Yahudas 1:18 - Mɑ‑to̱ Shir Taku̱rda-o swo̱r o-nu pu̱-o̱

¹⁸ Ye̱ ru̱ru̱te̱ no̱ u̱nze, “Da-o̱ u̱r-ko̱m a no̱m ye̱ ken hun-ne̱ ye̱ ya-u̱r-ar, ye̱ ro̱ m-co̱n ye̱ ho̱ge̱ re̱re̱m-mo̱ u̱n ye̱ u̱n ko̱ yo ke co̱w-yo ba u̱r-bon yo à.”

Yahudas 1:18 ပူးပေါင်းရင်းမြစ်များ

Se̱nge̱-mo̱ 20:29

“U̱m nepste̱ me̱ aragse̱, ye̱ ken yan-yoos-de u̱t-bo̱ ye̱, ye̱a co̱wo̱n be u̱n no̱. Ye̱ ro̱ u̱ntu̱n ye̱ge̱-dur, ye̱ co̱ne̱ m-ho̱ kur-o̱ u̱n ca à.

2 Timoti 3:13

Amba yan-me̱n-u̱t jaas-to̱, u̱n ya-u̱t-raks ne̱, she'et-de u̱n ye̱ u̱r-yo̱-de a do m-ha n-co n-co. Ye̱ ro̱ u̱n raks u̱n hun-ne̱, u̱n ce u̱n ye̱, a ye̱ u̱t-raks.

2 Timoti 4:3

Me̱ wo̱ m-ru̱re̱ u̱n ka ma-to̱ remen da-o ro̱o̱n, o̱ hun-ne̱ a cu̱n ye̱ ho̱ge̱ yoos-de o-nip á. Amba ye̱a no̱m rem-u̱s yo̱-se se hur-de u̱n ye̱ co̱ne̱ à. Komo ye̱a raks to̱-to̱ u̱n ye̱ be-de yan-yoos-de u̱t-bo̱. Ka yoos-de ro̱ ye̱ m-ru̱re̱ yo to̱-to̱ u̱n ye̱ co̱ne̱ m-ho̱ge̱ à.

2 Bitrus 2:1

Cin n-ga be-de hun-ne̱ ye̱ o-Isra, yan-rwo̱r u̱n Ma-to̱ Shir ya-u̱t-bo̱ ro kon. To̱, kaane̱ ha, be u̱n no̱ a kum yan-yoos-de u̱t-bo̱. Ye̱a hante̱ yoos-de u̱t-bo̱ mo̱sse̱ u̱n Shir ne̱. Amba ye̱a 'ye u̱r-hek ko̱ wan-gaan wu̱ nept u̱nze bo̱-to̱ á. Ka bo̱-to̱ a naas hun-ne̱ ye̱ she̱re̱ be-de u̱n to̱ à. Ka yan-yoos-de u̱t-bo̱ ye̱ har ye̱a yage̱ Kiristi, Wan-Ko̱yan wu̱ u̱n ye̱ wu̱ ruru ye̱ be-de u̱n ba'as-de u̱n ye̱ à. Nom u̱n kaane̱ a hante̱ ye̱ o-sabre̱ ba u̱n rem.

2 Bitrus 2:10

To̱ ka nip-to̱, yagu̱nte̱ ken ka ye̱ ro̱ m-do̱re̱ u̱n sabre̱-o̱ u̱n hur-de u̱n ye̱ de u̱r-ba'as à. Ye̱ komo 'yar u̱t-gwo̱mo. Remen uk o-cin m-nu̱ ne̱ ye̱ hoote̱ u̱r-hur u̱n taase ye̱ ho̱ge̱ gye̱r-o̱ u̱n yo'og u̱n yan-to̱m-ye̱ Shir.

2 Bitrus 3:3

Yo jiishe̱ à, depete̱ no̱ nep u̱nze n-me̱ u̱n ho̱-to̱ u̱r-ko̱m, ya-u̱r-ar ro̱o̱n, ye̱ nemestú̱ no̱ remen sakto̱-o yo̱-o̱ garamsu̱te̱ ho̱o̱g-mo̱ u̱n ye̱.

Yahudas 1:16

Ka hun-ne̱ ye̱ de̱, ya-u̱s-hwu̱hwu̱g-ye̱, ko̱yanda ye̱ ro̱ m-hyan u̱n ba'as-de u̱n ye̱ ken ye̱. Go̱p-u̱r yo̱-de de ro̱ barag-se u̱n ye̱ temb. Ye̱ u̱n raks u̱n hun-ne̱ u̱n nu-o̱ m-re̱re̱m remen ye̱ reet u̱r-ho̱ be-de u̱n ye̱.

Yahudas 1:4

Me̱ u̱n rwo̱r kaane̱ remen ye̱ ken hun-ne̱ ye̱ co̱wo̱g be u̱n no̱ wukusse̱. Ye̱tt gye̱r-o̱ Shir á. Ye̱ ro̱ m-ze̱e̱ yar-mo̱ Shir ya'ag na u̱r-ke̱e̱r a she'ette̱ she'et-de ma saa. Ko̱m-de u̱n ka hun-ne̱ ro̱ cas cas remen ye̱ sha'ag Wan-Nap-u̱s na cot, Wan-Ko̱yan Ye̱so Kiristi. A nepste̱ ka yo ro̱ remen gense̱ to̱ ro̱ n-me̱ u̱n Ma-to̱ Shir cin n-ga.