne̱ 9:14

No̱m no̱ u̱s-barag, hyó-m Ye̱so Kiristi argte̱ hyó-mo̱ u̱t-gu̱t! Hyó-mo̱ u̱n wu̱ mo̱a so'os ri'in-to̱ u̱r-ba'as u̱n hur-u̱r na be-de u̱n no̱m u̱n rem-se o-hwaa se ro̱ m-hante̱ m-mar à. Wu̱ u̱n nom kaane̱ remen a nomoté̱ Shir o̱ u̱n ho̱o̱g, m-gu̱w. Ye̱so seke̱ Shir hi u̱n de u̱n wu̱ kashi u̱r-seke̱ komo remen ba'as-u̱t na. Wu̱ no̱m kaane̱ u̱n gwu̱-o̱ u̱n Ku̱kt-o̱ ba m-ta.

Yahudas 1:14

Enok, no̱mo̱g caara-u̱s ta'yoor bo̱ u̱n mar-m Adamu, wu̱ rwo̱ro̱g u̱t-ma mo̱sse̱ u̱n ka hun-ne̱ ye̱ ne̱ u̱nze, “Gwo̱t no̱, Wan-Ko̱yan ro̱o̱n u̱n yan-to̱m-ye̱ u̱n wu̱ ne̱, u̱s-dugu ba u̱r-me'et.

U̱t-Hyangan 14:1

Ka da-o̱ u̱m gwo̱tu̱ru̱, u̱m hyanu̱ru̱ Ya o-Rwu̱u̱g o-Ca yo ro̱ eso n-to̱n u̱n Haag-o̱ o-Urusharima mo̱sse̱ u̱n wu̱ ne̱ hun-ne̱ dugu-o zungu u̱n kwo̱o̱z-u̱t yoor u̱s-nass [144,000], ye̱ a ge̱ne̱ jin-de u̱n wu̱ u̱n de u̱n Tato u̱n wu̱ ne̱ à u̱n zwo̱n-to̱ u̱n ye̱.

U̱t-Hyangan 21:10

Ka wan-to̱m-wu̱ Shir wu̱ de̱ku̱ me̱ u̱n bu̱-yo Ku̱kt-o Shir wu̱ deetu̱ me̱ n-to̱n u̱n o̱ ken haag-o caari-o̱ o̱ m-pipir de̱e̱n. Wu̱ kutbu̱ me̱ o-Urusharima, bo̱-o̱ ba m-ku̱ko̱p o̱ ro̱ m-kergu̱ne̱ rwu̱u̱n-mo̱ n-To̱n be-de Shir.

U̱t-Hyangan 21:2

U̱m hyanu̱ru̱ komo ka bo̱-o̱ ba m-ku̱ko̱p o̱, Urusharima-o pu̱-o̱, o̱ ro̱ m-kergu̱ne̱ rwu̱u̱n-mo̱ n-To̱n be-de Shir. A gegu̱rsu̱te̱ o̱ u̱t-duk bo̱ ko-'ew ro̱ m-geger remen campo̱ u̱n wu̱ à.

U̱t-Hyangan 22:19

Komo bo̱ u̱n wu̱ haabe̱ yo ken rii-yo ro̱ u̱n kà taku̱rda-o̱ à, Shir a dos gwu̱u̱g-de u̱n wu̱ de u̱n mat-de u̱n 'yo-yo u̱n ho̱o̱g. Komo Shir a dos gwu̱u̱g-de u̱n wu̱ de u̱n ká bo̱-o̱ o̱ u̱n ba m-ku̱ko̱p o̱. U̱m geneste̱ ka rem-u̱s yoor-se n-me̱ u̱n kà taku̱rda-o̱.

U̱t-Hyangan 3:12

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man muut wu̱ o-dááb n-me̱ u̱n Pyo-o̱ Tato re. Ka ne̱t-wu̱ a tek yage̱ u̱n ka be-de á. N-to̱n u̱n wu̱r-o̱ u̱n wu̱ u̱m he m-ge̱n: Jin-de Shir re, u̱n Jin-de u̱n bo̱-o̱ Shir ne̱ (wata Urusharima-o pu̱-o̱, o̱ he m-kergu̱ne̱ e̱s-mo̱ n-To̱n shir à), u̱n Jin u̱n de ne̱ u̱r-pu̱ de.

U̱t-Hyangan 7:2

Komo u̱m hyanu̱ru̱ wu̱ ken wan-to̱m-wu̱ Shir wu̱ ro̱ m-rwu̱u̱n so̱ u̱r-ho̱ran. Wu̱ ro̱ u̱n reke̱-de Shir ne̱ wan-ho̱o̱g. Komo wu̱ kangsu̱ru̱ ka yan-to̱m-ye̱ Shir ye̱ nass ka ye̱ a ya'e̱ gwo̱mo-to̱ ye̱ ho̱gu̱sse̱ o-dak m-sa ne̱ m-hoog à.