Yahudas 1:24 - Mɑ‑to̱ Shir Taku̱rda-o swo̱r o-nu pu̱-o̱

²⁴ U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.

Yahudas 1:24 ပူးပေါင်းရင်းမြစ်များ

Matiyos 16:27

Remen me̱ Wà-wu̱ u̱n ne̱t, man haan u̱n se̱ps-m Tato re ne̱ u̱n yan-to̱m-ye̱ u̱n wu̱ ne̱, man piishe̱ ko̱ wu̱ ke ne̱t-wu̱ u̱t-ma mo̱sse̱ u̱n rii-yo wu̱ no̱me̱ ne̱ à.

Matiyos 19:28

Ye̱so shasu̱ru̱, “Nip-o̱ me̱ no̱ m-ru̱re̱, u̱n ka da-o ro̱o̱ne̱ à, da-o̱ Wà-wu̱ u̱n ne̱t he m-she'et u̱n gwo̱mo-to̱ u̱n wu̱ to̱ u̱t-go̱s à, no̱ ye̱ do̱ru̱ me̱ à, no̱ ye̱ komo he m-she'et u̱n de̱e̱g-to̱ u̱n gwo̱mo-u̱t o̱p u̱t-yoor [12]. No̱ ye̱ he piishe̱ u̱n baag-u̱t o̱p u̱t-yoor [12] to̱ u̱n Isra-ne̱ u̱t-ma.

Matiyos 25:31

“Da-o̱ Wà-wu̱ u̱n ne̱t he m-haan n-me̱ u̱n se̱ps-mo̱ u̱n wu̱ à u̱n yan-to̱m-ye̱ Shir ne̱ kap, ka da-o̱ wu̱ he m-she'et u̱n kwu̱u̱r-o̱ u̱n se̱ps-mo̱ u̱t-gwo̱mo.

Matiyos 5:12

Nom no̱ o-zak remen kaane̱, remen 'yons-u̱r go̱s-de ro̱ no̱ u̱r-'er n-To̱n shir. Kaane̱ hun-ne̱ ye̱ u̱n ye̱ ya-n-ga-ye̱ nome̱ yan-Rwo̱r u̱n Ma-to̱ Shir n-ga, ye̱ ba'u̱ no̱ à.

Ruka 9:26

U̱rege̱ hun-ne̱ ro̱ m-ho̱ge̱ 'e̱-m re u̱n yoos u̱n de ne̱, kaane̱ Wà-wu̱ u̱n ne̱t he m-ho̱ge̱ 'e̱-mo̱ u̱n ye̱ da-o̱ wu̱ he m-mu̱u̱n u̱n se̱ke̱mse̱-mo̱ u̱n wu̱ ne̱, u̱n mo̱ u̱n tato u̱n wu̱ ne̱, u̱n mo̱ u̱n yan-to̱m-se Shir ne̱ à.

Roma-ne̱ 14:4

¿Wo̱ ro̱ wa ne̱ o piishite̱ wan-gu̱w-mo̱ u̱n wu̱ ken wu̱ u̱t-ma? Ko̱ wu̱ no̱mo̱g kashi m-se̱nge̱ be-de Shir, ko̱ wu̱ no̱m á to̱ ma u̱n ko-ya-o-hur to̱ ka wu̱ piishité̱ wu̱ u̱t-ma. Wu̱a hoks m-e̱s, Wan-Ko̱yan 'ye wu̱ u̱r-ho̱.

Roma-ne̱ 8:31

U̱n gwo̱t-o̱ u̱n ka ma-to̱, ¿ya a he m-ze̱e̱ ne̱? ¿U̱rege̱ Shir ro̱ na m-tose̱ wa he no̱m u̱r-hwu̱'u̱s u̱n na ne̱?

2 Korinti-ne̱ 11:2

Me̱ u̱r-shoob rem no̱, go̱n shoob-de m-was de Shir ro̱ no̱ m-nome̱ à. U̱m su̱ru̱tu̱ no̱ o-nu u̱n campo̱ gaan, Kiristi, remen u̱m ji'itté̱ no̱ u̱t-ge be-de u̱n wu̱ ba m-ku̱ko̱p.

2 Korinti-ne̱ 4:14

Remen te̱ nak u̱nze ka wu̱ 'yonse̱ Wan-Ko̱yan Ye̱so be-de u̱n m-mar à, wu̱a 'yons te̱ mo̱sse̱ u̱n Ye̱so ne̱, wu̱ tabbu̱ te̱ mo̱sse̱ u̱n no̱ ne̱ u̱n co-o u̱n wu̱.

2 Korinti-ne̱ 4:17

Remen ka ko̱o̱b-de a m-swo̱ m-mo̱ka à, dea go̱s á. Dea heet na be-de m-se̱ps mo̱ u̱n ba m-ta. Mo̱ arage̱ nap-o̱ u̱n ne̱t à.

Apisu-ne̱ 3:20

A bu̱m no̱ Shir wu̱ ro̱ Wa-u̱r-Be̱e̱b de u̱n no̱m u̱n rii-yo arge̱ barag-u̱s na à. Wu̱ nom komo rii-yo arge̱ ka yo a ko̱ne̱ wu̱ à. Wu̱ u̱n no̱m kaane̱ u̱n be̱e̱b-de u̱n Ku̱kt-o̱ u̱n wu̱ o̱ ro̱ u̱n hur-u̱t na à.

Apisu-ne̱ 5:27

Wu̱ u̱n no̱m kaane̱ remen da-o̱ wu̱ he deke̱ u̱n hi u̱n de u̱n wu̱ yan-dor à, ye̱ waragté̱ m-se̱ps ne̱, ba u̱t-ri'in, ko̱ hiin, komo ba m-ku̱ko̱p, ye̱ warag po̱r po̱r, ba a u̱n kum be-de a he m-pyap à.

Korosiya-ne̱ 1:22

Amba m-mo̱ka, Shir hongsu̱te̱ she'et-u̱r so̱-de be-u̱r no̱ u̱n wu̱ ne̱. Wà u̱n wu̱ waragte̱ ne̱t komo wu̱ mer n-to̱n o-kan. Shir hongsu̱te̱ no̱ bo̱ wu̱ yage̱ Kiristi meret rem no̱ à. Wu̱ u̱n no̱m kaane̱ remen da-o̱ no̱ he m-e̱s u̱n co-o̱ Shir à wu̱a go̱ks no̱ hun-ne̱ ye̱ ba m-ku̱ko̱p ba u̱r-ba'as. Komo yatt-wu̱ he m-ze̱e̱ no̱ no̱mo̱g rii yo̱-yo á.

Korosiya-ne̱ 1:28

Te̱ ko̱'o̱te̱ u̱n ko̱wan wu̱ do̱re̱ Kiristi. Komo te̱ u̱n yoose̱ u̱n ko̱wan u̱n myet-o̱ u̱s-we̱e̱r ne̱. Yo a co̱ne̱ be-de u̱n yoos-u̱r te̱ à yo ro̱, bo̱ myet-mo̱ u̱n yan-dor ye̱ u̱n Kiristi he m-e̱s shiishe̱ da-o̱ ye̱ he m-e̱s u̱n co-o̱ Shir à.

Korosiya-ne̱ 3:4

Da-o̱ Kiristi, wu̱ ya'u̱ no̱ ho̱o̱g à, wu̱ mu̱u̱ne̱ u̱n ka da-o̱, no̱a es u̱n wu̱ ne̱ no̱ kum se̱ps-mo̱ u̱n wu̱.

2 Timoti 4:18

U̱m nepste̱ Wan-Ko̱yan wu̱a ruut me̱ u̱n ko̱ yo ke rii yo̱-yo yo. Wu̱a 'er me̱, wu̱ woot me̱ be-de u̱n gwo̱mo-to̱ u̱n wu̱ to̱ n-To̱n o-shir. Yage̱ a bu̱mu̱t Wan-Ko̱yan, har da-o̱ ba m-ta! Amin.

Yakubu 2:10

Bo̱ u̱n ne̱t-wu̱ je̱te̱ karamsa-o gaan à, wu̱ ro̱ u̱n zo̱nge̱ to̱ wu̱ jetemte̱ to̱ o̱ ka myet.

1 Bitrus 4:13

Amba no̱m no̱ o-zak, remen no̱ m-swo̱ u̱r-ko̱o̱b bo̱ Kiristi swo̱ de à. Remen no̱a nom o-zak de̱e̱n da-o̱ wu̱ he m-mu̱u̱n u̱n se̱ps-mo̱ u̱n wu̱ ne̱ à.

2 Bitrus 1:10

Remen kaane̱ o̱r re ne̱ yan-dor, no̱m no̱ bo̱ u̱n hoks-m no̱, no̱ no̱m rii-yo u̱r-bon no̱ kututé̱ hi u̱n no̱ u̱n ye̱ ken ye̱ ne̱ u̱nze Shir daagu̱ no̱ komo ne̱ wu̱ eeg no̱ hun-ne̱ ye̱ u̱n wu̱. U̱rege̱ no̱ no̱mo̱g ka rem-se, no̱ hede m-he̱ á.

Yahudas 1:21

She'et no̱ u̱n was-m Shir, e̱ss no̱ hi u̱n no̱ u̱n was-mo̱ Shir. She'et no̱ kaane̱ bo̱ no̱ u̱n u̱r-'er de u̱n 'wo̱n-u̱r Wan-Ko̱yan na Ye̱so Kiristi de he no̱ haante̱ u̱n ho̱o̱g-o̱ ba m-ta à.

U̱t-Hyangan 14:5

Ye̱ tak u̱n no̱m u̱t-bo̱, hun-ne̱ hoks ye̱ m-yo'og á.