Yahuda-ne̱ 1:9 - Mɑ‑to̱ Shir Taku̱rda-o swo̱r o-nu pu̱-o̱

⁹ O bo̱k o-nip. Wo̱ u̱n no̱m u̱r-ba'as á. Remen kaane̱ o̱, me̱, Shir ru, u̱m dagantu̱ wo̱, U̱m sagabu̱tu̱ wo̱ u̱t-gwo̱mo arge̱ o̱r ru ne̱ o-zak ne̱.”

Yahuda-ne̱ 1:9 ပူးပေါင်းရင်းမြစ်များ

Ruka 4:18

“Ku̱kt-o̱ u̱n Yawe ro̱ u̱n hi u̱n de, remen wu̱ dagante̱ me̱ u̱m hantu̱te̱ ko̱o̱b-ne̱ ka Ma-to̱ m-Re̱re̱m to̱. Wu̱ to̱mu̱nte̱ me̱ u̱m ko̱'o̱t a us ka ye̱ a gage̱ à, komo u̱n ups u̱n yish-ye̱ u̱n po̱-ne̱ ne̱. U̱m guut ye̱ a mo̱'e̱ à,

Yohana 1:41

Andarawus neku̱ru̱, wu̱ ru̱ru̱ se̱k-wu̱ u̱n wu̱ Simo̱n Bitrus. Wu̱ zee, “Caane̱, te̱ hyanag Mesaya,” (Ka gom-de, de a m-ze̱e̱ Kiristi).

Yohana 10:17

Remen kááne̱ o̱, Tato re waste̱ u̱n me̱ ne̱ remen mar-mo̱ u̱m he'e̱, remen u̱m ineté̱ komo à.

Yohana 20:17

Ye̱so ze̱e̱ru̱ wu̱, “Wo̱ bo̱p me̱ á, har m-mo̱ka me̱ u̱n go̱ da be-u̱r Tato re á tokon. Se̱ de̱ o neke̱ be-u̱r o̱r re ne̱, o ru̱ru̱ ye̱ u̱nze man de be-u̱r Tato re, komo ne̱ Tat no̱, Shir re wu̱ ro̱, komo ne̱ Shir no̱.”

Yohana 3:34

Wu̱ Shir to̱mne̱ à, Ma-to̱ Shir to̱ wu̱ ro̱ m-rwo̱r, remen Shir ro̱ wu̱ m-'ya u̱n Ku̱kt-o̱ u̱n wu̱ ba u̱r-me'et.

Se̱nge̱-mo̱ 10:38

No̱ nepste̱ Shir daage̱ Ye̱so wu̱ o-Nazaret, bo̱ Shir ya'ase̱ wu̱ Ku̱kt-o̱ Shir à, komo u̱r-be̱e̱b ne̱. Remen Shir ro mo̱sse̱ u̱n wu̱ ne̱, wu̱ se̱ngu̱ m-pa wu̱ ro u̱n no̱m u̱n se̱nge̱-mo̱ m-so̱k, wu̱ ro u̱n taase̱ u̱n kap ye̱ ko-Gwo̱mo-wu̱ u̱n ya-u̱t-ko̱t shipe̱ à, go̱m-se u̱n ye̱.

Se̱nge̱-mo̱ 4:26

Gwo̱mo-ne̱ ye̱ u̱n ho̱no o-dak dek zo̱nge̱-to̱ m-dum, se̱k-ye̱ ye̱ u̱n ye̱ komo ye̱ mo̱ssu̱ u̱t-hi, u̱s-ryaab u̱n Yawe ne̱, komo u̱n Kiristi.’

Se̱nge̱-mo̱ 4:27

Nip-o̱, u̱n bo̱-o̱ Urusharima ko-Gwo̱mo Here̱ [Atipas] u̱n Panti Biratus ne̱ ye̱ mo̱ssu̱te̱ u̱t-hi u̱n ye̱ ro̱ Yahuda-ne̱ á, u̱n hun-ne̱ ye̱ o-Isra-ne̱, ye̱ ro̱ u̱s-ryaab u̱n ko-gu̱w ru ne̱ Ye̱so, wu̱ ba m-ku̱ko̱p, wu̱ o daagne̱ à.

Roma-ne̱ 12:9

Was no̱ u̱n o̱r no̱ ne̱ o-nip. No̱ ginim myet rii yo̱-yo, amba bo̱p no̱ rii-yo ro̱ u̱r-bon ne̱ à kom-u̱t yoor.

Roma-ne̱ 15:13

Me̱ u̱s-ko̱n, Shir wu̱ ro̱ 'ya o-sakto̱ à, wu̱ ye'et no̱ o-zak u̱n gwu̱gwu̱-mo̱ u̱r-hur ne̱, no̱ ye̱ ro̱ m-she̱r u̱n wu̱ à. Da-o̱ Shir no̱me̱ kaane̱, sakto̱-o no̱ he m-bo̱'o̱se̱ u̱n be̱e̱b-de u̱n Ku̱kt-o̱ Shir.

1 Korinti-ne̱ 1:9

Shir u̱n daag no̱. No̱ gemet u̱r-hi u̱n Wà u̱n wu̱ ne̱, Wan-Ko̱yan na Ye̱so Kiristi. Komo Shir ro̱ m-shoos u̱n yo wu̱ rwo̱re̱ à.

2 Korinti-ne̱ 11:31

Shir o-Tato o̱ u̱n Wan-Ko̱yan Ye̱so, wu̱ a he m-bo̱m ba m-ta à, nepse̱ u̱nze ba bo̱-to̱ u̱m ro̱tte̱ á.

Garatiya-ne̱ 5:22

Da-o̱ Ku̱kt-o̱ Shir garamse̱ na à, hun-ne̱ a hyen ka rem-se u̱n she'et u̱n na, se ro̱: m-was, me̱n-u̱t pus-to̱, gwu̱gwu̱-mo̱ u̱r-hur, 'mo̱ u̱r-hur, gu u̱n hun-ne̱, u̱n shoos u̱n rii-yo u̱r-bon ne̱, u̱n o̱ shir ne̱,

Apisu-ne̱ 1:3

A bu̱m no̱ Shir, Tato-o Wan-Ko̱yan na, Ye̱so Kiristi. Wu̱ ya'asu̱ na myet rii-yo u̱r-bon yo rwu̱u̱ne̱ n-To̱n u̱n shir à. Wu̱ u̱n no̱m kaane̱ remen wu̱ guut ku̱kt-u̱t na. Wu̱ u̱n no̱m kaane̱ remen a mo̱ssu̱te̱ hi-u̱t na be-u̱r gaan u̱n Kiristi ne̱.

Piripi-ne̱ 2:9

Remen wu̱ no̱mo̱g kaane̱, Shir jakste̱ wu̱ u̱n be-de jiishe̱ à, wu̱ sagbu̱ru̱ wu̱ u̱t-gwo̱mo to̱ jiishe̱ ko̱ to̱ ke gwo̱mo-to̱ à.

Yahuda-ne̱ 2:11

Ye̱so ro̱ u̱n sokse̱ u̱n hun-ne̱ ba'as-to̱ u̱n ye̱. Komo u̱n Ye̱so u̱n ye̱ a sokse̱ ba'as-to̱ u̱n ye̱ à, myet Tato o-gaan ye̱ ro̱. O rwo̱'e̱ Ye̱so ro̱tte̱ m-ho̱ge̱ m-'e̱ á, wu̱ zeet ye̱ hen-ne̱ ye̱ u̱n wu̱.

Yahuda-ne̱ 2:9

Wu̱ a m-hyan à wu̱ ro̱ Ye̱so, u̱n ya o-da hiin a muute̱ wu̱, wu̱ wo̱o̱ yan-to̱m-ye̱ Shir á. Remen yar-mo̱ Shir, Ye̱so marag remen hun-ne̱ kap. Komo m-mo̱ka bo̱ wu̱ su̱u̱te̱ u̱r-ko̱o̱b har wu̱ meret à, a sagabu̱tu̱ wu̱ m-se̱ps, m-se̱k ne̱.

Yahuda-ne̱ 7:26

Go̱n ka ko-Gwo̱mo-wu̱ u̱n ko̱n-se Shir wu̱, wu̱ a m-ho̱o̱b, wu̱ ro̱ ba m-ku̱ko̱p à, ba u̱n rii-yo u̱t-re̱e̱b, ba u̱r-ba'as, Shir hu̱ste̱ wu̱ u̱n hon remen wu̱t u̱r-ba'as á be-de u̱n ya-u̱r-ba'as. Shir ya'aste̱ Ye̱so m-se̱k arge̱ ko yo ke rii-yo n-To̱n shir.

1 Bitrus 1:3

Depete̱ a ya'as Shir Tato-o Wan-Ko̱yan na Ye̱so Kiristi u̱r-bo̱ngo̱n remen 'wo̱n-de u̱n wu̱ u̱r-go̱s-de. Wu̱ ya'ag na mat-o pu̱-o̱ remen ka sakto̱-o̱ o̱ ya'asu̱ na m-ho̱o̱g à, bo̱ wu̱ 'yonse̱ Ye̱so Kiristi be-de u̱t-marimar à.

1 Yohana 1:3

Yo te̱ ho̱ge̱, u̱n yo te̱ hyane̱ ne̱ à, yo te̱ no̱ m-ru̱re̱, remen no̱ ma'aste̱ kang-o gaan u̱n te̱ ne̱. Bo̱ te̱ kang-o gaan o-Tato ne̱ u̱n Wà u̱n wu̱ ne̱ Ye̱so Kiristi à.

U̱t-Hyangan 2:15

Ka bu̱-o o-gaan yo komo no̱ u̱n hun-ne̱ ne̱ ye̱ ro̱ u̱n do̱re̱ u̱n yoos-u̱r Nikorata-ne̱ à.